spot_img
Home​ຂ່າວທ່ອງທ່ຽວວັງວຽນ ເມືອງ ຄຳ ແຂວງ ຊຽງຂວາງ

ວັງວຽນ ເມືອງ ຄຳ ແຂວງ ຊຽງຂວາງ

Published on

ຕໍ່ຈາກວ່ານນີ້ທີ່ເຮົາໄດ້ໄປທ່ຽວບ້ານໂພສີ ເມືອງຄຳ ແຂວງ ຊຽງຂວາງ “ວັງວຽນ” ຫຼາຍຄົນອາດບໍ່ຮູ້ຈັກເພາະວັງນ້ຳແຫ່ງນີ້ຍັງບໍ່ັທັນໄດ້ຮັບການບຸກເບີກເປັນສະຖານທີ່ທ່ອງທ່ຽວ ເຊິ່ງມັນເລື່ອງທີ່ໜ້າເສຍດາຍ ທີ່ສະຖານທີ່ທຳມະຊາດທີ່ເຕັມໄປດ້ວຍຄວາມສົມບູນແບບຍັງບໍ່ມີຄົນຮູ້ຈັກ ວັນນີ້ລາວໂພສຕ໌ເລີຍຂໍນຳສະເໜີ “ວັງວຽນ” ໃຫ້ທຸກທ່ານໄດ້ຮູ້ກັນ.

ວັງວຽນ ເມ່ນຕັ່ງຢູ່ເຂດບ້ານ ໂພສີ ເມືອງ ຄຳ ແຂວງ ຊຽງຂວາງ ການເດີນທາງໄປວັງວຽນແມ່ນຕ້ອງຍ່າງຂ້າມນ້ຳມັດ ຫຼື ຂີ່ລົດຕ໊ອກໆ ຂ້າມນ້ຳມັດໄປ 1 ຫຼັກກິໂລແມັດ ເສັ້ນທາງເຂົ້າໄປຈະເປັນດິນແດງ, ເສັ້ນທາງບໍ່ໃຫຍ່ ພໍແຕ່ວິດລົດຕ໊ອກໆ ທັງສອງຝາກທາງເປັນເປັນປ່າດົງ.

ເມື່ອເດີນທາງເຂົ້າໄປຮອດທ່ານຈະເຫັນຄວາມສວຍງາມຂອງແມ່ນ້ຳໄຫລ ເປັນແກ້ງດອນນ້ອຍໆ ນ້ຳໄຫລຖາດໆ ສຽງຄືຝົນຕົກຮ່າໃຫຍ່ ແນມເບິ່ງໃສໄຫລເຢັນເຫັນເທົ່າຂຽນເກາະກ່າຍຕາຍໂງ່ນຫີນ ເຫັນປາລອຍຫຼິ້ນໃນນ້ຳ, ຫາກຊາຍຂາວສະອາດ ແລະ ມີກ່ອນຫີນນ້ອຍໃຫຍ່ຢັ່ງຢາຍເຕັມຊາຍຫາດ.

ນອກຈາກໄດ້ຍິນສຽງນ້ຳໄຫລແລ້ວ ບັນຍາກາດອ້ອມຮອບແມ່ນເປັນພູເຂົາປ່າດົງ ໄດ້ຍິນສຽງຈັກກະຈັ່ນຮ້ອງປະສານກັບສຽງນ້ຳໄຫລ ບັນຍາກາດນີ້ເຮັດໃຫ້ເຮົາຮູ້ສຶກຜ່ອນຄາຍເບົາສະໝອງໄປທັນທີ

13020108_987699937964717_1497610977_n

ປະຊາຊົນໃນເຂດນີ້ບອກວ່າຖ້າຫາກມາໃນຊ່ວງລະດູຮອດທ່ານຈະໄດ້ເຫັນຝູງແມງກະເບື້ອບິນຕາມແຄມແມ່ນ້ຳຢ່າງສວຍງາມ ບາງມື້ແມງກະເບື້ອອອກມາບິນຫຼາຍຈົນເຕັມແຄມນ້ຳໝົດເບິ່ງແລ້ວເປັນຕາອອນຊອນ ແຕ່ມື້ທີ່ແອັດມິນໄປທ່ຽວ ຖືກມື້ແມງກະເບື້ອບໍ່ອອກມາຫຼາຍປານໃດ

987

ວັງວຽນ ຍັງເປັນແມ່ນ້ຳທີ່ສະອາດ ແລະ ອຸດົມສົມບູນໄປດ້ວຍປາທຳມະຊາດ ເຊັ່ນ: ປະເພດປາຄິ້ງ, ປາຍອນ, ແລະ ໃນບໍລິເວນຍັງມີພືດຜັກກິນໄດ້ອີກຫຼາຍຊະນິດເຊັ່ນ: ຜັກກູດ, ຜັກນາງເລີດ ແລະ ອື່ນໆ… ຊາວບ້ານເຂດນີ້ມາມັກກິນເຂົ້າປ່າເປັນປະຈຳ.

ວັງວຽນ ຖ້າໄດ້ຮັບການບຸກເບີກເປັນສະຖານທີ່ທ່ອງທ່ຽວກໍ່ຄົງຈະດີ ເພາະຈາກການທີ່ໄປທ່ຽວມາແລ້ວຮູ້ສຶກວ່າມັນງາມ ແລະ ກໍ່ເໝາະຫຼາຍກັບການສ້າງເປັນສະຖານທີ່ພາຍເຮືອລ່ອງແກ້ງ ກິນເຂົ້າປາ ແລະ ອື່ນໆ ວັງວຽນເປັນແມ່ນ່ຳທີ່ຍາວ ຊາວບ້ານບອກວ່າ ຖ້າມີເຮືອພາຍລົງໄປທາງໃຕ້ແມ່ນ້ຳແຮງງາມກ່ວານີ້ ເສຍດາຍວັນນັ້ນບໍ່ມີເຮືອພາຍໄປເລີຍບໍ່ໄດ້ໄປເກັບພາບມາຝາກແຕ່ຕອນນີ້ເບິ່ງພາບຄວາມສຸກຂອງການດຳນ້ຳຫາປາ, ຫຼິ້ນນ້ຳ ແລະ ກິນເຂົ້າປ່າຂອງຊາວບ້ານກັນໄປກ່ອນ.

ຄວາມສຸກທ່າມກາງຄວາມອຸດົມສົມບູນຂອງທຳມະຊາດອັນສວຍງາມທີ່ມອບໃຫ້ກັບມະນຸດ ຖ້າຢາກໃຫ້ສິ່ງເຫຼົ່ານີ້ຢູ່ກັບພວກເຮົາໄປດົນໆ ຕ້ອງຊ່ວຍກັນຮັກສາ ເມື່ອໄປທ່ຽວແລ້ວກໍ່ຢ່າຝາກຂີ້ເຫຍື້ອໄວ້ທີ່ນັ້ນ ແລະ ການຫາປາກໍ່ຄວນຫາດ້ວຍວິທີທຳມະຊາດ ບໍ່ຄວນໃຊ້ໄຟຊັອດຫຼື ສິ່ງໃດໆກໍ່ຕາມທີ່ຈະເຮັດໃຫ້ປາ ແລະ ສັດນ້ຳອື່ນໆສູນພັນ.

ວັງວຽນ ຍັງລໍຖ້າທ່ານໄປສຳພັດ ເມື່ອທ່ານໄປຮອດທ່ານຈະບໍ່ຜິດຫວັງແນ່ນອນ.

ຂຽນໂດຍ: ປັອກເລັກ ລາວໂພສຕ໌

ບົດຄວາມຫຼ້າສຸດ

ສສ ຫວຽດນາມ ຕັ້ງເປົ້າໃຫ້ພາສາອັງກິດ ເປັນພາສາທີສອງ ໃນປີ 2035

ຫວຽດນາມປັບແຜນການຮຽນຄັ້ງສຳຄັນໃນປະເທດ ໂດຍຕັ້ງເປົ້າໃຫ້ພາສາອັງກິດເປັນພາສາທີສອງ ພາຍໃນປີ 2035 ເຊິ່ງຈະຄ່ອຍໆເລີ່ມໃນແຕ່ລະໂຮງຮຽນທົ່ວປະເທດ. ສຳລັບໂຄງການນີ້ ແມ່ນເລີ່ມແຕ່ປີ 2025 ໄປຈົນເຖິງປີ 2035 ແລະ ມີແຜນຈະຂະຫຍາຍໄປຕື່ມຈົນຮອດປີ 2045 ໂດຍກຳລັງຄັດເລືອກວິທະຍາໄລ ແລະ...

ເປີດການນໍາໃຊ້ຢ່າງເປັນທາງການ ທ່າທຽບເຮືອເລກ 3 ທ່າເຮືອສາກົນ ລາວ-ຫວຽດ

ຄະນະຜູ້ແທນຂັ້ນສູງ ພັກ, ລັດ ແຫ່ງ ສປປ ລາວ ນໍາໂດຍ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ ປະທານປະເທດ ແຫ່ງ...

ຫຼາຍເພຈໃນລາວຖືກແອບອ້າງ!

ເຕືອນໄພ! ທາງສື່ສັງຄົມອອນລາຍ ປັດຈຸບັນໄດ້ມີກຸ່ມຄົນບໍ່ດີ ຫຼື ມິດສາຊີບ ພະຍາຍາມສ້າງເພຈປອມຂອງສຳນັກຂ່າວຕ່າງໆຂຶ້ນຫຼາຍ. ເມື່ອ 2 ອາທິດທີ່ຜ່ານມານີ້, ຜູ້ນຳໃຊ້ສື່ສັງຄົມອອນລາຍພົບເຫັນເພຈປອມທີ່ແອບອ້າງເປັນເພຈຂອງສຳນັກຂ່າວເພື່ອຍິງໂຄສະນາຂາຍສິນຄ້າຕ່າງໆ ໂດຍໄດ້ນຳໃຊ້ໂລໂກ້, ພາບໜ້າປົກ, ຂໍ້ມູນຂ່າວລົງໃນເພຈປອມເພື່ອໃຫ້ຜູ້ອ່ານເຊື່ອຖື ຫຼັງຈາກນັ້ນແມ່ນຍິງໂຄສະນາ ແລະ...

ພະຍາກອນອາກາດ ເຊົ້າວັນທີ 28 ເມສາ 2025

ພາກເໜືອ-ພາກກາງກຽມຮັບມື ສະພາບອາກາດຮ້ອນ-ຮ້ອນເອົ້າ ອຸນຫະພູມສູງສຸດ 40 ອົົງສາ ຄວາມກົດດັນຕ່ຳຂອງອາກາດຮ້ອນຈະປົກຄຸມຢູ່ທົ່ວທຸກພາກຂອງ ປະເທດລາວ ດ້ວຍກໍາລັງອ່ອນ, ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມ, ຊຶ່ງຈະເຮັດໃຫ້ອາກາດຮ້ອນຫາຮ້ອນເອົ້າ ແລະ ຈະມີຝົນຕົກຟ້າຮ້ອງ, ຟ້າເຫລື້ອມໃນລະດັບຄ່ອຍຫາປານກາງພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກຕື່ມອີກ. ພະຍາກອນອາກາດ ແຕ່ເວລາ 07...