ອາການຂອງໂຣກຕັບແຂງ ຜູ້ປ່ວຍຕັບແຂງໃນໄລຍະທຳອິດ ຈະຍັງບໍ່ມີອາການ ແຕ່ຫາກເປັນແຮງຂຶ້ນຈະເລີ່ມມີອາການສະແດງໂດຍທົ່ວໄປ ແມ່ນ ຮ່າງກາຍຮູ້ສຶກອ່ອນເພຍ, ເບື່ອອາຫານ, ນ້ຳໜັກຫລຸດໄວ, ປວດຮາກ, ຮາກ ຫຼື ຕົວເຫຼືອງຕາເຫຼືອງ ຖ້າໂຣກຕັບແຂງເປັນແຮງຂຶ້ນອີກຈະມີອາການແຊກຊ້ອນໃຫ້ເຫັນເຊັ່ນ: ອາການບວມຕ່າງໆຂອງຮ່າງກາຍເຊິ່ງຈະເຫັນໄດ້ຊັກເຈນແມ່ນທ້ອງ ຍ້ອນຕັບບໍ່ສາມາດສ້າງໂປຣຕິນອັລບູມິນໄດ້ ຫຼື ຈະມີອາການເລືອດອອກງ່າຍເນື່ອງຈາກວ່າຕັບບໍ່ສາມາດສ້າງປັດໄຈບາງຢ່າງທີ່ເຮັດໃຫ້ເລືອດແຂງຕົວໄດ້ ນອກຈາກນີ້ຍັງມີການຄັງຂອງເສຍ ແລະ ນ້ຳດີ ເຮັດໃຫ້ຄັນຕາມຜິວໜັງ ແລະ ຜິວຄ້ຳດຳ ນຳໄປສູ່ການສູນເສຍຄວາມສົງຈຳ ແລະ ສະຕິເລິເລືອນໄດ້ ສຸດທ້າຍຫາກມີອາການຮຸນແຮງຫຼາຍຂຶ້ນຈົນເຖິງຮາກອອກເປັນເລືອດ ອາດສົ່ງຜົນເສຍໄປສູ່ລະບົບຕ່າງໆ ຂອງຮ່າງກາຍ ໂດຍສະເພາະໝາກໄຂ່ຫຼັງອາດຈະບໍ່ທຳງານໄດ້

ສາເຫດທີ່ເກີດຕັບແຂງ ໂດຍສາເຫດຫຼັກໆທີ່ພົບແມ່ນມາຈາກການດື່ມສຸລາເປັນປະຈຳໃນປະລິມານຫຼາຍ, ໄວຣັສຕັບອັກເສບຍາວນານ, ການກິນຢາພາຣາເຊຕາມໍຕິດຕໍ່ກັນເປັນເວລາດົນ

ການຮັກສາຂັ້ນເບື້ອງຕົ້ນ ຕ້ອງຮັກສາຈາກສາເຫດການເປັນຕັບແຂງເຊັ່ນ: ຖ້າເກີດຈາກການດື່ມສຸຣາກໍ່ໃຫ້ຢຸດການດື່ມສຸຣາ, ຖ້າເກີດຈາກການໃຊ້ຢາກໍ່ໃຫ້ຢຸດການໃຊ້ຢາ ຫຼື ຖ້າເກີດຈາກໄວຣັສກໍ່ໃຊ້ຢາເພື່ອຮັກສາໄວຣັສນັ້ນ ໂດຍປົກກະຕິແລ້ວ ໂຣກຕັບແຂງບໍ່ສາມາດຮັກສາໃຫ້ຫາຍຂາດໄດ້ ແຕ່ເຮັດໄດ້ພຽງຢັບຢັ້ງການຈະເລີນເຕີບໂຕຂອງພະຍາດເທົ່ານັ້ນ ນອກຈາກນັ້ນກໍ່ຮັກສາຕາມອາການແຊກຊ້ອນທີ່ເກີດຂຶ້ນ ເຊັ່ນ: ຖ້າບວມກໍ່ໃຊ້ຢາຫລຸດບວມ, ຖ້າຄັນກໍ່ໃຊ້ຢາແກ້ແພ້ ເປັນຕົ້ນ

ທີ່ມາ: http://www.pikool.com/