ອະລັດ ປູລິໂດ ກອງໜ້າດາວຍິງຂອງທີມໂອລິບເປຍກອສ ສະໂມສອນບານເຕະອາຊີບຂອງເກຣກ ຖືກລັກພາຕົວທີ່ລັດຕາເມາລີປັສ ລັດບ້ານເກີດທາງຕາເວັນອອກສຽງເໜືອຂອງແມັກຊິໂກທີ່ມີຊາຍແດນຕິດຕັບສະຫະລັດ.
ໄອຍະການລັດເຜີຍກັບຜູ້ສື່ຂ່າວວ່າ ຄອບຄົວຂອງທ້າວ ປູລິໂດ ອາຍຸ 25 ປີ ແຈ້ງຄວາມວ່າຄົນຮ້າຍ 6 ຄົນລັກພາຕົວເຂົາຊ່ວງເຊົ້າມືດຫຼັງກັບຈາກງານລ້ຽງສັງສັນ ຢ່າງໃດກໍດີ ເຈົ້າໜ້າທີ່ບໍ່ຮູ້ວ່າຄົນຮ້າຍໄດ້ຕິດຕໍ່ກັບຄອບຄົວຂອງເຂົາ ຫຼື ບໍ່ ຂະນະນີ້ ທະຫານ ແລະ ຕຳຫຼວດກຳລັງຊ່ວຍກັນຊອກຫາເຂົາຢູ່ ສື່ທ້ອງຖິ່ນລາຍງານວ່າ ປູລິໂດໄປງານລ້ຽງກັບແຟນສາວ ລະຫວ່າງທາງຖືກກຸ່ມລົດຕູ້ຂວາງຖະໜົນໄວ້ ກຸ່ມຄົນຮ້າຍປ່ອຍຕົວແຟນສາວຕັ້ງແຕ່ຢູ່ໃນທີ່ເກີດເຫດແຕ່ລາວບໍ່ຮູ້ວ່າເຂົາຖືກນຳຕົວໄປບ່ອນໃດ.
ດ້ານທີມໂອລິມເປຍກອສແຈ້ງວ່າ ກຳລັງຕິດຕາມຂ່າວຄາວຈາກທາງຄອບຄົວ ແລະ ເອກອັກຄະລັດຖະທູດແມັກຊິໂກປະຈຳເກຣກ ໂດຍໄດ້ລົງພາບຖ່າຍຂອງເຂົາໃນທວິດເຕີພ້ອມຂໍ້ຄວາມເປັນພາສາແອັດສະປາຍ, ເກຣກ ແລະ ອັງກິດ ພາວະນາໃຫ້ເຂົາປອດໄພເຊັ່ນດຽວກັນໄທເກຣສ, ຢູເອເອັນແອລ ສະໂມສອນບານເຕະແມັກຊິໂກຊຶ່ງເປັນສັງກັດເກົ່າຂອງເຂົາກໍທວິດໃຫ້ກຳລັງໃຈຄອບຄົວ ແລະ ຂໍໃຫ້ເຂົາປອດໄພເຊັ່ນກັນ.
ລັດຕາເມາລີປັສເປັນລັດອິດທິພົນຂອງເດິກັລຟ໌ ແລະ ເຊຕາສ ແກ້ງຢາເສບຕິດຊື່ດັງສອງແກ້ງທີ່ເຄີຍເປັນພັນທະມິດກັນມາກ່ອນ ແຕ່ພາຍຫຼັງແຕກແຍກ ແລະ ຂ້າຟັງຍາດຊີງພື້ນທີ່ກັນ ເຖິງວ່າຫົວໜ້າກຸ່ມທັງສອງຖືກຈັບເປັນ ຫຼື ຈັບຕາຍມາແລ້ວຫຼາຍຄົນແຕ່ສະມາຊິກກໍຍັງຄົງກໍ່ເຫດຢູ່ ປີທີ່ຜ່ານມາລັດນີ້ມີຄົນຖືກຂຶ້ນບັນຊີຄົນເສຍ 5.000 ຄົນ ຈາກທັງໝົດ 26.000 ຄົນທົ່ວປະເທດ ແຕ່ອົງກກອນການກຸສົນໃນລັດນີ້ກ່າວວ່າ ຕົວເລກຄົນເສຍທີ່ແທ້ຈິງສູງເຖິງ 11.000 ຄົນ.