4 ເດືອນທົ່ວປະເທດມີຜູ້ເສຍຊີວິດ 384 ຄົນ ຍ້ອນອຸບັດເຫດ
ປະຈຸບັນນີ້ ຖືວ່າເສດຖະກິດຢູ່ສປປ ລາວ ແມ່ນມີການເຕີບໃຫຍ່ຂະຫຍາຍຕົວສູງ
ເຮັດໃຫ້ປະຊາຊົນມີເງິນຫຼາຍຂຶ້ນ ແລະ ໜຶ່ງບັນຫາທີ່ຕາມມາຄື: ເກີດມີພາຫະນະເພີ່ມຂຶ້ນຢ່າງຫຼວງຫຼາຍ
ສົ່ງຜົນເຮັດໃຫ້ການເກີດອຸບັດເຫດມີທ່າອຽງສູງພຽງ 4 ເດືອນຂອງປີ 2014 ໃນທົ່ວປະເທດ
ມີຄົນເສຍຊີວິດແລ້ວ 384 ຄົນ ຍ້ອນອຸບັດເຫດ ຊຶ່ງສາເຫດສ່ວນໃຫຍ່ເກີດຈາກການດື່ມສິ່ງມືດເມົາແລ້ວຂັບ
ຮອງລົງມາແມ່ນບໍ່ປະຕິບັດກົດລະບຽບ ໃນນີ້ແມ່ນນະຄອນຫຼວງວຽງຈັນຕິດສະຖິຕິສູງສຸດ.
ອີງຕາມຂໍ້ມູນຈາກກົມຕຳຫຼວດຈະລາຈອນໃຫ້ຮູ້ວ່າ: ພຽງ 4 ເດືອນຕົ້ນປີ 2014
ໃນທົ່ວປະເທດມີອຸບັດເຫດເກີດຂຶ້ນທັງໝົດ 2214 ຄັ້ງ, ມີພາຫະນະເປ່ເພເລັກນ້ອຍ 1961 ຄັນ,
ສົມຄວນ 1842 ຄັນ, ໃຊ້ການບໍ່ໄດ້ 154 ຄັນ, ຄົນໄດ້ຮັບບາດເຈັບເລັກນ້ອຍ 1881 ຄົນ,
ສົມ¬ຄວນ 1351 ຄົນ, ສາ¬ຫັດ 475 ຄົນ ແລະ ມີຜູ້ເສຍຊີ¬ວິດເຖິງ 384 ຄົນ.
ສາເຫດສ່ວນໃຫຍ່ຂອງການເກີດອຸບັດເຫດ ແມ່ນເກີດມາຈາກການດື່ມສິ່ງມຶນເມົາແລ້ວຂັບຂີ່ລົດ
ບໍ່ປະຕິບັດກົດລະບຽບຈະລາຈອນ ແລະ ຂັບຂີ່ດ້ວຍຄວາມປະໝາດ.
ສຳລັບສະຖິຕິອຸບັດເຫດເກີດຂຶ້ນ ຫຼາຍກວ່າໝູ່ແມ່ນຢູ່ນະຄອນຫຼວງວຽງຈັນ ຮອງລົງມາແຂວງສະຫວັນນະເຂດ,
ຫຼວງພະບາງ, ຈຳປາສັກ, ອຸດົມໄຊ ຕາມລຳດັບ.
Credit ຮູບພາບ: ໜ່ວຍກູ້ໄພມູນນິທິຊ່ວຍເຫຼືອຄົນທຸກຢາກແຫ່ງ ສປປ ລາວ
