ໃນວັນທີ 8/4/2016 ເວລາປະມານ 22:00 ໂມງ  ເກີດເຫດພາຍຸລົມແຮງ ຢູ່ປະມານ 5-10 ນາທີ ໃນເຂດບໍລິເວນເມືອງປາກຊັນ, ແຂວງບໍລິຄຳໄຊ ເຂດບ້ານສີສະອາດ ຫລັກ 4 ເຮັດໃຫ້ຕົ້ນໄມ້ໃຫຍ່ຫັກ, ເສົາໄຟຟ້າຫັກຫຼາຍຕົ້ນ ສາຍໄຟຟ້າຂາດ ແລະ ມີອາຄານໂຮງຮຽນ ປະຖົມ.ມັດທະຍົມ ສີທະນາໄຊ, ໂຮງຮຽນນອກລະບົບ ເຮືອນຊານບ້ານຊ່ອງຫລາຍຄອບຄົວ ເສຍຫາຍເປເພ ພາຍຸຍັງໄດ້ເຮັດໃຫ້ບ້ານເຮືອນຈຳນວນໜຶ່ງຢູ່ເຂດນອກເທດສະບານເມືອງອີກຈຳນວນຫນຶ່ງມີຜົນກະທົບຫຼາຍສົມຄວນ.

ຕາມການລາຍງານຂອງນັກຂ່າວຊາວບ້ານ ບໍ່ໄດ້ມີການເປີດເຜີຍວ່າ ມີປະຊາຊົນໄດ້ຮັບບາດເຈັບ ຫຼື ເສຍຊີວິດ ໃນເຫດການຄັ້ງນີ້ ສ່ວນມູນຄ່າຄວາມເສຍຫາຍໃນຄັ້ງນີ້ແມ່ນຍັງບໍ່ທັນໄດ້ຮັບການເປີດເຜີຍເທື່ອ.

ດັ່ງນັ້ນ ທຸກຄົນຄວນມີສະຕິ ໃນການຫຼິ້ນບຸນປີໃໝ່ ເພາະຍາມນີ້ແມ່ນລະດູຮ້ອນ ມັກເກີດພາຍຸລະດູຮ້ອນຂຶ້ນຫຼາຍແຫ່ງ ແລະ ບໍ່ຮູ້ວ່າມັນຈະເກີດຂຶ້ນເມື່ອໃດ ໃນຂົງເຂດໃດ ສະນັ້ນພວກເຮົາທຸກຄົນຕ້ອງມີສະຕິລະວັງຕົວທຸກເວລາ.