ສະຫະລັດເຜີຍໄອເອສເສຍພື້ນທີ່ໄປເຄິ່ງໜຶ່ງຈາກທີ່ເຄີຍຍຶດຄອງໃນອີຣັກ

0
1864

ໂຄສົກກະຊວງປ້ອງກັນປະເທດສະຫະລັດເປີດເຜີຍວ່າ ກຸ່ມຣັດອິສລາມ (ໄອເອສ) ສູນເສຍພື້ນທີ່ທີ່ເຄີຍຢຶດຄອງໄວ້ທົ່ວອີຣັກ ແລະ ຊີເຣຍແບບຕໍ່ເນື່ອງ ຊຶ່ງລວມເຖິງພື້ນທີ່ເກືອບເຄິ່ງໜຶ່ງຈາກທີ່ເຄີຍຢຶດຄອງໄວ້ໃນອີຣັກ.

ກ່ອນໜ້ານີ້ ກະຊວງປ້ອງກັນປະເທດສະຫະລັດຄາດວ່າ ກຸ່ມຕິດອາວຸດໄອເອສສູນເສຍພື້ນທີ່ໄປ 40% ຈາກທີ່ຢຶດຄອງໄວ້ໃນອີຣັກ ແລະ 10% ໃນຊີເຣຍ ຊຶ່ງເມື່ອໄວໆນີ້ ພື້ນທີ່ຢຶດຄອງຂອງກຸ່ມໄອເອສໜ້ອຍລົງໄປແບບໄວວາ ໂດຍໃນຊີເຣຍຫຼຸດລົງໄປປະມານ 16-20% ກຸ່ມຕິດອາວຸດໄອເອສຢຶດພື້ນທີ່ຫຼາຍແຫ່ງໃນອີຣັກ ແລະ ຊີເຣຍມາຕັ້ງແຕ່ຕົ້ນປີ 2014 ໂດຍທີ່ກອງກຳລັງຮັກສາຄວາມໝັ້ນຄົງອີຣັກບໍ່ສາມາດຕ້ານທານໄວ້ໄດ້ ແລະ ຍັງສວຍປະໂຫຍດຈາກພາວະຈະລາຈອນໃນສົງຄາມເມືອງຊີເຣຍ ຖະແຫຼງການສະຫະລັດລະບຸວ່າ ນັບຕັ້ງແຕ່ທີ່ສະຫະລັດ ແລະ ກອງກຳລັງພັນທະມິດນຳປະຕິບັດການປັບປາມເມື່ອເດືອນສິງຫາ 2014 ສາມາດຕອບໂຕກັບກຸ່ມໄອເອສໄດ້ ໂດຍໃຊ້ການໂຈມຕີທາງອາກາດ ຮ່ວມກັບກອງກຳລັງສະໝັບສະໜູນທ້ອງຖິ່ນ ຈົນໄອເອສສູນເສຍພື້ນທີ່ຢຶດຄອງຫຼາຍແຫ່ງແຕ່ຍັງຄວບຄຸມເມືອງສຳຄັນໄວ້ເຊັ່ນ ໂມຊູລ ແລະ ຟັລລູຈາ.