ຊ່ວງນີ້ມີຝົນຕົກ,ຟ້າລົມ, ຟ້າຮ້ອງ, ຟ້າເຫຼື້ອມເປັນປະຈຳ ແລະ ອີກບໍ່ດົນກໍ່ຈະກ້າວເຂົ້າລະດູຝົນແລ້ວ ສະນັ້ນພວກເຮົາຈິ່ງມີວິທີປ້ອງກັນຕົວເອງຈາກຟ້າຜ່າມາຝາກ:
1. ຖ້າຢູ່ໃນບ່ອນໂລ່ງແຈ້ງໃຫ້ຊອກຫາບ່ອນລີ້ທີ່ປອດໄພເຊັ່ນ: ລົບເຂົ້າໄປໃນອາຄານຂະໜາດໃຫຍ່ ແຕ່ຢ່າຢູ່ໃກ້ຝາ, ປະຕູ, ປ່ອງຢ້ຽມ ຫລື ຄວນຢູ່ໃນລົດທີ່ປິດປະຕູໄດ້ດີ ແຕ່ຢ່າສໍາຜັດກັບໂຕລົດ
2. ຖ້າຊອກຫາບ່ອນລີ້ບໍ່ໄດ້ໃຫ້ກົ້ມລົງ ຫຼື ນັ່ງຢ່ອງຢໍ້ ໃຫ້ໂຕຢູ່ຕ່ຳທີ່ສຸດ ໂດຍແນບມືທັງສອງຂ້າງຕິດກັບຫົວເຂົ່າແລ້ວຊຸກຫົວເຂົ້າໄປລະຫວ່າງຫົວເຂົ່າ ສ່ວນຕີນໃຫ້ຕິດກັນ ຫລື ເຮັດແນວໃດກໍ່ໄດ້ໃຫ້ຕີນສຳຜັດກັບພື້ນໃຫ້ນ້ອຍທີ່ສຸດ ແຕ່ຢ່ານອນໝູບລົງກັບພື້ນເພາະກະແສໄຟຟ້າອາດແລ່ນມາຕາມພື້ນໄດ້
3. ຢ່າຢືນຢູ່ກ້ອງຕົ້ນໄມ້ສູງ ຫລື ບໍລິເວນໃກ້ຄຽງກັບຕົ້ນໄມ້ໃຫຍ່ ສຳຄັນຄືຢ່າກັ້ງຄັນຮົ່ມເດັດຂາດໃນຂະນະຢູ່ກ້ອງຕົ້ນໄມ້
4. ຫຼີກລ້ຽງການສໍາຜັດກັບໂລຫະທຸກຊະນິດເນື່ອງຈາກໂລຫະເປັນໂຕນຳກະແສໄຟຟ້າ ແລະ ຢ່າຢູ່ໃກ້ສາຍໄຟ
5. ຫຼີກລ່ຽງການສໍາຜັດກັບນ້ຳເພາະເປັນໂຕນຳກະແສໄຟຟ້າໄດ້ຄືກັນ
6. ໃນກໍລະນີຢູ່ໃນບ້ານ ຫລື ໃນໂຕອາຄານ ຄວນຖອດອຸປະກອນໄຟຟ້າອອກໃຫ້ໝົດເພາະກະແສສາຍຟ້າອາດຈະຜ່າລົງເສົາໄຟຟ້າ ຫລື ສາຍໄຟຟ້າເຮັດໃຫ້ກະແສໄຟດູດເຄື່ອງໃຊ້ໄຟຟ້າ ອາດເຮັດໃຫ້ເສຍຫາຍໄດ້.
7. ໃນເວລາຝົນຕົກບໍ່ຄວນໃຊ້ໂທລະສັບ, ບໍ່ຄວນເບິ່ງໂທລະທັດ, ຟັງວິທະຍຸ, ໃຊ້ອິນເຕີເນັດ ເພາະທ່ານອາດຖືກຟ້າຜ່າໄດ້.