ກຸ່ມສັງເກດການດ້ານສິດທິມະນຸດໃນຊີເຣຍລາຍງານວ່າ ເກີດລະເບີດສອງຄັ້ງທາງພາກກາງຂອງຊີເຣຍມື້ນີ້ ເຮັດໃຫ້ພົນລະເຮືອນເສຍຊີວິດຢ່າງໜ້ອຍ 10 ຄົນ ແລະ ບາດເຈັບ 40 ຄົນ.

ສະຖານີໂທລະພາບຂອງທາງການລາຍງາຍວ່າ ມີຜູ້ເສຍຊີວິດຢ່າງໜ້ອຍ 6 ຄົນ ແລະ ບາດເຈັບສາຫັດ 28 ຄົນຈາກເຫດລະເບີດໂຈມຕີແບບຂ້າຕົວຕາຍ ແລະ ລະເບີດລົດກາງຈັດຕະລັດໃນເຂດມູຄາຣັມ ອັລ-ຟໍການີໃນແຂວງຮອມສ໌ ພື້ນທີ່ດັ່ງກ່າວເຄີຍເປັນເຂດຄວບຄຸມຂອງລັດຖະບານປະທານາທິບໍດີບາຊາ ອັລ-ອັສຊາດຂອງຊີເຣຍໃນເຂດລະຫວ່າງເມືອງຮອມສ໌ກັບເມືອງພັລໄມຣາ ແລະ ກອງທັບຊີເຣີຍຢຶດຄືນມາຈາກກຸ່ມຕິດອາວຸດເມື່ອເດືອນທີ່ຜ່ານມາ ປະຈຸບັນລັດຖະບານຊີເຣຍຄວບຄຸມພື້ນທີ່ສ່ວນໃຫຍ່ຂອງຮອມສ໌ໄວ້ໄດ້.