ສຳນັກຂ່າວ AFP ລາຍງານໃນວັນທີ 20 ພຶດສະພານນີ້ວ່າ ສະຫະລັດອາເມຣິກາ ແລະ ບັນດາປະເທດມະຫາອຳນາດ ໃນເອີຣົບ ໄດ້ອອກມາປະກາດ ໃຫ້ການສະໜັບສະໜູນ ສະຖາບັນການເງິນ ແລະ ນັກລົງທຶນຕ່າງປະເທດ ໃຫ້ກັບເຂົ້າໄປລົງທຶນ ດຳເນີນທຸລະກິດຢ່າງຖືກຕ້ອງຕາມກົດໝາຍ ໃນປະເທດອີຣ່ານ ພາຍຫລັງທີ່ເຈົ້າໜ້າທີ່ລັດຖະບານ ຂອງສະຫະລັດອາເມຣິກາ ໄດ້ຫາລືກັນກັບ ສະຫະພາບເອີຣົບ, ຝຣັ່ງ, ອັງກິດ ແລະ ເຢຍລະມັນ ຊຶ່ງເປັນຜົນຈາກ ການບັນລຸຂໍ້ຕົກລົງຄວບຄຸມນິວເຄລຍ ລະຫວ່າງກຸ່ມມະຫາອຳນາດ P5+1 ທີ່ມີການລົງນາມໃນປີກາຍນີ້ ແລະ ມີຜົນບັງຄັບໃຊ້ຢ່າງເປັນທາງການ ໃນເດືອນກຸມພາ 2016 ຜ່ານມາ.
ການບັນລຸຂໍ້ຕົກລົງຄວບຄຸມນິວເຄລຍ ແລະ ການອອກມາປະກາດ ສະໜັບສະໜູນດ້ານເສດຖະກິດ ຂອງບັນດາປະເທດມະຫາອຳນາດດັ່ງກ່າວນີ້ ໄດ້ເຮັດໃຫ້ມາດຕະການຂວ້ຳບາດທາງເສດຖະກິດ ທີ່ບັນດາປະເທດຕ່າງໆວາງອອກ ຕໍ່ກັບລັດຖະບານອີຣ່ານ ໄດ້ຮັບການຜ່ອນຄາຍລົງອີກລະດັບໜຶ່ງ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!