spot_img
Homeຂ່າວທ້ອງຖິ່ນສະຫວັນນະເຂດ ມີແຜນຈະປູກປ່າ 3.000 ເຮັກຕາ ເພື່ອເຮັດໃຫ້ອັດຕາປົກຫຸ້ມຂອງປ່າເພີ່ມຂຶ້ນ

ສະຫວັນນະເຂດ ມີແຜນຈະປູກປ່າ 3.000 ເຮັກຕາ ເພື່ອເຮັດໃຫ້ອັດຕາປົກຫຸ້ມຂອງປ່າເພີ່ມຂຶ້ນ

Published on

ທ່ານ ບົວຜັນ ບຸນວິໄລ ຮອງຫົວໜ້າຂະແໜງປ່າໄມ້ ແຂວງສະຫວັນນະເຂດໃຫ້ສຳພາດແກ່ນັກຂ່າວວ່າ:
ສຳລັບໃນປີນີ້ ແຂວງສະຫວັນນະເຂດ ມີແຜນການປູກໄມ້ໃຫ້ໄດ້ຈຳນວນ 3.000 ເຮັກຕາ ຊຶ່ງໄລຍະການຫ້າງຫາກະກຽມການປູກໄມ້ໃນໂອກາດວັນປູກຕົ້ນໄມ້ແຫ່ງຊາດໃນປີນີ້ ທາງຂະແໜງປ່າໄມ້ແຂວງ ໄດ້ຈັດສົ່ງພະນັກງານວິຊາການຂອງຕົນຈຳນວນໜຶ່ງລົງຊຸກຍູ້ໃຫ້ຫ້ອງການກະສິກຳ-ປ່າໄມ້ເມືອງຕ່າງໆສົມທົບກັບ
ອຳນາດການປົກຄອງຂອງເມືອງໄດ້ຫາກຫາກະກຽມການປູກໄມ້ໃນປີນີ້ໃຫ້ເປັນຂະບວນກວ້າງຂວາງ
ຊຶ່ງໃນນີ້ສາມາດ ຜະລິເບັ້ຍໄມ້ຊະນິດຕ່າງໆເພື່ອຕອບສະຫນອງໃຫ້ການປູກໄດ້ແລ້ວຈຳນວນ 30.000 ກວ່າ ເບັ້ຍ,

ຊຶ່ງການປູກໄມ້ໃນປີນີ້ ສ່ວນຫລວງຫລາຍແມ່ນເນັ້ນໃສ່ການປູກໄມ້ພື້ນເມືອງເປັນສ່ວນຫລາຍ ເປັນຕົ້ນແມ່ນໄມ້ແຕ້ຄ່າ, ໄມ້ຂະຍູງ,ໄມ້ປະດົງ,ໄມ້ດູ່,ໄມ້ສົ້ມຝາດ,ໄມ້ຍາງ ໄປພ້ອມດັບການປູກໄມ້ໃນປີນີ້ ທາງຂະແໜງປ່າໄມ້ແຂວງ ໄດ້ສົມທົບກັບອຳນາດການປົກຄອງທ້ອງຖິ່ນ ດຳເນີນການຟຶ້ືນຟູປ່າໄມ້ ແບບທຳມະຊາດສົມທົບກັບການປູກເສີມ
ໃນບາງເຂດຂອງພື້ນທີ່ຂອງປ່າສະຫງວນ,ປ່າປ້ອງກັນ ເຂດຕົ້ນນ້ຳລຳທານ ແຄມສາຍນ້ຳ ແລະອາງເກັບນ້ຳ ທັງນີ້ເພື່ອເປັນການຟື້ນຟູແລະປົກປັກຮັກສາສິ່ງແວດລ້ອມໃນເຂດທ້ອງຖິ່ນຂອງຕົນຊຶ່ງມີແຜນການຟື້ນຟູປ່າ
ຈຳນວນ 62.745 ເຮັກຕາ, ໃນນີ້ໃນເຂດປ່າຜະລິດຈຳນວນ 6.669 ເຮັກຕາແລະນອກສາມປະເພດປ່າ
ຈຳນວນ 56.076 ເຮັກຕາ.

ຂ່າວແຈ້ງຕື່ມວ່າ:ໃນຫວ່າງມໍ່ໆມານີ້ ທ່ານເຈົ້າແຂວງສະຫວັນນະເຂດ ໄດ້ອອກຄຳສັ່ງແນະນຳສະບັບໜຶ່ງທີ່ວ່າ:
ໃຫ້ອົງການປົກຄອງເມືອງໃນທົ່ວແຂວງ,ພະແນກກະສິດຳແລະປ່າໄມ້ແຂວງ, ພະແນກຊັບພະຍາກອນທຳມະຊາດແລະສິ່ງແວດລ້ອມ
ທະຫານແຂວງ, ປກສ ແຂວງບັນດາຂະແໜງການທຸກຂັ້ນ ອົງການປົກຄອງບ້ານ ແລະການຈັດຕັ້ງ
ສັງຕົມຕ່າງໆປຸກລະດົມຂະບວນການພາຍໃນ ນຳໃຊ້ກຳລັງແລະທຶນຮອນເທົ່າທີ່ມີເພື່ອເຂົ້າຮ່ວມແລະ
ຈັດຕັ້ງປະຕິບັດແຜນການປູກໄມ້ແລະຟື້ນຟູປ່າໄມ້ ເພື່ອເປັນສິນຄ້າ ເປັນຊັບສົມບັດລວມ ແລະເພື່ອປົກປັກຮັກສາ
ສິ່ງແວດລ້ອມໃນເຂດຊຸມຊົນ ແລະທ້ອງຖິ່ນຂອງຕົນດ້ວຍຄວາມເປັນເຈົ້າການແລະມີຄວາມຮັບຜິດຊອບ
ແລະບັນດານັກລົງທຶນພາຍໃນແລະຕ່າງປະເທດ

ສ່ວນບຸກຄົນທີ່ໄດ້ຮັບອຸມັດໃຫ້ສຶບຕໍ່ ບຸກເບີກເນື້ອທີ່ ແລະລົງທຶນປູກໄມ້ເປັນສິນຄ້າ ກໍຂຸ້ນຂ້ຽວລົງມືຈັດຕັ້ງ
ປະຕິບັດຕາມແຜນອະນຸມັດ ສ່ວນບັນດາໂຮງງານປຸງແຕ່ງໄມ້ ແລະບັນດາໂຮງງານທີ່ນຳໃຊ້ໄມ້ເປັນວັດຖຸດິບ
ແລະເປັນພະລັງງານເຂົ້າໃນການຜະລິດ ຕ້ອງໄດ້ປະຕິບັດພັນທະໃນການປູກໄມ້ທົດແທນ ໂດຍສ້າງເປັນສວນ
ປູກໄມ້ຂອງຕົນເອງຢ່າງໜ້ອຍ 3 ເຮັກຕາຂຶ້ນໄປ ກໍ່ລະນີໂຮງງານຫລືຫົວໜ່ວຍທຸລະກິດໃດ ຫາກບໍ່ມີເນື້ອທີ່ເປັນຂອງຕົວເອງ ກໍ່ໃຫ້ມີການປະສານກັບອົງການປົກຄອງເມືອງແລະບ້ານທີ່ກ່ຽວຂ້ອງ ເພື່ອເຮັດໃຫ້ສັນຍາຮ່ວມກັນກັບປະຊາຊົນ ຜູ້ທີ່ມີເນື້ອທີ່ແລະສົນໃຈຢາກປູກໄມ້ເປັນສິນຄ້າດັ່ງນີເປັນຕົ້ນ.

ທີ່ມາ www.facebook.com/savanhphathana

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...