ອາການຂອງໄມເກຣນ ມັກປວດຫົວຂ້າງດຽວ ໂດຍສ່ວນຫຼາຍຈະໃຊ້ເວລາໃນການປວດປະມານ 4-72 ຊົ່ວໂມງ ລັກສະນະການປວດຫົວແມ່ນຈະປວດແບບຕຸບໆ ຕາມຈັງຫວະການເຕັ້ນຂອງຫົວໃຈ ບາງຄັ້ງປວດແຮງຈົນບໍ່ສາມາດເຮັດຫຍັງໄດ້ ແລະ ອາດມີອາການອື່ນຮ່ວມຢູ່ນຳເຊັ່ນ: ອາການວິນຫົວ, ປວດຮາກ ແລະ ອາການຜິດກະຕິທາງສາຍຕາ ເຊັ່ນ: ຕາລາຍ ເປັນຕົ້ນ

ການຮັກສາເບື້ອງຕົ້ນ ສ່ວນຫຼາຍການຮັກສາໄມເກຣນແມ່ນຮັກສາໄດ້ໂດຍບໍ່ຕ້ອງໃຊ້ຢາ ເຊັ່ນ: ການນອນພັກຜ່ອນໃຫ້ພຽງພໍ, ການນັ່ງສະມາທິ, ການດິນອາຫານໃຫ້ເປັນປະໂຫຍດ, ການອອກກຳລັງກາຍຢ່າງສະໝ່ຳສະເໝີ ນອກຈາກນັ້ນຍັງສາມາດຮັກສາໄດ້ດ້ວຍການນວດເຊັ່ນ: ນວດຝາຕີນ, ນວດຂະມັບ, ເພື່ອຊ່ວຍການໄຫລວຽນຂອງເລືອດ ແຕ່ຫາກມີອາການຮຸນແຮງຄວນໄປພົບແພດເພື່ອຮັບການຮັກສາ

ການຮັກສາໄມເກຣນດ້ວຍສະໝຸນໄພ

ໃບຜັກໜອກ ນອກຈາກຈະແກ້ຊ້ຳໃນໄດ້ແລ້ວ ຍັງຊ່ວຍໃນການໄຫລວຽນຂອງເລືອດໄດ້ດີອີກດ້ວຍ ຈິ່ງສາມາດນຳມາຮັກສາອາການໄມເກຣນໄດ້ ໂດຍການນຳເອົາໃບຜັກໜອກຈຳນວນ 2 ກຳມື ມາລ້າງໃຫ້ສະອາດແລ້ວຄັ້ນເອົາແຕ່ນ້ຳດື່ມວັນລະ 2 ຄັ້ງ ເຊົ້າ-ແລງ ກໍ່ຈະຊ່ວຍຮັກສາອາການໄມເກຣນໄດ້

ທີ່ມາ: http://www.pikool.com/