spot_img
Homeຂ່າວການພັດທະນາວິໄສທັດການພັດທະນາປະເທດໃນຕໍ່ໜ້າ

ວິໄສທັດການພັດທະນາປະເທດໃນຕໍ່ໜ້າ

Published on

ລັດຖະມົນຕີກະຊວງແຜນການ ແລະ ການລົງທຶນ ໄດ້ສະເໜີວິໄສທັດຮອດປີ 2030, ຍຸດທະສາດຮອດປີ 2025, ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VIII (2016-2020) ເຊິ່ງພາຍໃຕ້ຄຳຂວັນ ສູ້ຊົນພັດທະນາປະເທດເຮົາໃຫ້ຫລຸດພົ້ນອອກຈາກ ສະຖານະພາບດ້ອຍພັດທະ ນາ ໃນປີ 2020, ກ້າວໄປສູ່ປະເທດກຳລັງພັດທະນາ ມີລາຍຮັບປານກາງສູງ ຕາມທິດການພັດທະນາສີຂຽວ ແລະ ຍືນຍົງ ເມື່ອເຖິງປີ 2030 ຕໍ່ກອງປະຊຸມຄັ້ງປະຖົມມະລຶກ ຂອງສະພາແຫ່ງຊາດ ຊຸດທີ VIII ໃນວັນທີ 20 ເມສາ 2016 ເພື່ອພິຈາລະນາ ແລະ ຮັບຮອງ .

ທ່ານ ດຣ.ສຸພັນ ແກ້ວມີໄຊ ລັດຖະມົນຕີວ່າການກະຊວງແຜນການ ແລະ ການລົງທຶນ ໄດ້ຍົກ ໃຫ້ເຫັນເມື່ອຮອດປີ 2030 ຕ້ອງສືບຕໍ່ຮັບປະກັນໃຫ້ປະເທດຊາດ ມີສະຖຽນລະພາບທາງດ້ານການ ເມືອງ ທີ່ໝັ້ນຄົງ ແລະ ມີຄວາມສະຫງົບປອດໄພທາງສັງຄົມຢ່າງໜັກແໜ້ນ, ລວມຍອດມູນຄ່າຜະລິດ ຕະພັນ

ພາຍໃນ ຈີດີພີ ຫລາຍກວ່າປີ 2015, ສີ່ເທົ່າ. ມີຄວາມສາມາດເປັນເຈົ້າຕົນເອງທາງດ້ານການເງິນ, ລະ ບົບການເງິນ-ເງິນຕາ, ມີຄວາມຄ່ອງຕົວ ແລະ ເອື້ອອຳນວຍແກ່ການບໍລິການດ້ານການເງິນ, ການລົງທຶນ ແລະ ການຜະລິດທຸລະກິດ. ການພັດທະນາເສດຖະກິດໄປຕາມທິດພູມປັນຍາ, ຫັນເປັນອຸດສາຫະກຳ ແລະ ທັນສະໄໝຕາມທິດສີຂຽວ ແລະ ເປັນມິດກັບສິ່ງແວດລ້ອມ, ປະຊາຊົນສ່ວນໃຫຍ່ ມີຊີວິດການເປັນຢູ່ດີຂຶ້ນ ແລະ ມີຄວາມຜາສຸກ, ການພັດທະນາເສດຖະກິດໃຫ້ມີຄວາມສົມດູນ ກັບການພັດທະນາວັດທະນະ ທຳ-ສັງຄົມ ສາມາດຮັບມືກັບການປ່ຽນແປງຂອງດິນຟ້າອາກາດ. ສິດທິຂອງພົນລະເມືອງ ມີຄວາມຮັບປະ ກັນດ້ວຍກົດໝາຍທີ່ສັກສິດ, ຊັບພະຍາກອນມະນຸດໄດ້ຮັບການພັດທະນາໃກ້ຄຽງກັບພາກພື້ນແລະ ສາກົນ.

ຮອດປີ 2025 ປະເທດ ຈະມີລາຍຮັບປານກາງ ຈີດີພີ ຈະລື່ນປີ 2015 ສອງເທົ່າ, ປະຊາຊົນສ່ວນໃຫຍ່ມີຖານະພໍກິນພໍໃຊ້ ແລະ ບັນລຸຄາດໝາຍສະຫັດສະວັດດ້ານການພັດທະນາຢ່າງສົມບູນ, ສັງຄົມ ມີຄວາມສະຫງົບ ແລະ ເປັນລະບຽບຮຽບຮ້ອຍດີກວ່າເກົ່າ. ສປປ ລາວ ສາມາດເຂົ້າຮ່ວມ ແລະ ເພີ່ມທະ ວີການແຂ່ງຂັນ ໃນຂະບວນວິວັດແຫ່ງການເຊື່ອມໂຍງກັບພາກພື້ນ ແລະ ສາກົນ ຢ່າງເປັນເຈົ້າການ. ສຳ ລັບໃນ 5 ປີຕໍ່ໜ້າ ພັກໄດ້ກຳນົດທິດທາງໜ້າທີ່ລວມ ແລະ ຄາດໝາຍໃຫຍ່ຈຳນວນໜຶ່ງ ໂດຍຢຶດໝັ້ນ ແລະ ເສີມຂະຫຍາຍແນວທາງປ່ຽນແປງໃໝ່ຮອບດ້ານ ແລະ ມີຫລັກການຂອງພັກ ໃຫ້ເລິກເຊິ່ງເຖິງຖອງດ້ວຍການສືບຕໍ່ສ້າງບາດກ້າວບຸກທະລຸທັງ 4 ດ້ານ ຢ່າງແຂງແຮງເປັນຮູບປະທຳ, ບູລະນະອຳນາດແຫ່ງລັດ ກໍຄືການຄຸ້ມຄອງບໍລິຫານ ຕາມທິດສ້າງລັດປະຊາທິປະໄຕ ປະຊາຊົນ ທີ່ປົກຄອງດ້ວຍກົດໝາຍ.

ຮອດປີ 2020 ຫລື 5 ປີຕໍ່ໜ້າ ຈະສາມາດແກ້ໄຂຄວາມທຸກຍາກຂອງປະຊາຊົນ ທັງເຮັດໃຫ້ປະ ເທດຊາດຫລຸດພົ້ນອອກຈາກຄວາມດ້ອຍພັດທະນາ, ລາຍຮັບ ຈີດີພີ ລື່ນປີ 2015 ປະມານ 1,6 ເທົ່າ, ໂຄງປະກອບເສດຖະກິດແຫ່ງຊາດ ມີການຫັນປ່ຽນຕາມທິດຫັນເປັນອຸດສາຫະກຳ-ທັນສະໄໝ ແລະ ມີຄວາມຍືນຍົງ.

ຂ່າວຈາກ: laophatthananewspaper

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...