spot_img
Homeລວມກົດຫມາຍລາວອາຍຸຄວາມໃນການຮ້ອງຟ້ອງ ເອົາມູນມໍລະດົກ

ອາຍຸຄວາມໃນການຮ້ອງຟ້ອງ ເອົາມູນມໍລະດົກ

Published on

ການ​ຮຽກ­ຮ້ອງ ຫຼື ທວງເອົາ​ມູນ​ມໍ­ລະ­ດົກ​ກໍ​ຕ້ອງ​ມີ​ໄລ­ຍະ​ເວລາ ຫຼື ທີ່​ເອີ້ນ​ກັນ​ໃນ​ທາງ​ກົດ­ໝາຍກໍ​ຄື​ອາ­ຍຸ​ຄວາມ​ໃນ​ການ​ຮ້ອງ​ຟ້ອງ ເອົາ​ມູນ​ມໍ­ລະ­ດົກ

​ຫຼາຍໆ​ຄົນ​ກໍ​ຄົງຈະ​ຍັງ​ບໍ່​ຮູ້ ຫຼື ບໍ່​ເຂົ້າ­ໃຈ​ເຖິງ​ເລື່ອງດັ່ງ­ກ່າວ​ນີ້​ເທື່ອ​ຈິ່ງ​ເຮັດ​ໃຫ້​ເກີດ​ຂໍ້​ຂັດແຍ່ງ​ກ່ຽວ​ກັບ​ບັນ­ຫາ​ນີ້​ຂຶ້ນ​ຫຼາຍ​ພໍສົມ­ຄວນ​ໃນ​ສັງ­ຄົມ, ອີງ​ຕາມ​ມາດຕາ 40 ຂອງ​ກົດ­ໝາຍ​ວ່າ​ດ້ວຍການ​ສືບ​ທອດ​ມູນ​ມໍ­ລະ­ດົກ​ຄື​ອາ­ຍຸ ຄວາມ​ໃນ​ການ​ຮ້ອງ​ຟ້ອງ​ເອົາ​ມູນມໍ­ລະ­ດົກ​ໄດ້​ລະ­ບຸ​ວ່າ­ການ​ຮ້ອງຟ້ອງ​ເອົາ​ມູນ​ມໍ­ລະ­ດົກ​ສາ­ມາດ​ເຮັດຂຶ້ນ​ໄດ້​ພາຍ​ໃນ​ກຳ­ນົດ​ເວ­ລາ​ສາມປີ​ນັບ​ແຕ່​ວັນ​ທີ​ເຈົ້າ​ມູນ​ມໍ­ລະ­ດົກ​ໄດ້ເສຍ​ຊີ­ວິດ​ເປັນ­ຕົ້ນ​ໄປ, ຖ້າ​ຫາກກາຍ​ກຳ­ນົດ​ດັ່ງ­ກ່າວ​ສິດ​ໃນ​ການ ຮ້ອງ​ຟ້ອງ​ຈະ​ຕົກ​ໄປ​ເວັ້ນ​ເສຍ​ແຕ່ ໃນ​ກໍ­ລະ­ນີ​ທີ່​ຜູ້​ສືບ​ທອດ​ມູນ​ມໍ​ລະດົກ​ນັ້ນ​ອາ­ຍຸ​ບໍ່​ເຖິງ 18 ປີ ພາຍ­ຫຼັງ ເຈົ້າ​ມູນ​ມໍ­ລະ­ດົກ​ເສຍ​ຊີ­ວິດ ຫຼື ມີ ເຫດ­ຜົນ​ອື່ນ​ທີ່​ພຽງ­ພໍ.

ຍົກ​ຕົວ­ຢ່າງ ທ້າວ ອັງ­ຄານ ມີ​ລູກ​ຊາຍ​ສອງ​ຄົນ, ຜູ້​ທຳ​ອິດ​ແມ່ນ ມີ​ອາ­ຍຸ 22 ປີ ແລະ​ຜູ້​ທີ​ສອງ​ແມ່ນມີ​ອາ­ຍຸ 20 ປີ ຊຶ່ງ​ທ້າວ ອັງ­ຄານ ແມ່ນ​ມີ​ຊັບ​ສິນ​ທັງ​ໝົດ​ຄື​ເຮືອນ ແລະ​ດິນ​ໜຶ່ງ​ຕອນ ແລະ​ລົດ​ອີກ​ໜຶ່ງຄັນ, ກ່ອນ​ທີ່​ຈະ​ເສຍ​ຊີ­ວິດ​ລາວ​ບໍ່ ໄດ້​ເຮັດ​ພິ​ໄນ​ກຳ​ມອບ​ຊັບ ຫຼື ຍົກຊັບ​ໃຫ້​ແກ່​ໃຜ ດັ່ງ­ນັ້ນ​ໃນ​ກໍ­ລະ­ນີ​ນີ້​ີ ຈິ່ງ​ຕົກ​ຢູ່​ໃນ​ກໍ­ລະ­ນີ​ການ​ສືບ​ທອດມູນ​ມໍ­ລະ­ດົກ​ຕາມ​ກົດ­ໝາຍ ຊຶ່ງພາຍ­ຫຼັງ​ທີ່ທ້າວ ອັງ­ຄານ ໄດ້​ເສຍຊີ­ວິດ​ໄປ​ແລ້ວ​ຜູ້​ທີ່​ເປັນ​ລູກ​ຊາຍ​ກົກ ກໍ​ໄດ້​ແຕ່ງ­ດອງ ແລະ​ຍ້າຍ​ຄອບ­ຄົວອອກ​ໄປ​ຢູ່​ເຮືອນ​ຕ່າງ­ຫາກ ໂດຍປ່ອຍ​ໃຫ້​ນ້ອງ​ຊາຍ​ເປັນ​ຜູ້​ຄຸ້ມ​ຄອງເຮືອນ ແລະ​ລົດ​ທີ່​ເປັນ​ມູນ​ມໍ​ລະດົກ​ຂອງ​ພໍ່​ໄວ້ໂດຍ​ບໍ່​ມີ​ການ​ທວງ ທາວ​ໃດໆ.

ຫຼັງ​ຈາກ​ນັ້ນ 5 ປີ​ຕໍ່​ມາຜູ້​ທີ່​ເປັນອ້າຍ​ກົກ​ກໍ​ມາ​ທວງ​ທາວ​ເອົາ​ນຳນ້ອງ​ຊາຍ​ຄື ຢາກ​ໃຫ້​ທາງ​ນ້ອງ ຊາຍ​ແບ່ງ​ຊັບ​ສິນ​ທີ່​ເປັນ​ມູນ​ຂອງ​ພໍ່ ນັ້ນ​ໃຫ້​ຕົນ​ເຄິ່ງ​ໜຶ່ງ, ແຕ່​ນ້ອງ​ຊາຍຊ້ຳ­ພັດ​ປະ­ຕິ­ເສດ​ບໍ່​ແບ່ງ­ປັນ​ເຮືອນ ແລະ​ລົດ​ຄັນ​ດັ່ງ­ກ່າວ​ນັ້ນ​ໃຫ້​ແກ່ອ້າຍ ໂດຍ​ອ້າງ​ວ່າ​ອ້າຍ​ໝົດ​ສິດ ໃນ​ການ​ຮ້ອງ​ຟ້ອງ ຫຼື ທວງ​ທາວ ເອົາ​ຊັບ​ສິນ​ທີ່​ເປັນ​ມູນ​ຂອງ​ພໍ່​ນັ້ນແລ້ວ ຊຶ່ງ​ອີງ­ໃສ່​ມາດ­ຕາ 40 ຂອງ​ກົດ­ໝາຍ​ວ່າ​ດ້ວຍ​ການ​ສືບ ທອດ​ມູນ​ມໍ­ລະ­ດົກ, ໃນ​ກໍ­ລະ­ນີ​ນີ້​ຖື​ວ່າ ຜູ້​ເປັນ​ອ້າຍ​ກົກ​ນັ້ນ​ໝົດ​ສິດ​ໃນ​ການທວງ​ທາວ ຫຼື ຮຽກ­ຮ້ອງ​ເອົາ​ມູນ​ມໍ ລະ​ດົກ​ນັ້ນ­ແລ້ວ​ຕາມ​ກົດ­ໝາຍ, ເນື່ອງ​ຈາ​ກວ່າ​ໃນ​ກົດ­ໝາຍ​ເອງ​ກໍ່ ລະ­ບຸ​ອາ­ຍຸ​ຄວາມ​ໃນ​ການ​ຮ້ອງຟ້ອງ​ພຽງ​ແຕ່ 3 ປີ​ເທົ່າ​ນັ້ນ, ເວັ້ນ ເສຍ​ແຕ່​ຜູ້​ທີ່​ເປັນ​ນ້ອງ​ຊາຍ​ນັ້ນ​ຈະ ສະ­ໝັກ​ໃຈ​ແບ່ງ­ປັນ​ຊັບ​ສິນ​ທີ່​ເປັນ ມູນ​ມໍ­ລະ­ດົກ​ຂອງ​ພໍ່​ໃຫ້​ແກ່​ອ້າຍ.

ແຕ່​ໃນ​ທາງ​ທີ່​ກົງ­ກັນ­ຂ້າມ, ຫາກ ຫຼັງ​ຈາກ​ທີ່​ພໍ່​ໄດ້​ເສຍ​ຊີ­ວິດ​ແລ້ວ, ຜູ້​ເປັນ​ອ້າຍ​ກໍ​ໄດ້​ລົ້ມ​ປ່ວຍ​ກະ­ທັນຫັນ​ເຮັດ​ໃຫ້​ບໍ່​ສາ­ມາດ​ທີ່​ຈະ​ຮູ້­ສຶກ ຕົວ ຫຼື ເຄື່ອນ​ໄຫວ​ໄປ​ມາ​ໄດ້, ຕ້ອງ ໄດ້​ຮັບ​ການ​ຮັກ­ສາ​ຢູ່​ໃນ​ໂຮງ­ໝໍ ຫຼື ຕ້ອງ​ໄດ້​ຮັບ​ການ​ເບິ່ງ​ແຍ່ງ​ດູ​ແລຈາກ​ບຸກ­ຄົນ​ອື່ນ​ຕະ­ຫຼອດ​ເວ­ລາ ໃນກໍ­ລະ­ນີ​ນີ້ ຜູ້​ທີ່​ເປັນ​ອ້າຍ​ໜ້າ​ຈະ​ມີ ເຫດ­ຜົນ​ພຽງ­ພໍ​ໃນ​ການ​ທວງ​ທາວ ຫຼື ຮ້ອງ​ຟ້ອງ​ທວງ​ເອົາ​ມູນ​ມໍ​ລະດົກ​ສ່ວນ​ທີ່​ເປັນ​ຂອງ​ຕົນ, ເຖິງ ແມ່ນ​ວ່າ​ອາ­ຍຸ​ຄວາມ 3 ປີ​ຜ່ານ​ໄປ ແລ້ວ​ກໍ​ຕາມ ແຕ່​ເຖິງ​ຢ່າງ­ໃດ​ກໍ​ຕາມໃນ​ມາດ­ຕາ 40 ຂອງ​ກົດ­ໝາຍການ​ສືບ​ທອດ​ມໍ­ລະ­ດົກ​ທີ່​ໄດ້​ເວົ້າ ເຖິງ​ເລື່ອງ​ການ​ມີ​ເຫດ­ຜົນ​ທີ່​ພຽງ­ພໍ ຂອງ​ຜູ້​ທວງ​ທາວ​ນັ້ນ, ໃນ​ກົດ­ໝາຍເອງ​ກໍ​ບໍ່​ໄດ້​ອະ­ທິ­ບາຍ​ກ່ຽວ​ກັບ​ບັນ ຫາ​ດັ່ງ­ກ່າວ​ນີ້​ໄວ້​ຢ່າງ​ລະ­ອຽດ​ແຕ່ ຢ່າງ­ໃດ ດັ່ງ­ນັ້ນ​ຜູ້​ຂຽນ​ມີ​ຄຳ​ເຫັນ ວ່າ​ໜ້າ​ຈະ​ແມ່ນ​ດຸນ​ພິ­ນິດ​ຂອງ​ຜູ້​ພິພາກ​ສາ​ວ່າ​ປະ­ເດັນ​ໃດ ຫຼື ບັນ­ຫາ ທີ່​ໃດ​ຈິ່ງ​ເປັນ​ປະ­ເດັນ ຫຼື ບັນ­ຫາ​ທີ່​ຖື ໄດ້​ວ່າ​ຜູ້​ຮ້ອງ​ຟ້ອງ​ເພື່ອ​ທວງ​ເອົາ ມູນ​ມໍ­ລະ­ດົກ​ໃນ​ໄລ­ຍະ​ທີ່​ກາຍ​ອາ­ຍຸຄວາມ 3 ປີ​ນັ້ນ​ມີ​ເຫດ­ຜົນ​ພຽງ­ພໍ.

ດັ່ງ­ນັ້ນ, ທຸກ​ຄົນ​ຄວນ​ຮຽນ​ຮູ້ເຖິງ​ເລື່ອງ​ຂອງ​ກົດ­ໝາຍ, ບັນ­ຫາກົດ­ໝາຍ​ຕ່າງໆ​ໄວ້​ເພື່ອ​ຈະ​ເປັນແນວ­ທາງ ຫຼື ປ້ອງ​ກັນ​ບໍ່​ໃຫ້​ຂໍ້​ຂັດ ແຍ່ງ​ຕ່າງໆ​ນັ້ນ​ເກີດ​ຂຶ້ນ​ໄດ້, ເພາະຖື​ວ່າ​ທຸກໆ​ຄົນ​ໃນ​ສັງ­ຄົມ​ນັ້ນ​ຮູ້­ຈັກກົດ­ໝາຍ​ກັນ​ໝົດ​ແລ້ວ ແລະ​ຈະ​ບໍ່ ມີ​ບຸກ­ຄົນ​ໃດ​ທີ່​ຈະ​ສາ­ມາດ​ມາ​ອ້າງ ວ່າ​ຕົນ​ບໍ່​ຮູ້​ກົດ­ໝາຍເພື່ອ​ມາ​ປະ­ຕິ ເສດ ຫຼື ແກ້​ຕົວ​ຈາກ​ສິ່ງ​ທີ່​ຜິດ­ພາດໄດ້.

ທີ່ມາ: ເສດຖະກິດ-ສັງຄົມ

ບົດຄວາມຫຼ້າສຸດ

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...