spot_img
Homeຂ່າວທ້ອງຖິ່ນBMAP ມອບຄອມພິວເຕີໃຫ້ ວວສ

BMAP ມອບຄອມພິວເຕີໃຫ້ ວວສ

Published on

ໂຄງການຊ່ວຍເຫຼືອຂອງຟີລິບປິນມອບຄອມພິວເຕີໃຫ້ ວວສ
ໂຄງການຊ່ວຍເຫຼືອຂອງຟິລິບປິນ ຫຼື Baptist Missionary Association of The Philippines(BMAP) ໄດ້ມອບຄອມພິວເຕີຕັ້ງໂຕະ
ຈໍານວນ 10 ຊຸດ ມູນຄ່າ 2.713 ໂດລາສະຫະລັດ ຫຼື ປະມານ 20 ລ້ານກ່ວາກີບ ໃຫ້ແກ່ວິທະຍາໄລ ວິທະຍາສາດ ສຸຂະພາບ(ວວສ) ຈໍາປາສັກ ເພື່ອປະກອບສ່ວນໃນການພັດທະນາດ້ານ ໄອທີ.

ພິທີມອບ-ຮັບຄອມພິວເຕີຄັ້ງນີ້ມີຂຶ້ນໃນວັນທີ 14 ພຶດສະພາ 2014 ທີ່ຜ່ານມານີ້ ຢູ່ວິທະຍາໄລດ່ັງກ່າວ.
ໃນໂອກາດກ່າວມອບທ່ານ ນາງ ຈອຍ(Miss Joy) ຜູ້ປະສານງານໂຄງການ BMAP ປະຈຳແຂວງຈຳປາສັກກ່າວວ່າ: ຈຸດປະສົງໃນການມອບຄອມພິວເຕີຕັ້ງໂຕະໃຫ້ແກ່ ວວສ ຄັ້ງນີ້ ກໍ່ເພື່ອປະກອບສ່ວນໃນການພັດທະນາການຮຽນ-
ການສອນນັກຮຽນ-ນັກສຶກສາຂອງ ວວສ ໃຫ້ມີຄວາມຮູ້ຄວາມສາມາດທາງດ້ານ ໄອທີ ແລະ ສາມາດນຳໄປໃຊ້ ໃນການປະຕິບັດໜ້າທີ່ວຽກງານຂອງຕົນຢ່າງມີປະສິດທິຜົນ ພາຍຫຼັງສຳເລັດການສຶກສາຈາກໂຮງຮຽນດັ່ງກ່າວ.

ໃນໂອກາດກ່າວຮັບທ່ານ ດຣ.ສີພັນ ປັນຍາສະຫວັດ ຜູ້ອຳນວຍການ ວວສ ຈຳປາສັກກ່າວວ່າ: ໃນທີ່ຜ່ານມາ ວວສ ພວກເຮົາແມ່ນຂາດເຂີນຄອມພິວເຕີທີ່ຈະນໍາໃຊ້ເຂົ້າໃນກິດຈະກຳການຮຽນ-ການສອນ, ຍ້ອນແນວນັ້ນຈິ່ງຂໍສະແດງຄວາມຂອບໃຈຢ່າງຍິ່ງ ທີ່ໂຄງການຊ່ວຍເຫຼືອຂອງຟິລິບປິນ ທີ່ນຳຄອມຕັ້ງໂຕະ ມາມອບໃຫ້ໃນຄັ້ງນີ້, ຂ້າພະເຈົ້າໃນນາມຜູ້ອໍານວຍການ ວວສ ຂໍຢືນຢັນວ່າ ຈະນຳໃຊ້ຄອມພິວເຕີດັ່ງກ່າວປະກອບເຂົ້າໃນກິດຈະກຳການຮຽນ-ການສອນນັກຮຽນ-ນັກສຶກສາຢ່າງມີປະສິດທິຜົນ,
ພ້ອມນີ້ກໍ່ຫວັງວ່າ: ໃນຕໍ່ໜ້າໂຄງການຊ່ວຍເຫຼືອຂອງຟິລິບປິນ ຈະສືບຕໍ່ຊ່ວຍເຫຼືອ ວວສ ຂອງພວກເຮົາຕື່ມອີກ.
ໂຄງການ BMAP ໄດ້ເຂົ້າມາເຄື່ອນໄຫວ ວຽກງານຢູ່ແຂວງຈຳປາສັກໃນປີ 2012, ໜ້າວຽກສຳຄັນ ຕົ້ນຕໍແມ່ນປະກອບສ່ວນ ພັດທະນາຊັບພະຍາກອນມະນຸດໃນຂົງເຂດສາທາລະນະສຸກ ໂດຍສະເພາະແມ່ນ ສອນພາສາອັງກິດ ໃຫ້ພະນັກງານວິຊາການອ້ອມຂ້າງ ພະແນກສາທາລະນະສຸກແຂວງ, ໂຮງໝໍແຂວງ ແລະ ວວສ, ນອກນັ້ນ ຍັງໄດ້ປະກອບສ່ວນໃນການພັດທະນາພື້ນຖານ ໂຄງລ່າງໃນຂົງເຂດດັ່ງກ່າວ ແລະ ໂຄງການນີ້ຈະສືບຕໍ່ ເຄື່ອນໄຫວວຽກງານຢູ່ແຂວງຈຳປາສັກຈົນຮອດປີ 2017.

ຂ່າວ-ພາບ: ທູນທອງໃຈ

ທີ່ມາ www.facebook.com/champamai.newspaper

ບົດຄວາມຫຼ້າສຸດ

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...