spot_img
Homeນານາສາລະ4 ວິທີໃຫ້ຍາດພີ່ນ້ອງຢືມເງິນແນວໃດຈິ່ງຈະປອດໄພ

4 ວິທີໃຫ້ຍາດພີ່ນ້ອງຢືມເງິນແນວໃດຈິ່ງຈະປອດໄພ

Published on

ເຊື່ອວ່າຫຼາຍໆຄົນຄົງເຄີຍພົບບັນຫານີ້ມາແລ້ວກັບເຫດການທີ່ຍາດພີ່ນ້ອງ, ຄົນໃນຄອບຄົວ ຫຼື ເພື່ອນທີ່ສະໜິດມາຢືມເງິນ ບໍ່ວ່າຈະດ້ວຍເຫດຜົນໃດກໍ່ຕາມ  ຖ້າມັນບໍ່ແມ່ນເງິນຈຳນວນຫຼາຍເຮົາກໍ່ພໍຊ່ວຍໄດ້ ແຕ່ຖ້າເປັນເງິນກ້ອນໃຫຍ່ ທ່ານກໍ່ຄົງອຶດອັດໃຈແນ່ນອນ ເພາະຖ້າຈະໃຫ້ເຂົາຢືມຕົນເອງກໍ່ບໍ່ມີ ເຖິງມີມັນກໍ່ແມ່ນເງິນເຮົາທີ່ຫາມາດ້ວຍເຫື່ອແຮງ ແລະ ການໃຫ້ພີ່ນ້ອງຢືມເງິນໂດຍສະເພາະຄົນໃນເຮືອນດຽວກັນ ແມ່ນມີຄວາມສ່ຽງຫຼາຍທີ່ຈະບໍ່ໄດ້ຄືນ ວັນນີ້ພວກເຮົາເລີຍມີ 4 ແນວທາງໃຫ້ຍາດພີ່ນ້ອງຢືມເງິນແນວໃດຈິ່ງຈະປອດໄພ ມາຝາກເພື່ອເປັນຂໍ້ຄິດດີໆກ່ອນທີ່ທ່ານຈະໃຫ້ຄົນຢືມເງິນເຖິງແມ່ນວ່າຄົນໆນັ້ນຈະແມ່ນຍາດພີ່ນ້ອງ, ເພື່ອນສະໜິດ, ຄົນຮັກແພງທ່ານກໍ່ຕາມ.

2061

1. ໃຫ້ຢືມສະເພາະປະມານວ່າຖ້າບໍ່ໄດ້ຄືນແຕ່ເຮົາຍັງທຳໃຈໄດ້

ສິ່ງທຳອິດກ່ອນທີ່ທ່ານຈະໃຫ້ພີ່ນ້ອງຢືມເງິນທ່ານຄວນທຳໃຈ ເພາະບາງຄັ້ງເງິນທີ່ທ່ານໃຫ້ຢືມໄປນັ້ນ ບາງຄັ້ງທ່ານອາດຈະບໍ່ໄດ້ຄືນ ສະນັ້ນຖ້າມີພີ່ນ້ອງມາຂໍຄວາມຊ່ວຍເຫຼືອເລື່ອງເງິນທ່ານຄວນໃຫ້ບາງສ່ວນ ທີ່ທ່ານຄິດວ່າຕາງໃຫ້ຕາງຊ່ວຍໂດຍບໍ່ຫວັງຈະໄດ້ກັບຄືນມາ ຈະເຮັດໃຫ້ທ່ານສະບາຍໃຈກ່ວາ ຫຼື ຖ້າທ່ານບໍ່ມີກໍ່ປະຕິເສດຕົງໆໄປເລີຍ

2. ຖ້າຢາກຮູ້ເຫດຜົນຂອງການຢືມກໍ່ຄວນຖາມ

ບາງຄົນອາດບໍ່ຕ້ອງການຢາກຮູ້ເຫດຜົນຂອງຄົນມາຂໍຢືມເງິນວ່າເປັນຫຍັງຕ້ອງຢືມ ຈະໄດ້ບໍ່ຕ້ອງຄິດຫຼາຍ ໃຫ້ຢືມແລ້ວກໍ່ຈົບ ແຕ່ຫາກເຮົາເກີດສົງໃສກໍ່ຕ້ອງຖາມເຫດຜົນກ່ອນ ເພື່ອພິຈາລະນາເຖິງຄວາມຈຳເປັນວ່າສົມຄວນໃຫ້ຢືມເງິນ ຫຼື ບໍ່ ເພາະເງິນທຸກວັນນີ້ມັນຫາຢາກຫຼາຍ

3. ເຮັດບັນທຶກເປັນລາຍລັກອັກສອນ

ທຸກວັນນີ້ເງິນທອງມັນບໍ່ເຂົ້າໃຜອອກໃຜ ການໃຫ້ຄົນຢືມເງິນບໍ່ວ່າຈະເປັນຍາດພີ່ນ້ອງກໍ່ຕາມ ຖ້າເປັນເງິນບໍ່ຫຼາຍປະມານ 10,000 -20,000 ກີບ ເຮົາບໍ່ຈຳເປັນຕ້ອງເຮັດບົດບັນທຶກກໍ່ໄດ້ ແຕ່ຖ້າຫຼາຍຂຶ້ນໄປເປັນຫຼັກແສນຫຼັກລ້ານ ຈຳເປັນທ່ານຄວນມີລາຍລັກອັກສອນໄວ້ແນ່ກໍ່ດີ ເພາະການໃຫ້ຢືມເງິນປາກເປົ່າມັນອາດຈະເຮັດໃຫ້ທ່ານບໍ່ໄດ້ເງິນນັ້ນຄືນແບບງ່າຍໆ ທ່ານຕ້ອງຄິດວ່າບາດຍາມທ່ານມີບັນຫາທ່ານຈະເອົາຫຼັກຖານທາງໃດໄປທວງເອົາເງິນຄືນ ໃນກໍລະນີທີ່ເຂົາໃຊ້ໜີ້ຍາກ

4. ບອກຄູ່ສົມຣົດ

ຖ້າຫາກທ່ານແຕ່ງງານແລ້ວ ຢ່າຕັດສິນໃຈເລື່ອງເງິນຄົນດຽວຫາກມີເພື່ອນຝູງ ຫຼື ຍາດພີ່ນ້ອງມາຂໍຢືມເງິນທ່ານຄວນປຶກສາຄູ່ຊີວິດຂອງທ່ານກ່ອນ ເພາະຊັບສິນເງິນທອງແມ່ນສອງຄົນພວກທ່ານເປັນຄົນຫາຊ່ວຍກັນ ສະນັ້ນ ເຮົາກໍ່ຄວນລົມກັບຄູ່ຊີວິດກ່ອນ ເພື່ອເປັນການປ້ອງກັນບໍ່ໃຫ້ມີປາກສຽງກັນພາຍຫຼັງ

ຕິດຕາມນານາສາລະ ກົດໄລຄ໌ເລີຍ!

ບົດຄວາມຫຼ້າສຸດ

ລາຍຊື່ 23 ນັກເຕະທີມຊາດລາວຊຸດໃຫຍ່ ລຸຍບານເຕະ ຊີງແຊ້ມອາຊີ 2027 ຮອບຄັດເລືອກ (ຮອບສຸດທ້າຍ)

ສຕລ ປະກາດລາຍຊື່ 23 ນັກເຕະທີມຊາດລາວຊຸດໃຫຍ່ ລຸຍບານເຕະ ຊີງແຊ້ມອາຊີ 2027 ຮອບຄັດເລືອກ (ຮອບສຸດທ້າຍ) ທີມຊາດລາວ ຊຸດໃຫຍ່ ພາຍໃຕ້ການຄຸມທີມຂອງ ທ່ານ ຮາ ຮອກ...

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...