spot_img
Homeຂ່າວການພັດທະນາເຊື່ອມຕໍ່ແຜ່ນດິນສອງຝັ່ງ ໂຄງການກໍ່ສ້າງຂົວຂ້າມນ້ຳງື່ມ

ເຊື່ອມຕໍ່ແຜ່ນດິນສອງຝັ່ງ ໂຄງການກໍ່ສ້າງຂົວຂ້າມນ້ຳງື່ມ

Published on

ເຊື່ອມຕໍ່ແຜ່ນດິນສອງຝັ່ງ ໂຄງການກໍ່ສ້າງຂົວຂ້າມນ້ຳງື່ມ
ເຊື່ອມຕໍ່ແຜ່ນດິນສອງຝັ່ງ ໂຄງການກໍ່ສ້າງຂົວຂ້າມນ້ຳງື່ມ

ພິທີ​ເທ​ເບ​ຕົງ​ເພື່ອ​ເຊື່ອມ​ຕໍ່​ແຜ່ນດິນ​ສອງ​ຝັ່ງ ຂອງ​ໂຄງການ​ກໍ່ສ້າງ​ຂົວ​ຂ້າມ​ນ້ຳ​ງື່ມ ຈຸດ​ບ້ານ​ເມືອງເກົ່າ-ປາກ​ກະ​ຍຸງ ເມືອງ​ວຽງ​ຄຳ ແຂວງ​ວຽງ​ຈັນ ໄດ້​ມີ​ຂຶ້ນ​ວັນ​ທີ 2 ພຶດສະພາ 2014 ຢູ່​ບໍລິເວນ​ກາງ​ຂົວ​ດັ່ງກ່າວ ໂດຍ​ມີ​ທ່ານ ສົມ​ສະຫວາດ ເລັ່ງ​ສະ​ຫວັດ ຮອງ​ນາຍົກລັດຖະມົນຕີ ຜູ້​ຊີ້​ນຳ​ວຽກ​ງານ​ເສດຖະກິດ ພ້ອມ​ດ້ວຍ​ບັນດາ​ລັດຖະມົນຕີ ຄະນະ​ນຳ​ແຂວງ​ວຽງ​ຈັນ ແລະ ແຂກ​ຖືກ​ເຊີນ​ເຂົ້າ​ຮ່ວມ.

ທ່ານ ພຸດ​ສະ​ດຸ ອິນ​ທະ​ວົງ ປະທານ​ກຸ່ມ​ບໍລິສັດ​ມາລີ​ນີ (ຜູ້​ລົງທຶນ​ກໍ່ສ້າງ​ຂົວ​ດັ່ງກ່າວ) ໄດ້​ກ່າວ​ວ່າ: ຂົວ​ແຫ່ງ​ນີ້​ໄດ້​ລົງມື​ກໍ່ສ້າງ​ໃນ​ຕົ້ນ​ປີ 2012 ໂດຍ​ໄດ້​ວ່າ​ຈ້າງ​ບໍລິສັດ​ຈາກ​ຕ່າງປະເທດ​ເຂົ້າ​ລົງມື​ກໍ່ສ້າງ ໃນ​ນີ້ ບໍລິສັດ​ຈາກ​ຫວຽດນາມ​ຮັບຜິດຊອບ​ແຕ່​ເສົາ​ເຂັມ ຂຶ້ນ​ມາ​ຮອດ​ໝອນ​ຮອງ​ຂາງ​ຂົວ ບໍລິສັດ​ຈາກ​ໄທ​ເປັນ​ຜູ້​ຜະລິດ​ຂາງ ບໍລິສັດ​ຈາກ​ຈີນ​ຮັບຜິດຊອບ​ໂຄງ​ເຫຼັກ ສ່ວນ​ເທ​ໜ້າ​ຂົວ​ແມ່ນ​ບໍລິສັດ​ລາວ ຈາກ​ນັ້ນ ໂຄງການ​ກໍ່​ໄດ້​ດຳເນີນ​ກໍ່ສ້າງ​ມາ​ເປັນ​ປົກກະຕິ ຈົນ​ມາ​ຮອດ​ມື້ນີ້ ເຫັນ​ວ່າ​ໂຄງການ​ມີ​ຄວາມ​ຫຼ້າ​ຊ້າ​ໄປ 4 ເດືອນ ປັດຈຸບັນ​ໜ້າ​ວຽກ​ໃນ​ການ​ກໍ່ສ້າງ​ແມ່ນ​ສຳເລັດ​ໂດຍ​ສ່ວນ​ໃຫຍ່ ສ່ວນ​ວຽກ​ທີ່​ຍັງ​ຄ້າງ​ມີ​ທາງ​ຍ່າງ ເສົາ​ໄຟຟ້າ ການ​ປະດັບ​ປະດາ ເທ​ທາງ​ເຂົ້າ​ຂົວ​ເບື້ອງ​ບ້ານ​ເມືອງເກົ່າ ຄາດ​ວ່າ​ອີກ​ປະມານ 1 ເດືອນ​ກວ່າ ຂົວ​ແຫ່ງ​ນີ້​ຈະ​ສຳເລັດ​ສົມບູນ 100% ແລະ ຈະ​ມີ​ການ​ເປີດ​ທົດ​ລອງ​ນຳ​ໃຊ້ 15 ວັນ ໂດຍ​ບໍ່​ເສຍ​ຄ່າ​ຜ່ານ​ຂົວ.

ຂົວ​ຂ້າມ​ນ້ຳ​ງື່ມ ເມືອງເກົ່າ-ປາກ​ກະ​ຍຸງ ເປັນ​ຂົວ​ຂ້າມ​ນ້ຳ​ງື່ມ​ແຫ່ງ​ທີ​ສອງ​ຂອງ​ແຂວງ​ວຽງ​ຈັນ ຖັດ​ຈາກ​ຂົວ​ຂ້າມ​ນ້ຳ​ງື່ມ​ຈຸດ​ທ່າ​ລາດ ເມືອງ​ແກ້ວ​ອຸດົມ ເຊິ່ງ​ຂົວ​ຂ້າມ​ນ້ຳ​ງື່ມ​ຈຸດ​ບ້ານ​ເມືອງເກົ່າ-ປາກ​ກະ​ຍຸງ​ນີ້ ຖືກ​ອອກ​ແບບ​ກໍ່ສ້າງ​ຕາມ​ມາດຖານ​ເຕັກນິກ​ຂອງ​ກະຊວງ​ໂຍທາ​ທິ​ການ ແລະ ຂົນສົ່ງ ມີ​ເສົາ 8 ຕົ້ນ ແບ່ງ​ອອກ​ເປັນ 7 ໄລຍະ 6 ໄລຍະ​ຂອບ​ຍາວ​ເທົ່າ​ກັນ ໄລຍະ​ລະ 33 ແມັດ ແລະ ໄລຍະ​ກາງ​ເຄິ່ງ​ທີ່​ເປັນ​ຂາງ​ເຫຼັກ ຍາວ 66 ແມັດ ລວງ​ກວ້າງ​ທັງ​ໝົດ 11 ແມັດ ທາງ​ລົດ​ແລ່ນ 8 ແມັດ ມີ​ສອງ​ຊ່ອງ​ຈະລາຈອນ ພ້ອມ​ທາງ​ຄົນ​ຍ່າງ​ເບື້ອງ​ລະ 1,5 ແມັດ ມູນ​ຄ່າ​ການ​ກໍ່ສ້າງ 16,8 ລ້ານ​ໂດ​ລາ​ສະຫະລັດ ຫຼື ປະມານ 134,9 ຕື້​ກີບ ໂດຍ​ແມ່ນ​ກຸ່ມ​ບໍລິສັດ​ມາລີ​ນີ ເປັນ​ຜູ້​ລົງທຶນ​ໃນ​ຮູບ​ແບບ​ກໍ່ສ້າງ​ສຳ​ປະທານ ແລະ ມອບ​ໂອນ ເຊິ່ງ​ມີ​ໄລຍະ​ສຳ​ປະທານ 38 ປີ.

ທີ່ມາ http://www.vientianemai.net/teen/khao/1/11712

 

ບົດຄວາມຫຼ້າສຸດ

ພົບກັບຂໍ້ສະເໜີພິເສດທີ່ສຸດແຫ່ງປີ! ກັບ TOYOTA BIG DEAL

ພົບກັບຂໍ້ສະເໜີພິເສດທີ່ສຸດແຫ່ງປີ! ພຽງແຕ່ທ່ານຈອງລົດພາຍໃນເດືອນມີນາ 2025 ຮັບທັນທີ ຄັນຮົ່ມສຸດພຣີມຽມຈາກ ໂຕໂຢຕ້າ ລາວ. ພ້ອມດຽວກັນນັ້ນ, ຖ້າທ່ານອອກລົດຕັ້ງແຕ່ວັນທີ 1 ມີນາ ຫາ 30 ມິຖຸນາ 2025...

ຂໍຂອບໃຈ! ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ

ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ ວັນທີ 25 ກຸມພາ 2025, ອົງການຮ່ວມມືສາກົນຍີ່ປຸ່ນ ໄດ້ລົງນາມໃນສັນຍາຊ່ວຍເຫຼືອລ້າໃຫ້ແກ່ລັດຖະບານລາວ ຈຳນວນ 1.27 ຕື້ເຢນ...

ຊາວໜຸ່ມ ກະຊວງ ປກສ ຄວ້າແຊ້ມກິລາບານເຕະ Lao Youth Union Cup ປະຈຳປີ 2024

ກະຊວງ ປກສ ຄວ້າແຊ້ມບານເຕະ Lao Youth Union Cup ປະຈຳປີ 2024 ໄດ້ສຳເລັດ ການແຂ່ງຂັນກິລາບານເຕະ ຊີງຂັນ ສະຫາຍ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ...

ສູນການສຶກສາແອວແອສ ລົງນາມເຊັນສັນຍາ ກັບສະຖາບັນ PSB ຂອງສິງກະໂປ ແລະ ການຮ່ວມມືກັບ (GEA)

ສູນການສຶກສາແອວແອສ (LS Education): ຜູ້ນຳດ້ານຄວາມເປັນເລີດທາງການສຶກສາໃນລາວ ແລະ ທົ່ວໂລກ ໃນຊຸມປີມໍ່ໆມານີ້, ປະເທດລາວເຫັນໄດ້ວ່າມີຄວາມຕ້ອງການການສຶກສາທີ່ມີຄຸນນະພາບໄດ້ຕາມມາດຕະຖານສາກົນນັບມື້ນັບເພີ່ມຂຶ້ນ. ຢູ່ແຖວໜ້າຂອງການຫັນປ່ຽນນີ້ແມ່ນ ສູນການສຶກສາແອວແອສ. ເນື່ອງຈາກເປັນສູນການສຶກສາຊັ້ນນຳທີ່ມຸ້ງໝັ້ນໃນການຍົກລະດັບການຮຽນຮູ້ໃນລາວ. ດ້ວຍວິໄສທັດທີ່ຈະສົ່ງເສີມໃຫ້ນັກຮຽນມີສັກະຍະພາບ ແລະ ໂອກາດທີ່ໄດ້ຮັບການຍອມຮັບໃນທົ່ວໂລກ, ສູນການສຶກສາແອວແອສ...