ຕະຫຼອດໄລຍະທີ່ຜ່ານມາພາກລັດກໍຄືລັດຖະບານຂອງ ສປປ ລາວ ຍາມໃດກໍໄດ້ໃຫ້ຄວາມສຳ ຄັນໃນທຸກໆຂົງເຂດວຽກງານ,ໂດຍສະເພາະແມ່ນຕໍ່ການພັດທະນາເສດຖະກິດ-ສັງຄົມ
ເພື່ອໃຫ້ມີ ບາດກ້າວການຂະຫຍາຍຕົວ ແລະໄປຕາມກົນໄກຍຸດທະສາດການ ພັດທະນາຕະຫຼາດຂອງລາວ ເພື່ອ ໃຫ້ແທດເໝາະກັບຕະຫຼາດຢູ່ໃນ ພາກພື້ນ ແລະສາກົນ.
ຍຸດທະສາດພັດທະນາການຕະ ຫຼາດສີນຄ້າທີ່ຜະລິດໃນ ສປປ ລາວ ແມ່ນໄດ້ວາງບາງວິໄສທັດຄືຄັດ ເລືອກຕະຫຼາດສິນຄ້າທີ່ເໝາະສົມ ກັບຈຸດພິເສດ, ທ່າໄດ້ປຽບໄລຍະ ຍາວ ຊຶ່ງນິດໄສໃຈຄໍຄວາມຮູ້ຄວາມ ສາມາດຂອງຄົນໃນຊາດແລ້ວ ປ່ຽນພຶດຕິກຳຂອງເຂົາເຈົ້າໃຫ້ດຳ ເນີນທຸລະກິດໄປຕາມກົນໄກເສດ ຖະກິດຕະຫຼາດຊຶ່ງກົນໄກນີ້ຕ້ອງ ພິສູດໃຫ້ເຫັນວ່າແມ່ນເປັນຊ່ອງ ທາງດຽວທີ່ຈະເຮັດໃຫ້ເຂົາພົ້ນ ອອກຈາກຄວາມທຸກຍາກໄດ້.
ອີງຕາມຂໍ້ມູນຂອງກົມສົ່ງເສີມ ການຜະລິດ ແລະການຄ້າ (ກະຊວງອຸດສາຫະກຳ ແລະການຄ້າ)ໃຫ້ຮູ້ວ່າ: ໂດຍທົ່ວໄປແລ້ວຄົນ ສ່ວນໃຫຍ່ແມ່ນຍັງເຂົ້າໃຈແຕ່ຕະ ຫຼາດຊື້-ຂາຍສີນຄ້າເທົ່ານັ້ນ, ແຕ່ ຍັງບໍ່ທັນຄົ້ນຄວ້າຮູ້ຕະຫຼາດການບໍ ລິການຢ່າງເລິກເຊິ່ງເທື່ອໃນຍຸດ ທະສາດການຕະຫຼາດ, ໂດຍສະ ເພາະຕະຫຼາດສິນຄ້າພາຍໃນ ແລະ ຕ່າງປະເທດໂດຍອີງໃສ່ທີ່ຕັ້ງ ແລະຈຸດພິເສດຂອງ ສປປ ລາວ ແລະທ່າ ແຮງໄດ້ປ່ຽບໃນນັ້ນແມ່ນໄດ້ເນັ້ນ ໜັກໃຫ້ເອົາໃຈໃສ່ຄວາມຕ້ອງການຂອງຕະຫຼາດແຕ່ລະແຫ່ງ ເປັນຈຸດລິເລີ່ມຂອງການຜະລິດ ສິນຄ້າໂດຍມ້າງກົນໄກກີດຂວາງເພື່ອບັນລຸເປົ້າໝາຍການສົ່ງອອກ.
ແນວໃດກໍຕາມນັກທຸລະກິດ ກ່ອນຈະຜະລິດສິນຄ້າສົ່ງອອກໄປ ຕ່າງປະເທດໃດໜຶ່ງແມ່ນມີຄວາມ ຈຳເປັນຕ້ອງໄດ້ສຶກສາຕະຫຼາດ ທີ່ຈະສົ່ງອອກໃຫ້ເລິກເຊິ່ງເສຍ ກ່ອນ, ຫຼີກເວັ້ນຄວາມສ່ຽງໃນທຳ ນອງທີ່ວ່າຜະລິດສີນຄ້າຕາມອັດຕະວິໄສຜູ້ຜະລິດສີນຄ້າເພື່ອສົ່ງອອກຕ້ອງຕັດຄວາມຢາກໄດ້ສ່ວນ ໜຶ່ງອອກໄປບໍ່ຄວນໄປຮັບປາກ ຫຼື ເຊັນສັນຍາເກີນຄວາມສາມາດ ທີ່ຕົນຜະລິດໄດ້ ແລະກ່ອນຈະຊັນ ສັນຍາຕ້ອງເບິງຄວາມຈິງວ່າເຮົາ ຈະຢູ່ໃນລະດັບໃດຊຶ່ງອອກຫາຄູ່ຄ້າແມ່ນທັດສະນະໃໝ່ຂອງນັກທຸ ລະກິດຕ້ອງປະລະແນວຄວາມຄິດເກົ່າທີ່ລໍຖ້ານັກລົງທຶນ ຫຼື ລູກຄ້າ ມາຫາຕົນ, ຍຸດທະສາດແລະການຕະຫຼາດແມ່ນເປັນອົງປະກອບໜຶ່ງທີ່ສຳຄັນ ຂອງການດຳເນີນທຸລະກິດ ແລະ ຕົວຂັບເຄື່ອນຕະຫຼາດຂາຍຜະລິດ ຕະພັນໃຫ້ຂະຫຍາຍຕົວ ຊຶ່ງນັກການ ຕະຫຼາດແລະນັກທຸລະກິດຕ້ອງໄດ້ ສຶກສາທາງດ້ານວັດທະນະທຳ ການດຳລົງຊີວິດ, ວ່າເປົ້າໝາຍທີ່ ຈະສົ່ງສິນຄ້າໄປມີຄວາມຕ້ອງ ການສິນຄ້າປະເພດໃດນຳມາຄົ້ນ ຄວ້າເພື່ອສ້າງຜະລິດຕະພັນທີ່ ເໝາະສົມກັບເຂົາເຈົ້າກ່ອນສົ່ງ ອອກຈິ່ງມີຜົນດີໃຫ້ທຸລະກິດ.
