ໂດຍທົ່ວໄປແລ້ວ Huawei ຈະບໍ່ຄ່ອຍໄດ້ເຈາະກຸ່ມຕະຫຼາດລະດັບລຸ່ມປານໃດ ເພາະປົກກະຕິແລ້ວ ຈະເນັ້ນໄປທີ່ຕະຫຼາດລະດັບກາງ ຫາ ສູງ ເປັນສ່ວນໃຫຍ່ຄືກັນກັບ Apple. ແຕ່ວ່າໃນຕອນນີ້ທາງ Huawei ກໍເລີ່ມທີ່ຈະກັບມາໃຫ້ຄວາມສຳຄັນກັບຕະຫຼາດລະດັບລຸ່ມກັນອີກຄັ້ງພາຍໃຕ້ແບຣນ Honor, ເຊິ່ງສະມາດໂຟນລຸ້ນໃໝ່ນີ້ຈະເປັນລຸ້ນທີ່ຄາດວ່າຈະມີລາຄາເລີ່ມຕົ້ນບໍ່ເກີນ 1.000.000 ກີບ ຄືກັນກັບ Honor 4A ໂດຍຮອບມີຈະມາທັງ 2 ລຸ້ນເຊິ່ງໄດ້ແກ່: Honor 5A ແລະ 5A Plus ທີ່ຫາກ່ອນຜ່ານການຮອງຮັບຈາກ TENAA ທີ່ປະເທດຈີນ.
ສຳລັບສະເປັກຂອງ Honor 5A ແມ່ນມີໜ້າຈໍຂະໜາດ 5 ນິ້ວ, ຄວາມລະອຽດ HD (1080 x 720 ພິກເຊວ), ໃຊ້ງານຊິບປະມວນຜົນຄວາມແຮງຢູ່ທີ່ 1.3GHz. RAM 2GB ແລະ ພື້ນທີ່ຈັດເກັບ 16GB. ກ້ອງຫຼັງຄວາມລະອຽດ 13 ລ້ານພິກເຊວ, ແຕ່ວ່າກ້ອງໜ້າມີພຽງ 2 ລ້ານພິກເຊວເທົ່ານັ້ນ. ສ່ວນຄຸນສົມບັດອື່ນໆກໍຄົງມາພ້ອມກັບ Android 5.1 Lollipop, ແບັດເຕີຣີ 2200mAh ແລະຮອງຮັບ 4G LTE.
ສ່ວນອີກລຸ້ນໜຶ່ງນັ້ນກໍຄື Honor 5A Plus ຈະມີໜ້າຈໍໃຫຍ່ກວ່າຢູ່ທີ່ 5.5 ນິ້ວ, ຄວາມລະອຽດ HD (1080 x 720 ພິກເຊວ), ມາພ້ອມກັບຊິບປະມວນຜົນ octa core ຄວາມແຮງຢູ່ທີ່ 1.8GHz. RAM 2GB ແລະພື້ນທີ່ຈັດເກັບ 16GB, ສ່ວນຄຸນສົມບັດອື່ນໆແມ່ນຄືກັນກັບ Honor 5A, ແຕ່ແບັດເຕີຣີຈະຕ່າງຄືໃຫ້ມາ 3000mAh. ກ້ອງໜ້າຄວາມລະອຽດ 8 ລ້ານພິກເຊວ ແລະກ້ອງຫຼັງ 13 ລ້ານພິກເຊວ.
ສຳລັບມື້ເປີດໂຕຢ່າງເປັນທາງການນັ້ນຄາດວ່າຈະເປີດໂຕໃນໄວໆນີ້ ແລະລາຄາເລີ່ມຕົ້ນຂອງໂຕເຄື່ອງຄາດວ່າ 1.000.000 ກີບ, ເຊິ່ງເໝາະກັບໃຜທີ່ຕ້ອງການສະມາດໂຟນສະເປັກແຮງ ລາຄາເບົາ ກໍໄດ້.
ທີ່ມາ:gizmochina