ອະໂວຄາໂດ ເປັນໝາກໄມ້ ຢືນຕົ້ນທີ່ມີໃບບໍ່ຫຼົ່ນຄືໃບຂຽວຕະ ຫຼອດປີ, ຜົນຜະລິດສາມາດບໍລິ ໂພກສົດ ແລະແປຮູບນຳໄປສະກັດ ເປັນນ້ຳມັນ, ເນື່ອງຈາກມີພັນທີ່ ຫຼາກຫຼາຍ
ຈິ່ງມີຜົນຜະລິດຕະຫຼອດ ປີ, ອະໂວຄາໂດ ເປັນໝາກໄມ້ທີ່ ມີຄຸນຄ່າທາງອາຫານທີ່ເປັນປະ ໂຫຍດຕໍ່ຮ່າງກາຍສູງ, ແຕ່ການ ເຜີຍແຜ່ຂໍ້ມູນກ່ຽວກັບໝາກໄມ້ ຊະນິດນີ້ນັບວ່າໜ້ອຍ, ຂະນະທີ່ ຄວາມຕ້ອງການຂອງຕະຫຼາດທັງ ພາຍໃນ ແລະຕ່າງປະເທດນັບມື້ ສູງຂຶ້ນ, ພືດຊະນິດດັ່ງກ່າວກໍກຳ ລັງເປັນພືດເສດຖະກິດໜຶ່ງທີ່ຫຼາຍ ບ່ອນໃຫ້ຄວາມສຳຄັນ ແລະຂັ້ນ ຕອນຂອງການປູກປະກອບມີ ຫຍັງແດ່.
ສຳລັບວິທີເພາະແກ່ນ ອະໂວ ຄາໂດ ຈະມີ 3 ແບບ ຄື: ໃຊ້ໄມ້ຈີ້ມ ແຂ້ວສຽບຮອບແລ້ວຈຸ່ມນ້ຳ, ຫໍ່ ໃສ່ເຈ້ຍທິດຊູ ແລະໃຊ້ວັດສະດຸ, ຊຶ່ງແບບທຳອິດຈະໃຊ້ອຸປະກອນ ເຊັ່ນ: ກະຕຸກນ້ຳຂະໜາດ 1,5 ລິດ ກັບແກ່ນອະໂວຄາໂດ ໂດຍການ ນຳເອົາໝາກອະໂວຄາໂດມາຜ່າ ເຄິ່ງແລ້ວກໍເອົາແກ່ນໄປລ້າງຈະ ໄດ້ ແກ່ນເປືອກສີນ້ຳຕານຈາກ ນັ້ນກໍເອົາມີດຂີດຮອບເສັ້ນຜ່ານ ສູນກາງແນວຕັ້ງ, ຂີດເປັນກາ ໝາຍຄູນ ແລ້ວກໍລອກເປືອກອອກ ແລະເອົາໄມ້ຈີ້ມແຂ້ວສຽບເປັນ ຖານໃຫ້ຮາກມັນງອກອອກ, ຕັດ ກະຕຸກເທົ່າຄວາມສູງຂອງມືແລ້ວ ນຳແກ່ນທີ່ສຽບໄປວາງລົງ ໂດຍ ເອົາທາງດ້ານກົ້ນແຊ່ນ້ຳໄວ້ຈາກ ນັ້ນເອົາສ່ວນຫົວກະຕຸກຄອບລົງ ໄປນ້ຳຈະບໍ່ໄດ້ລະເຫີຍອອກ ແລະ ຕ້ອງໝັ່ນຕື່ມນ້ຳເປັນປະຈຳ, ສ່ວນ ວິທີທີສອງເຮັດຄືກັບວິທີທີໜຶ່ງ ຕ່າງແຕ່ບໍ່ຈຳເປັນຕ້ອງເອົາໄມ້ ສຽບແຕ່ຫັນມາຫໍ່ດ້ວຍເຈ້ຍທິດຊູ ແລະນຳໄປແຊ່ນ້ຳ ຈາກນັ້ນ ວາງ ລົງໃນກະຕຸກທີ່ຕັດແລ້ວລະຕື່ມນ້ຳ ເອົາພຽງພໍປຽກກົ້ນ ສຳເລັດແລ້ວ ເອົາສ່ວຫົວກະຕຸກຄອບໄວ້ຄືກັບ ແບບທຳອິດ ແລະສຳລັບວິທີສຸດ ທ້າຍໃຊ້ວັດສະດຸເພາະ ຊຶ່ງຈະໃຊ້ ໄຍໝາກພ້າວຖ້າບໍ່ມີໃຊ້ດິນຫຍັງ ກໍໄດ້ຢ່າງທີ່ບອກຕອນຕົ້ນ ຈາກນັ້ນ ກໍຕັດກະຕຸກຄືເກົ່າເຮັດຄືກັບ ຂັ້ນຕອນທີໜຶ່ງຈົນມາຮອດຂັ້ນ ຕອນເອົາໃສ່ກະຕຸກ ໂດຍຈະເອົາ ໄຍໝາກພ້າວ ຫຼື ດິນໃສ່ລົງໄປ ກ່ອນແລ້ວກໍຈັດການກົດແກ່ນອະ ໂວຄາໂດເລີຍຫົດນ້ຳໃຫ້ຊຸ່ມຈາກ ນັ້ນ ກໍນຳສ່ວນຫົວກະຕຸກມາປິດ, ສຸດທ້າຍກໍຕັ້ງຕາເບິ່ງເມື່ອໃດມັນ ຈະແຕກແທງຮາກອອກມາ.
ກຽມໜານປູກໂດຍທົ່ວໄປ ແລ້ວການປູກອະໂວຄາໂດຈະໃຊ້ ໄລຍະປູກລະຫວ່າງຕົ້ນ, ແຖວປະ ມານ 8-12 ແມັດ, ການກຽມຂຸມ ປູກຄວນມີຄວາມກວ້າງ, ຍາວ 80 ຊັງຕີເລິກ 80 ຊັງຕີ ປະສົມຝຸ່ນ ຄອກກັບດິນທີ່ຂຸດຂຶ້ນມາແລ້ວໃສ່ ລົງໄປໃນຂຸມກຽມໄມ້ປັກມັດຕິດ ກັບຕົ້ນກັນລົມພັດ, ຈາກນັ້ນ ກໍກຽມ ວັດສະດຸຄຸມໜ້າດິນໄວ້ຊຶ່ງອາດ ໃຊ້ເຟືອງ, ເສດຫຍ້າແຫ້ງ, ແກບ, ຂີ້ກົບ, ຂີ້ເລື່ອຍ ຫຼື ເປືອກຖົ່ວ ກໍໄດ້, ອະໂວຄາໂດສາມາດປູກໄດ້ທຸກ ລະດູຖ້າມີນ້ຳພຽງພໍ, ແຕ່ຄົນສ່ວນ ຫຼາຍນິຍົມປູກໃນຊ່ວງລະດູຝົນ ຊຶ່ງຈະປະຍັດຄ່າໃຊ້ຈ່າຍໃນການ ໃຫ້ນ້ຳເພາະມີນ້ຳຝົນຕົກລົງມາ ຊ່ວຍ, ແຕ່ຖ້າຝົນຕົກຫຼາຍຈົນເກີນໄປຕ້ອງລະມັດລະວັງບໍ່ໃຫ້ນ້ຳຂັງ.
ຫຼັງຈາກປູກອະໂວຄາໂດ ໄດ້ 1 ເດືອນ ຈະໃສ່ປຸ໋ຍວິທະຍາສາດ ເພີ່ມໃຫ້ກັບຕົ້ນອະໂວຄາໂດ ໂດຍ ໃສ່ໄນໂຕເຈນ ຟອສຟໍຣັດ ແລະ ໂພແທສຊຽມປະລິມານ 3:1:1 ທັງນີ້ອາດໃຫ້ໂດຍໃຊ້ປຸ໋ຍສູດ 15-15-15 ປະສົມກັບຍູເລຍ (4600) 1:1 ຄົນໃຫ້ເຂົ້າກັນໃຫ້ດີແລ້ວ ໃສ່ຕົ້ນລະ 200 ກຣາມ ແບ່ງໃສ່ ປະມານ 3 ຄັ້ງຕໍ່ປີທຸກ 3 ເດືອນ, ສ່ວນປີທີ 2 ຈະໃສ່ປຸ໋ຍປະສົມດັ່ງ ກ່າວຂ້າງຕົ້ນໃນອັດຕາ 300 ກຣາມແບ່ງໃສ່ 4 ຄັ້ງຕໍ່ປີ ແລະເມື່ອຕົ້ນ ອະໂວຄາໂດໄດ້ 3 ປີ ຈະເລີ່ມໃຫ້ ຜົນຜະລິດປະລິມານການໃສ່ປຸ໋ຍ ຕໍ່ຕົ້ນຈະເພີ່ມຂຶ້ນຕາມການໃຫ້ໝາກ ແລະປຸ໋ຍທີ່ໃຊ້ຄວນປ່ຽນໄປ ເຊັ່ນ: ໃນໄລຍະປີທີ 3 ຈະໃສ່ປຸ໋ຍ ຄືກັບປີທີ 2 ແຕ່ປະລິມານປຸ໋ຍເພີ່ມ ຂຶ້ນເປັນຕົ້ນລະ 400 ກຣາມໃສ່ 2 ຄັ້ງໃນຊ່ວງຕົ້ນລະດູຝົນ ແລະກາງ ລະດູຝົນ ພໍເຖິງທ້າຍລະດູຝົນປະ ມານເດືອນຕຸລາຈະປ່ຽນເປັນປຸ໋ຍ ທີ່ມີຟອສຟໍຣັດ ຫຼື ໂພແທສຊຽມ ສູງເຊັ່ນ: 82424 ຫຼື 92424 ໃນດິນລ້ວນປົນຊາຍ ຫຼື ດິນຊາຍ, ສ່ວນດິນລ້ວນໜຽວຄວນໃຊ້ປຸ໋ຍ ສູດ 122412 ອັດຕາ 500 ກຣາມຕໍ່ຕົ້ນ ເພື່ອໃຫ້ຕົ້ນອະໂວຄາ ໂດອອກດອກດີ ແລະເມື່ອຕິດໝາກ ແລ້ວ ຈິ່ງໃສ່ປຸ໋ຍອັດຕາສ່ວນ 3:1: 1 ໃໝ່ ເພື່ອໃຫ້ໝາກຈະເລີນເຕີບໂຕດີ ແລະຕິດໝາກໄດ້ຫຼາຍ ໂດຍ ອາດໃສ່ຍູເລຍປະສົມປຸ໋ຍສູດ 151515 ໃນສັດສ່ວນ 1:1 ເພີ່ມ ຂຶ້ນອີກຕົ້ນລະ 500 ກຣາມ ໃນປີ ຕໍ່ໆໄປອາດໃຊ້ວິທີວັດໄລຍະຈາກ ຕົ້ນໄປຍັງຊາຍພຸ່ມເປັນແມັດ ຊຶ່ງ ຈະເທົ່າກັບຈຳນວນກິໂລກຣາມ ຂອງປຸ໋ຍທີ່ໃສ່ໃຫ້ໃນແຕ່ລະປີກໍ ໄດ້ຄວນມີການໃສ່ປຸ໋ຍອິນຊີໃຫ້ ກັບຕົ້ນອະໂວຄາໂດທຸກປີ ໂດຍໃຊ້ ວິທີຫວ່ານຄຸມຕົ້ນ ແລະປ່ອຍໃຫ້ ຍ່ອຍສະຫຼາຍເອງ.
ໃນໄລຍະທີ່ປູກອະໂວຄາໂດ ໃໝ່ໆ ຄວນໃຫ້ນ້ຳແກ່ຕົ້ນອະໂວຄາໂດ ເພື່ອໃຫ້ຕົ້ນຈະເລີນເຕີບໂຕ ແລະມີຮາກແຜ່ກະຈາຍລົງທາງເລິກ ແລະທາງກວ້າງຄວນໃຫ້ນ້ຳ ຢ່າງສະໝ່ຳສະເໝີໃຫ້ດິນຊຸ່ມ ແຕ່ຢ່າໃຫ້ນ້ຳຂັງ ເພາະຈະເຮັດໃຫ້ຮາກເນົ່າ ແລະຕົ້ນຕາຍ ຕົ້ນອະໂວຄາໂດ ປູກໃໝ່ຕ້ອງການນ້ຳວັນ ລະປະມານ 15 ລິດຕໍ່ຕົ້ນ, ຖ້າໃຫ້ເວັ້ນວັນອາດໃຫ້ຄັ້ງລະ 30 ລິດຕໍ່ ຕົ້ນເມື່ອຕົ້ນໃຫຍ່ກໍຕ້ອງການປະລິມານນ້ຳຫຼາຍຂຶ້ນ ຫຼື ອາດເລືອກ ວິທີການໃຫ້ນ້ຳເປັນລະບົບນ້ຳ ຢອດ ຫຼື ມິນິດປິງເກີ ບໍລິເວນກົກ ຕົ້ນກໍໄດ້ແລ້ວແຕ່ລະພື້ນທີ່ປູກ ແລະເງິນທຶນເມື່ອຕົ້ນອະໂວຄາໂດ ເຖິງໄລຍະທີ່ຈະອອກດອກຄວນງົດໃຫ້ນ້ຳ ແຕ່ໂດຍປົກກະຕິແລ້ວ ເປັນຊ່ວງທີ່ສິ້ນສຸດລະດູຝົນ ແລະເຂົ້າລະດູໜາວແລ້ວ ແລະເມື່ອ ເກີດຕົ້ນຕາດອກທີ່ຍອດ ຊຶ່ງຈະສັງເກດຊໍ່ດອກຈະເລີ່ມຈະເລີນອອກມາຈາກນັນຈິ່ງເລີ່ມໃຫ້ນ້ຳໃໝ່.
ກ່ອນການເກັບກ່ຽວອະໂວຄາໂດຕ້ອງກວດສອບວ່າໝາກແກ່ ເກັບກ່ຽວໄດ້ ຫຼື ບໍ່ ໂດຍພິຈາລະ ນາເຖິງໄລຍະເວລາທີ່ເກັບກ່ຽວ ຂອງອະໂວຄາໂດແຕ່ລະພັນນັ້ນໆ, ຈາກນັ້ນ ທົດລອງເກັບໝາກເທິງ ຕົ້ນໃນລະດັບຕ່າງໆປະມານ 68 ໝາກ ເພື່ອຜ່າເບິ່ງວ່າເຍື່ອຫຸ້ມແກ່ນ ຫາກເຍື່ອຫຸ້ມແກ່ນເປັນສີນ້ຳຕານ ທັງໝົດກໍສາມາດເກັບກ່ຽວໄດ້, ນອກຈາກນີ້ ຄວນສັງເກດເບິ່ງ ລັກສະນະພາຍນອກໝາກ ເພື່ອໃຫ້ ໝັ້ນໃຈວ່າໝາກແກ່ແລ້ວ ເນື່ອງ ຈາກບາງເທື່ອໃນຕົ້ນດຽວກັນ ອາດມີການອອກດອກ 2 ຊຸດ ເຮັດ ໃຫ້ອາຍຸຂອງໝາກບໍ່ເທົ່າກັນ, ຊຶ່ງໃນການເກັບກ່ຽວຕ້ອງໃຫ້ມີ ຂົ້ວໝາກຕິດຢູ່ກັບໝາກຫາກຂົ້ວ ໝາກຫຼຸດອອກຈາກໝາກຈະເຮັດ ໃຫ້ໝາກເສຍຫາຍໄດ້ງ່າຍ ຂະນະບົ່ມໃຫ້ສຸກ, ວິທີການເກັບກ່ຽວ ເຮັດໄດ້ໂດຍເດັດ ຫຼື ໃຊ້ມີດຕັດຕັດ ຂົ້ວໝາກຫຼຸດອອກຈາກກິ່ງອາດ ໃຊ້ຂັ້ນໄດປີນຂຶ້ນໄປເກັບ ຫຼື ໃຊ້ ຢ່ວງທີ່ມີໃບມີດຕັດຂົ້ວສອຍໃຫ້ ຕິດຂົ້ວ ຫຼື ໃຊ້ມີດຕັດດ້າມຍາວ ທີ່ມີບ່ອນໜີບຂົ້ວໝາກໄວ້ບໍ່ໃຫ້ໝາກຕົກ, ຄວນລະມັດລະວັງບໍ່ ໃຫ້ໝາກມີຮອຍຊ້ຳ ເມື່ອເກັບແລ້ວ ໃຫ້ໃສ່ລົງໃນພາຊະນະທີ່ຮອງດ້ວຍເຈ້ຍ ຫຼື ຟອງນ້ຳທີ່ປ້ອງກັນຄວາມເສຍຫາຍໄດ້ນຳໄປຄັດ ແຍກເອົາໝາກທີ່ບໍ່ໄດ້ຄຸນນະພາບຕາມທີ່ກຳນົດອອກຕັດຂົ້ວໝາກ ໃຫ້ສັນລົງເຫຼືອສະເພາະສ່ວນໄວ້.
ຂໍ້ມູນຈາກ: ຂ່າວເສດຖະກິດ-ສັງຄົມ