ຈາກກ່ອນໜ້ານີ້ທີ່ມີຂ່າວ ສະມາດໂຟນ Honor 5A ແລະ 5A Plus ຜ່ານການຮັບຮອງຈາກ TENAA ແລ້ວ, ໃນມື້ນີ້ເອງເຮົາກໍມີພາບບັດເຊີນຮ່ວມງານເປີດໂຕຂອງສະມາດໂຟນລຸ້ນດັ່ງກ່າວແລ້ວ ເຊິ່ງຈະເປີດໂຕໃນປະເທດຈີນ ວັນທີ 12 ມິຖຸນານີ້.
ສຳລັບສະເປັກຂອງ Honor 5A ແມ່ນມີໜ້າຈໍຂະໜາດ 5 ນິ້ວ, ຄວາມລະອຽດ HD (1080 x 720 ພິກເຊວ), ໃຊ້ງານຊິບປະມວນຜົນຄວາມແຮງຢູ່ທີ່ 1.3GHz. RAM 2GB ແລະ ພື້ນທີ່ຈັດເກັບ 16GB. ກ້ອງຫຼັງຄວາມລະອຽດ 13 ລ້ານພິກເຊວ, ແຕ່ວ່າກ້ອງໜ້າມີພຽງ 2 ລ້ານພິກເຊວເທົ່ານັ້ນ. ສ່ວນຄຸນສົມບັດອື່ນໆກໍຄົງມາພ້ອມກັບ Android 5.1 Lollipop, ແບັດເຕີຣີ 2200mAh ແລະຮອງຮັບ 4G LTE.
ສ່ວນອີກລຸ້ນໜຶ່ງນັ້ນກໍຄື Honor 5A Plus ຈະມີໜ້າຈໍໃຫຍ່ກວ່າຢູ່ທີ່ 5.5 ນິ້ວ, ຄວາມລະອຽດ HD (1080 x 720 ພິກເຊວ), ມາພ້ອມກັບຊິບປະມວນຜົນ octa core ຄວາມແຮງຢູ່ທີ່ 1.8GHz. RAM 2GB ແລະພື້ນທີ່ຈັດເກັບ 16GB, ສ່ວນຄຸນສົມບັດອື່ນໆແມ່ນຄືກັນກັບ Honor 5A, ແຕ່ແບັດເຕີຣີຈະຕ່າງຄືໃຫ້ມາ 3000mAh. ກ້ອງໜ້າຄວາມລະອຽດ 8 ລ້ານພິກເຊວ ແລະກ້ອງຫຼັງ 13 ລ້ານພິກເຊວ.
ທີ່ມາ: gizmochina