ການຍ່ຽວເປັນເລື່ອງປົກກະຕິຂອງແຕ່ລະຄົນ ເຊິ່ງໝາກໄຂ່ຫຼັງເຮັດໜ້າທີ່ການກັ່ນຕອງຂອງສຽງອອກຈາກຮ່າງກາຍໂດຍຜ່ານຂະບວນການທຳງານຂອງລະບົບປັດສະວະ ປົກກະຕິກະເພາະປັດສະວະຂອງຜູ້ໃຫຍ່ຈະມີຄວາມຈຸສຸດທິປະມານ 400-500 ຊີຊີ ໂດຍປົກກະຕິຜູ້ໃຫຍ່ຈະຂັບຖ່າຍປັດສະວະອອກວັນລະ 4-6 ຄັ້ງ ແລະ ປັດສະວະຕອນກາງຄືນປົກກະຕິປະມານ 1-2 ຄັ້ງເທົ່ານັ້ນ ຖ້າຫຼາຍກ່ວານັ້ນແມ່ນຜິດປົກກະຕິ ເຊິ່ງອາດມີຫຼາຍສາເຫດດັ່ງລຸ່ມນີ້:

• ສາເຫດຂອງການປັດສະວະເລື້ອຍໆໃນຕອນກາງຄືນ
1. ດື່ມນ້ຳຫຼາຍ ຫຼື ດື່ມເຄື່ອງດື່ມມຶນເມົາຫຼາຍເກີນໄປໃນຊ່ວງກ່ອນນອນກໍ່ຈະຕື່ນມາຍ່ຽວໃນຕອນກາງຄືນເລື່ອຍໆໄດ້.
2. ເປັນພະຍາດເຊັ່ນ: ເບົາຫວານ, ເບົາຈືດ, ທີ່ີມີປະລິມານປັດສະວະຫຼາຍ
3. ໂຣກຫົວໃຈ ທີ່ການເຮັດວຽກຂອງຫົວໃຈບົກຜ່ອງ ເນື່ອງຈາກວ່າໃນຊ່ວງຕອນເວັນເລືອດ ແລະ ນ້ຳຈະຄັງຢູ່ບໍລິເວນຂາ ເມື່ອເວລານອນເລືອດ ແລະ ນ້ຳຈະໄຫລກັບຫຼາຍກ່ວາຊ່ວງຕອນກາງວັນ ເຮັດໃຫ້ຜະລິດປັດສະວະຫຼາຍ
4. ຢາບາງຊະນິດມີຜົນໃນການຂັບນ້ຳຍ່ຽວອອກ ຫາກໄດ້ຮັບໃນກາງຄືນຈະເຮັດໃຫ້ມີການຍ່ຽວຕອນກາງຄືນຫຼາຍຂຶ້ນ
5. ກະເພາະປັດສະວະບີບຕົວໄວກ່ວາປົກກະຕິ ເຮັດໃຫ້ກະເພາະປັດສະວະບໍ່ສາມາດຮັບນ້ຳປັດສະວະໄດ້ຫຼາຍຄືຄົນປົກກະຕິທົ່ວໄປ
6. ຕ່ອມລູກໝາກໃຫຍ່ໃນຊາຍສູງອາຍຸ ທີ່ຖ່າຍປັດສະວະບໍ່ໝົດໃນຄັ້ງດຽວ ຫຼື ເກີດຄວາມຜິດປົກກະຕິຂອງກະເພາະປັດສະວະຮ່ວມອີກດ້ວຍ
7. ແມ່ຍິງໄວໝົດປະຈຳເດືອນ ທີ່ເຍື່ອຫຸ້ມບໍລິເວນຊ່ອງຄອດ ແລະ ທໍ່ຍ່ຽວບາງລົງ ໄວຕໍ່ການກະຕຸ້ນ
8. ໂຣກສະໝອງ ລະບົບປະສາດທີ່ສົ່ງຜົນຕໍ່ການເຮັດວຽກຂອງກະເພາະປັດສະວະເຊັ່ນ: ກ້ອນເນື້ອງອກ ຫຼື ໂຣກຂອງຫຼອດເລືອດສະໝອງ
9. ນອນບໍ່ລັບ ຕະຫລອດກໍ່ເປັນສາເຫດຂອງການຖ່າຍປັດສະວະເລື່ອຍໆ

• ຜົນກະທົບຂອງການລຸກຂຶ້ນມາຍ່ຽວຕອນເດິກເລື້ອຍໆ
ຜົນກະທົບໂດຍກົງທີ່ຕ້ອງລຸກມາຍ່ຽວຕອນເດິກເລື້ອຍໆຄື: ພັຫຜ່ອນບໍ່ພຽງພໍ, ເຮັດໃຫ້ປະສິດທິພາບໃນດາເຮັດວຽກຕອນກາງເວັນຫລຸດລົງ ສະໝອງບໍ່ປອດໂປ່ງຍ້ອນນອນບໍ່ອີ່ມ.

• ແນວທາງການກວດຮັກສາ 
ການຮັກສານັ້ນແມ່ນແພດຈະກວດຫາທີ່ມາຂອງງການຍ່ຽວທີ່ຜິດປົກກະຕິໃນຕອນກາງຄືນ ເມື່ອຮູ້ສາເຫດແລ້ວ ກໍ່ຈະຮັກສາຕາມສາເຫດທີ່ກວດພົບ.