ສະນັ້ນ, ກອງປະຊຸມລັດຖະມົນຕີແຮງງານອາຊຽນ ຄັ້ງທີ 24 ນີ້ ເປັນກອງປະຊຸມຄັ້ງທໍາອິດຂອງ AEC ດ້ານແຮງງານ ຊື່ງບັນດາປະເທດອາຊຽນຈະພິຈາລະນາຮັບຮອງເອົາຫລາຍບັນຫາທີ່ສໍາຄັນ ທີ່ເປັນພື້ນຖານໃຫ້ແກ່ການຈັດຕັ້ງປະຕິບັດວິໄສທັດຂອງປະຊາຄົມເສດຖະກິດອາຊຽນ ຕິດພັນກັບບັນຫາແຮງງານເປັນຕົ້ນ:

– ຂໍ້ແນະນຳສຳລັບລະບົບການຮັບຮູ້ ແລະ ຢັ້ງຢືນມາດຕະຖານສີມື ຢູ່ອາຊຽນ ASEAN Guiding Principles for Quality Assurance and Recognition of Competency Certification Systems.
– ຂໍ້ແນະນຳຂອງອາຊຽນ ສຳລັບຄວາມຮັບຜິດຊອບທາງສັງຄົມໃນດ້ານແຮງງານຂອງພາກສ່ວນ ອື່ນໆ ASEAN Guideline for Corporate Social Responsibility (CSR)
– ການຄຸ້ມຄອງ ແລະ ໂຄງສ້າງດ້ານມາດຕະຖານສີມືແຮງງານອາຊຽນ ASEAN Qualification Reference Framework ( AQRF);
– ບົດລາຍງານກອງປະຊຸມເຈົ້າຫນ້າທີ່ອາວຸໂສອາຊຽນຄັ້ງທີ 11 ແລະ 12 (SLOM);
– ແຜນປະຕິບັດງານລັດຖະມົນຕີແຮງງານອາຊຽນ 2016-2020 ( ALMM Work Programme);
– ແຜນປະຕິບັດງານຂອງຄະນະກຳມະການສະເພາະກິດເຈົ້າຫນ້າທີ່ອາວຸໂສແຮງງານອາຊຽນ 2016-2020 ( SLOM- WG);
– ແຜນປະຕິບັດງານຂອງຄະນະກຳມະການວ່າດ້ວຍແຮງງານເຄື່ອນຍ້າຍອາຊຽນ 2016-2020 Work Plan (ACMW);
– ແຜນປະຕິບັດງານຂອງເຄືອຂ່າຍວຽກງານຄວາມປອດໄພ ແລະ ສຸຂະພາບອາຊຽນ 2016-2020
ASEAN-OSHNET Plan of Actions ( ASEAN-OSHNET).
– ຮັບຮອງເອົາຖະແຫຼງການຮ່ວມຂອງລັດຖະມົນຕີແຮງງານອາຊຽນ ແລະ ຖະແຫຼງການຮ່ວມມືຂອງລັດຖະມົນຕີແຮງງານອາຊຽນ ບວກ 3.
– ປະເມີນຄືນ ແລະ ຮັບຮອງເອົາບັນດາໂຄງການຮ່ວມມືກັບ 3 ປະເທດຄູ່ເຈລະຈາ (ສປ ຈີນ, ຍີ່ປຸ່ນ ແລະ ສ ເກົາຫຼີ )
– ຖະແຫຼງການວຽງຈັນວ່າດ້ວຍ “ ການຫັນປ່ຽນຈາກການຈ້າງງານນອກລະບົບ ໄປສູ່ການຈ້າງງານໃນລະບົບ ເພື່ອກ້າວໄປສູ່ການສົ່ງເສີມວຽກທີ່ມີຄຸນຄ່າ ແລະ ເປັນທໍາ “ Decent work Promotion Transition from Informal Employment to Formal Employment In ASEAN. ຊຶ່ງຖະແຫຼງການນີ້ແມ່ນຄວາມພະຍາຍາມຂອງ ສປປ ລາວ ໂດຍອີງໃສ່ມະຕິກອງປະຊຸມໃຫ່ຍຂອງພັກປະຊາຊົນປະຕິວັດລາວ ຄັ້ງທີ X, ແຜນພັດທະນາເສດຖະກິດສັງຄົມ 5 ປີ ຄັ້ງທີ 8, ເປົ້າໝາຍການພັດທະນາແບບຍືນຍົງຂອງ ອົງການ ສປຊ ແລະ ສົນທິສັນຍາຂອງອົງການແຮງງານສາກົນ ເລກທີ 122 ກ່ຽວກັບການຈ້າງງານ ( ILO Convention N. 122 on Employment ) ແລະ ແຜນວຽກທີ່ມີຄຸນຄ່າ ແລະເປັນທໍາຂອງອົງການແຮງງານສາກົນ (ILO).
– ອີງໃສ່ສະພາບເງື່ອນໄຂຄວາມເປັນຈິງການດໍາລົງຊີວິດ ແລະ ການປະກອບອາຊີບຂອງພົນລະເມືອງລາວໃນປະຈຸບັນຕາມ ສາມຂະແໜງການໂຄງປະກອບເສດຖະກິດຂ້າງເທິງນັ້ນ, ສະນັ້ນ ເຫັນວ່າພົນລະເມືອງສ່ວນໃຫ່ຍຍັງແມ່ນເຮັດວຽກນອກລະບົບ, ເປັນຊາວກະສິກອນ, ຜູ້ປະກອບການອິດສະຫຼະ, ເປັນຜູ້ເຮັດວຽກຊ່ວຍຄອບຄົວ ຊື່ງສ່ວນໃຫ່ຍບໍ່ໄດ້ຮັບການປົກປ້ອງຄຸ້ມຄອງຈາກກົດໝາຍ ແລະ ບໍ່ສາມາດເຂົ້າເຖິງລະບົບສະຫວັດດີການສັງຄົມ/ ປະກັນສັງຄົມ ເຮັດໃຫ້ແຮງງານເຫຼົ່ານັ້ນ ບໍ່ມີຫຼັກຄໍ້າປະກັນພື້ນຖານໃນຊີວິດ.

ສະນັ້ນ, ຖ້າຫາກພວກເຮົາຫາກສາມາດຫັນປ່ຽນການຈ້າງງານນອກລະບົບໄປສູ່ການຈ້າງງານໃນລະບົບໃຫ້ຫລາຍຂື້ນ ຈະເຮັດໃຫພົນລະເມືອງພວກເຮົາມີວຽກເຮັດງານທໍາທີ່ໜັ້ນຄົງ, ມີລາຍໄດ້ທີ່ສົມເຫດສົມຜົນ, ມີຫັຼກຄໍ້າປະກັນພື້ນຖານ ໃນຊີວິດໄດ້ຮັບການຄຸ້ມຄອງຈາກລະບົບປະກັນສັງຄົມ ຊື່ງປະຈຸບັນພວກເຮົາມີ 8 ອຸດໜູນເຊັ່ນ: ການອູດໜູນປິ່ນປົວສຸຂະພາບ, ອອກລູກ ຫຼື ຫຼຸລູກ, ອຸປະຕິເຫດແຮງງານ, ປ່ວຍການ, ບຳນານ, ເສຍຊີວິດ, ອູດໜູນຄອບຄົວຂອງຜູ້ປະກັນຕົນ, ວ່າງງານ.

ທ່ານ ນ. ໃບຄຳ ຂັດທິຍະ ຍັງໄດ້ກ່າວຕື່ມອີກວ່າ: ຫຼັງຈາກກອງ ປະຊຸມສໍາ ເລັດ ສປປ ລາວ ພວກເຮົາຈະໄດ້ສືບຕໍ່ເປັນປະທານທາງ ດ້ານແຮງງານ ອາຊຽນ ຈົນຮອດປີ 2018 ແລະ ຈະມອບຕໍ່ໃຫ້ປະເທດມາເລເຊຍ, ສະນັ້ນ ໃນໄລຍະທີ່ເປັນປະທານນີ້ ທາງເຈົ້າໜ້າທີ່ອາວຸໂສ, ທັງລະດັບລັດຖະມົນຕີ ຈະໄດ້ມີການເຄື່ອນໄຫວຢ່າງແຂງແຮງ ແລະ ເປັນເຈົ້າການໃນທີພາກພື້ນ ແລະ ສາກົນ ເພື່ອປະຕິບັດພັນທະໃນຖານະເປັນຜູ້ປະສານງານດ້ານແຮງງານ ອາຊຽນ.
ເພື່ອເຮັດໃຫ້ກອງປະຊຸມຄັ້ງນີ້ໄດ້ຮັບຜົນສຳເລັດຕາມຈຸດປະສົງ, ຄາດໝາຍທີ່ກຳນົດໄວ້, ຮັບກັນຄວາມສະຫງົບ , ຄວາມເປັນລະບຽບຮຽບຮ້ອຍໄດ້ທັງເນື້ອໃນ ແລະ ພິທີການພວກເຮົາໄດ້ມີການກະກຽມຄວາມພ້ອມຮອບດ້ານ ດ້ວຍກການແຕ່ງຕັ້ງບັນດາອະນຸກຳມະການຕ່າງຯຊຶ່ງປະກອບມີບັນດາກະຊວງ, ຂະແໜງການທີ່ກ່ຽວຂ້ອງເຂົ້າຮ່ວມນໍາບັນດາອະນຸກຳມະການເຫຼົ່ານັ້ນໄດ້ມີການຂຶ້ນແຜນວຽກ, ແຜນບຸກຄະລາກອນ ແລະ ແຜນງົບປະມານ , ໄດ້ມີການແບ່ງຄວາມຮັບຜິດຊອບໃຫ້ແຕ່ລະພາກສ່ວນ, ແຕ່ລະບຸກຄົນໄປຈັດຕັ້ງປະຕິບັດ ໂດຍມີການຊີ້ນຳ, ຕິດຕາມ, ກວດກາຢ່າງເປັນປົກກະຕິຈາກການນຳຂອງກະຊວງ ຊື່ງມາຮອດປະຈຸບັນເຫັນວ່າມີຄວາມພ້ອມສົມຄວນທີ່ຈະກ້າວເຂົ້າສູ່ການເປັນເຈົ້າພາບກອງປະຊຸມລັດຖະມົນຕີແຮງງານອາຊຽນຄັ້ງທີ່ 24 , ກອງປະຊຸມລັດຖະມົນຕີແຮງງານອາຊຽນ ບວກ 3 ຄັ້ງທີ່ 9 ແລະ ກອງປະຊຸມປິ່ນອອ້ມຕ່າງຯ.

ສະນັ້ນ, ໃນໂອກາດທີ່ມີຄວາມໝາຍຄວາມສໍາຄັນນີ້ ຂ້າພະເຈົ້າຂໍຮຽກຮ້ອງມາຍັງທຸກພາກສ່ວນອົງການຈັດຕັ້ງພັກ, ລັດ, ສັງຄົມ, ສື່ມວນຊົນ ແລະ ປະຊາຊົນລາວບັນດາເຜົ່າໃນຂອບເຂດທົ່ວປະເທດເວົ້າລວມ, ເວົ້າສະເພາະ ແມ່ນຊາວນະຄອນຫຼວງວຽງຈັນ ຈົ່ງໄດ້ຮ່ວມກັນ ສະໜັບສະໜູນອໍານວຍຄວາມສະດວກ ແລະ ເປັນເຈົ້າພາບທີ່ດີເພື່ອເປັນການເສີມສ້າງຄວາມສາມັກຄີມິດຕະພາບ, ຍົກສູງບົດບາດຂອງ ສປປ ລາວ ແລະ ເສີມຂະຫຍາຍການທ່ອງທ່ຽວທີ່ມີສ່ວນຮ່ວມຂອງພົນລະເມືອງໃຫ້ນັບມື້ຫຼາຍຂື້ນ.

ຂໍຂອບໃຈ
ພາບ-ຂ່າວ: ເພັດສະໄໝ ພິມມະສອນ