ການມອບຊັບ, ຍົກຊັບທາງປາກເປົ່າຖືວ່າເປັນພິໄນກຳໄດ້ບໍ່? ນີ້ແມ່ນກໍລະນີໜຶ່ງທີ່ເປັນກໍລະ ນີທີ່ໜ້າສົນໃຈພໍສົມຄວນ ແລະກໍລະນີດັ່ງກ່າວນີ້
ກໍ່ອາດຈະເປັນປະເດັນທີ່ຖືກຍົກຂຶ້ນມາຖົກຖຽງກັນ ໃນກຸ່ມຄົນຢູ່ຫຼາຍຄັ້ງດັ່ງນັ້ນມື້ນີີຜູ້ຂຽນຈະໄດ້ລົງເລີກ ແລະອະທິ ບາຍປະເດັນທີ່ໜ້າສົນໃຈນີ້ໃຫ້ກະຈ່າງແຈ້ງຂຶ້ນຕາມຫຼັກຂອງກົດໝາຍແລ້ວການເຮັດພິໄນກຳບໍ່ ພຽງແຕ່ຈະເຮັດຂຶ້ນເປັນລາຍລັກ ອັກສອນເທົ່ານັ້ນ, ພິໄນກຳບາງ ພິໄນກຳຖືກເຮັດຂຶ້ນທາງປາກເປົ່າ ດັ່ງນັ້ນ, ຈິ່ງມີຄຳຖາມຕໍ່ໄປວ່າເປັນ ຫຍັງຈິ່ງເຮັດພິໄນກຳທາງປາກ ເປົ່າ ແລະພິໄນກຳທາງປາກເປົ່າ ນີ້ຈະມີຜົນສັກສິດເທົ່າທຽມກັນ ກັບພິໄນກຳທີ່ເປັນລາຍລັກອັກ ສອນ ຫຼື ບໍ່? ຄຳຕອບກໍ່ຄື: ການ ເຮັດພິໄນກຳທາງປາກເປົ່ານັ້ນ ແມ່ນເຮັດຂຶ້ນຍ້ອນເຈົ້າມູນມໍລະ ດົກມີຄວາມຈຳເປັນບາງປະການ ທີ່ເຮັດໃຫ້ເຈົ້າມູນມໍລະດົກບໍ່ສາ ມາດເຮັດພິໃນກຳທີ່ເປັນລາຍລັກອັກສອນຂຶ້ນມາໄດ້ ແລະພິໄນກຳ ທາງປາກເປົ່ານີ້ກໍ່ສາມາດໃຊ້ໄດ້ ຫຼື ທີ່ເອີ້ນກັນວ່າມີຜົນສັກສິດເທົ່າ ທຽມກັນກັບພິໄນກຳທີ່ເປັນລາຍ ລັກອັກສອນ.
ໂດຍອີງຕາມມາດຕາ 28 ຂອງກົດໝາຍວ່າດ້ວຍການສືບທອດມູນມໍລະດົກຄືພິໄນກຳທາງ ປາກເປົ່າທີ່ໄດ້ລະບຸໄວ້ວ່າເຈົ້າຂອງ ຊັບທີ່ບໍ່ມີຄວາມສາມາດທີ່ຈະເຮັດ ພິໄນກຳເປັນລາຍລັກອັກສອນໄດ້ຍ້ອນຕົກຢູ່ໃນສະພາບທີ່ອັນຕະ ລາຍທີ່ໃກ້ຈະເສຍຊີວິດຍ້ອນສຸຂະ ພາບ, ອ່ອນເພຍ ຫຼື ຍ້ອນສາເຫດ ອື່ນນັ້ນສາມາດເຮັດພິໄນກຳທາງ ປາກເປົ່າກໍ່ໄດ້, ແຕ່ຕ້ອງຊ້ອງໜ້າ ພະຍານຢ່າງໜ້ອຍສາມຄົນ ຊຶ່ງ ພະຍານດັ່ງກ່າວຕ້ອງແຈ້ງຂໍ້ຄວາມ ທັງໝົດທີ່ເຈົ້າມູນມໍລະດົກໄດ້ສັ່ງ ໄວ້ຕໍ່ສຳນັກງານທະບຽນສານ ຫຼື ອົງການປົກຄອງບ້ານໃນທັນໃດ ແລະຊີ້ແຈງສາເຫດທີ່ພາໃຫ້ເຈົ້າ ຂອງສັບດັ່ງກ່າວນັ້ນບໍ່ສາມາດເຮັດພິໄນກຳທີ່ເປັນລາຍລັກອັກ ສອນໄດ້ແຕ່ເຖິງຢ່າງໃດກໍ່ຕາມພິໄນກຳທາງປາກເປົ່າຈະບໍ່ມີຜົນ ສັກສິດໃຊ້ໄດ້ຖ້າຫາກກາຍກຳນົດໜຶ່ງເດືອນນັບແຕ່ວັນເຈົ້າຂອງຊັບ ໄດ້ກັບຄືນສູ່ສະພາບປົກກະຕິ,ນີ້ກໍ່ ແມ່ນກົດໝາຍທີ່ກຳນົດໄວ້ໃນມາດຕາ 28 ຂອງກົດໝາຍວ່າດ້ວຍການສືບທອດມູນມໍລະດົກທີ່ສະ ແດງໃຫ້ເຫັນວ່າພວກເຮົາກໍ່ສາ ມາດເຮັດພິໄນກຳທາງປາກເປົ່າ ຂຶ້ນໄດ້ແຕ່ໃນຄວາມຄິດເຫັນຂອງຜູ້ຂຽນຄິດວ່າການເຮັດພິໄນກຳ ທາງປາກເປົ່ານີ້ຕ້ອງຮັບປະກັນ ວ່າພະຍານຕ້ອງແມ່ນບຸກຄົນທີ່ໄວ້ເນື້ອເຊື່ອໃຈໄດ້, ຕ້ອງມີຄວາມຈົດຈຳ ຫຼື ຈື່ຈຳຕໍ່ຄຳສັ່ງຂອງເຈົ້າມູນມໍລະດົກ ຊຶ່ງເວລາທີ່ໄປແຈ້ງສຳນັກງານທະບຽນສານ ຫຼື ອົງການປົກຄອງບ້ານກໍ່ໃຫ້ມີຄວາມຖືກຕ້ອງຕາມຄວາມຈິງ ແລະການ ບອກດັ່ງກ່າວນັ້ນກໍ່ຕ້ອງໃຫ້ມີຄວາມເປັນເອກະພາບກັນ ແລະນອກຈາກນີ້ກໍ່ຍັງຕ້ອງເປັນບຸກຄົນ ທີ່ພໍຈະຮູ້ໄດ້ເຖິງກົດໝາຍ ຫຼື ລະບຽບການວ່າເມື່ອເຈົ້າມູນມໍລະດົກໄດ້ເສຍຊີວິດລົງໄປແລ້ວນັ້ນພວກ ຕົນຕ້ອງມີໜ້າທີ່ ຫຼື ພັນທະທີ່ຕ້ອງບອກກ່າວ ຫຼື ແຈ້ງຕໍ່ພາກສ່ວນທີ່ ກ່ຽວຂ້ອງໃຫ້ຮັບຮູ້ເຖິງຂໍ້ຄວາມທີ່ເຈົ້າມູນມໍລະດົກໄດ້ກ່າວໄວ້ ຫຼື ສັ່ງໄວ້ນັ້ນ, ບໍ່ດັ່ງນັ້ນ, ການເຮັດພິໄນ ກຳທາງປາກເປົ່າກໍ່ຈະເກີດມີບັນຫາ ຫຼື ບໍ່ສົມບູນຕາມທີ່ກົດໝາ ໄດ້ກຳນົດເອົາໄວ້.
ທີ່ມາຈາກ: ເສດຖະກິດ-ສັງຄົມ