spot_img
Homeປ່ອງຢ້ຽມດວງດາວນັກວິທະຍາສາດຊີ້ດາວອັງຄານກຳລັງເຂົ້າສູ່ພາວະນ້ຳກ້ອນ

ນັກວິທະຍາສາດຊີ້ດາວອັງຄານກຳລັງເຂົ້າສູ່ພາວະນ້ຳກ້ອນ

Published on

ນັກວິທະຍາສາດພົບຫຼັກຖານວ່າ ຍຸກນ້ຳກ້ອນເທິງດາວອັງຄານໄດ້ເລີ່ມຕົ້ນຂຶ້ນແລ້ວ ຈາກຂໍ້ມູນທີ່ໄດ້ຈາກຂົ້ວເໜືອຂອງດາວອັງຄານ ເຊິ່ງຂະບວນການນີ້ເກີດຂຶ້ນແບບດຽວກັບຂະບວນການເກີດຍຸກນ້ຳກ້ອນເທິງໂລກ ນັ້ນຄື ການປ່ຽນແປງຂອງອົງສາແກນອ່ຽງຂອງດາວນັ້ນເອງ

ຍຸກນ້ຳກ້ອນ ແມ່ນຍຸກທີ່ມີປະລິມານແສງອາທິດສາດສ່ອງລົງໄປມາທີ່ຜິວດາວຈະປ່ຽນແປງໄປ ຈັດວ່າເປັນຂະບວນການທີ່ເກີດຂຶ້ນແລ້ວກິນເວລາຍາວນານ ໂດຍໃນຄັ້ງນີ້ ນັກວິທະຍາສາດໄດ້ສຶກສາຂໍ້ມູນເຣດາຈາດຍານອາວະກາດ “ມາສຣີຄອນເນສເຊນອໍບີເຕີຣ” ຂອງອົງການບໍລິຫານການບິນ ແລະ ອາວະກາດແຫ່ງຊາດ ສະຫະລັດ ຫຼື ນາຊາ ແລະ ໄດ້ເຜີຍແຜ່ໃນວາລະສານວິຊາການ Science ແລ້ວ

ດຣ. ໄອແຊດ ສະມິດ ນັກວິໄຈເຜີຍວ່າ “ເຮົາພົບວ່ານ້ຳກ້ອນມີປະມານ 100 ເຖິງ 300 ແມັດຫ່າງຈາກຂົ້ວເໜືອມີການສະສົມຕົວຢ່າງໄວວາ”

“ປະລິມາດ ແລະ ຄວາມໜາຂອງນ້ຳກ້ອນນັ້ນກົງກັບແບບຈຳລອງທີ່ເຄີຍທຳນາຍໄວ້ເມື່ອປະມານປີ 2000 ຂໍ້ມູນການສຳຫຼວດເຣດ້າໃນບໍລິເວນຂົ້ວນ້ຳແຂງດາວອັງຄານເຮັດໃຫ້ເຮົາໄດ້ຂໍ້ມູນ ປະຕິບັດການສະສົມຕົວ ແລະ ການກັດເຊາະຂອງນ້ຳກ້ອນ ເຊິ່ງກ່ຽວຂ້ອງກັບການປ່ຽນແປງສະພາບອາກາດເທິງດາວອັງຄານ

ປັດຈຸບັນດາວອັງຄານກໍ່ໄດ້ໂຄຈອນຮອບດວງອາທິດ ແລະ ມີລະດູການຄ້າຍກັບໂລກ ຕະຫຼອດຈົນການປ່ຽນແປງແກນອຽງຂອງດາວອັງຄານ ທີ່ຕ່າງກໍ່ມີອິດທິພົນຕໍ່ສະພາບນ້ຳກ້ອນເທິງດາວ ແຕ່ຢ່າງໃດກໍ່ຕາມ ດາວອັງຄານໜ້າຈະມີການປ່ຽນແປງແກນອຽງທີ່ຫຼາຍກວ່າໂລກ ເຊິ່ງອາດຫຼາຍເຖິງ 60 ອົງສາ

ໃນການວັດແທກແບບລະອຽດໃນຄັ້ງນີ້ພົບວ່າ ມີນ້ຳກ້ອນເກາະຢູ່ຂົ້ວດາວປະມານ 87,000 ລູກບາດກິໂລແມັດ ນັບຕັ້ງແຕ່ສິ້ນສຸດຍຸກນ້ຳກ້ອນເມື່ອ 370,000 ປີກ່ອນ ໂດຍນ້ຳກ້ອນສ່ວນຫຼາຍຢູ່ທີ່ຂົ້ວເໜືອ ຫາກນ້ຳກ້ອນປະລິມານນີ້ກະຈາຍເທິງດາວກໍ່ຈະທຽບເທົ່າກັບວ່າດາວອັງຄານຈະມີຊັ້ນນ້ຳກ້ອນໜາເຖິງ 60 ຊມ

ຜົນການສຶກສາຄັ້ງນີ້ມີປະໂຫຍດຕໍ່ການສ້າງແບບຈຳລອງເພື່ອອະທິບາຍການປ່ຽນແປງສະພາບອາການເທິງດາວອັງຄານ

 

ທີ່ມາ: http://www.vcharkarn.com/

ບົດຄວາມຫຼ້າສຸດ

ບໍລິສັດ ເບຍລາວ ໄດ້ຮັບການຮັບຮອງດ້ານຄຸນນະພາບໃນລະດັບສາກົນ ຈັດຂຶ້ນຢູ່ນະຄອນບຣູດເຊວ, ປະເທດເບວຢຽ

ບໍລິສັດ ເບຍລາວ ໄດ້ຮັບການຮັບຮອງດ້ານຄຸນນະພາບໃນລະດັບສາກົນອີກຄັ້ງ ເມື່ອສອງຜະລິດຕະພັນຂອງບໍລິສັດຄື: ເບຍລາວ ແລະ ເບຍລາວກຣີນ ຄວ້າລາງວັນຫຼຽນຄຳດ້ານຄຸນນະພາບໃນງານ Monde Selection ຄັ້ງທີ 64 ເຊິ່ງເປັນງານມອບລາງວັນດ້ານຄຸນນະພາບລະດັບໂລກ ທີ່ໄດ້ຈັດຂຶ້ນຢູ່ນະຄອນບຣູດເຊວ,...

ພາກເໜືອ-ກາງ ກຽມຮັບມືກັບຝົນຕົກໃນໄລຍະວັນທີ 12 ຫາ 17 ເມສາ 2025

ຝົນຕົກ ຟ້າຮ້ອງ ຟ້າເຫຼື້ອມ, ຫມາກເຫັບຕົກ ແລະ ລົມພັດແຮງ ໃນໄລະຍະວັນທີ 12 ຫາ 17 ເມສາ 2025 ຄວາມກົດດັນສູງອາກາດເຢັນທີ່ປະເທດຈີນຈະແຜ່ລົງມາປົກຄຸມຢູ່ເຂດພາກເຫນືອ ແລະ ພາກກາງ...

ໃນປີ 2024 ແຂວງໄຊສົມບູນ ກວດພົບພະນັກງານ ສໍ້ລາດບັງຫຼວງ 3 ຄົນ ມູນຄ່າເສຍຫາຍເກືອບ 20 ລ້ານກີບ

ແຂວງໄຊສົມບູນ ກວດພົບພະນັກງານ ສໍ້ລາດບັງຫຼວງ 3 ຄົນ ມູນຄ່າເສຍຫາຍເກືອບ 20 ລ້ານກີບ ໃນປີ 2024 ຄະນະກວດກາພັກ,ອົງການກວດກາລັດ ແຂວງໄຊສົມບູນ ຈັດກອງປະຊຸມ ສະຫຼຸບຕີລາຄາວຽກງານກວດກາທົ່ວແຂວງໄຊສົມບູນ ປະຈຳປີ...

ກອງທັບປະຊາຊົນລາວ ສິ້ນສຸດພາລະກິດ ຊ່ວຍເຫຼືອຜູ້ປະສົບໄພແຜ່ນດິນໄຫວຢູ່ ສສ ມຽນມາ

ກອງທັບປະຊາຊົນລາວ ສໍາເລັດການຊ່ວຍເຫຼືອຜູ້ປະສົບໄພແຜ່ນດິນໄຫວຢູ່ ສສ ມຽນມາ ໃນວັນທີ 8 ເມສາ ຜ່ານມາ ຄະນະປະຕິບັດງານຊ່ວຍເຫຼືອຜູ້ປະສົບແຜ່ນດິນໄຫວຂອງກອງທັບປະຊາຊົນລາວ ນຳໂດຍສະຫາຍ ພັນເອກ ປາດຖະໜາ ບຸດຕິຈັກ ຮອງຫົວໜ້າຫ້ອງການກົມໃຫຍ່ເສນາທິການກອງທັບ, ຄະນະກຳມະການຄຸ້ມຄອງໄພພິບັດກະຊວງປ້ອງກັນປະເທດ,...