ທ່ານ ຄຳແພງ ໄຊສົມແພງ ລັດຖະມົນຕີວ່າການກະຊວງແຮງງານແລະສະຫວັດດີການສັງຄົມ ໃຫ້ຮູ້ວ່າ: ແຜນການພັດທະນາດ້ານ
ແຮງງານໃນຊ່ວງປີ 2016-2020 ທີ່ລັດຖະບານລາວ ໄດ້ໃຫ້ຄວາມ ສຳຄັນເປັນພິເສດກໍຄືການພັດທະນາຫຼັກສູດ ແລະການຝຶກອົບຮົມ ເພື່ອເພີ່ມຈຳນວນແຮງງານທີ່ມີສີ ມືໃຫ້ໄດ້ຫຼາຍກວ່າ 6 ແສນຄົນ ໂດຍມີເປົ້າໝາຍເພື່ອຕອບສະ ໜອງແຮງງານທີ່ມີຄຸນນະພາບ ໃຫ້ແກ່ບັນດາບໍລິສັດຕ່າງຊາດທີ່ລົງທຶນຢູ່ໃນລາວໃຫ້ໄດ້ຢ່າງສອດ ຄ່ອງ ແລະພຽງພໍກັບຄວາມຕ້ອງການທີ່ເປັນຈິງ.
ພ້ອມກັນນີ້ ລັດຖະບານລາວ ຍັງໄດ້ວາງເປົ້າໝາຍ ທີ່ຈະສ້າງ ມາດຕະຖານສີມືແຮງງານໃໝ່ໃຫ້ ໄດ້ໃນ 25 ສາຂາອາຊີບດຳເນີນ ການທົດສອບ ແລະ ອອກໃບຢັ້ງ ຢືນມາດຕະຖານສີມືແຮງງານ 27 ສາຂາອາຊີບໃຫ້ກັບແຮງງານ ລາວຈຳນວນ 12.500 ຄົນ ທີ່ມີ ລະດັບສີມືແຮງງານ ທີ່ໄດ້ມາດຕະ ຖານ ແລະສາມາດໄປທຳງານໄດ້ ໃນທຸກປະເທດໃນກຸ່ມອາຊຽນ ດ້ວຍກັນ.
ແຕ່ຢ່າງໃດກໍຕາມ ທ່ານ ສົມ ພຽນ ໄຊຍະເດດ ຮອງປະທານສະ ມາຄົມອຸດສາຫະກຳຕັດຫຍິບລາວ ຍອມຮັບວ່າການຂາດແຄນແຮງ ງານທີ່ມີສີມືກຳລັງເປັນບັນຫາ ແລະເປັນອຸປະສັກສຳຄັນຕໍ່ການ ພັດທະນາ ອຸດສາຫະກຳການຜະ ລິດເສື້ອຜ້າສຳເລັດຮູບໃນລາວ ຊຶ່ງຈະເຫັນໄດ້ຈາກຈຳນວນໂຮງ ງານຕັດຫຍິບທີ່ຫຼຸດລົງຈາກ 110 ໂຮງງານໃນເດືອນກຸມພາ 2015 ມາເປັນ 99 ໂຮງງານໃນ ປະຈຸ ບັນ, ທັງນີ້ ໂດຍຄາດໝາຍວ່າບັນ ດາໂຮງງານຕັດຫຍິບໃນລາວມີ ຄວາມຕ້ອງການແຮງງານທີ່ມີສີ ມືເກີນກວ່າ 60 ພັນຄົນ ໃນໄລຍະນີ້ ຈົນເຖິງປີ 2017 ແຕ່ໃນຄວາມເປັນຈິງ ກໍປາກົດວ່າຢູ່ໃນລາວມີ ແຮງງານທີ່ສະໜອງໄດ້ພຽງແຕ່ 31 ພັນກວ່າຄົນເທົ່ານັ້ນ, ດ້ວຍສະ ພາບການດັ່ງກ່າວນີ້ແມ່ນເຮັດໃຫ້ມູນຄ່າການສົ່ງອອກຜະລິດຕະພັນ ເສື້ອຜ້າສຳເລັດຮູບຂອງລາວລົດ ຈາກຫຼາຍກວ່າ 201 ລ້ານໂດລາ ໃນປີ 2013 ລົງມາເປັນ 186 ລ້ານໂດລາ ໃນປີ 2014 ແລະຄາດວ່າຈະລົດລົງອີກໃນປີ 2015.
ທ່ານ ນາງ ສຸວັນແພງ ບຸບຜາ ນຸວົງ ຫົວໜ້າຄະນະກຳມາທິການ ເສດຖະກິດແຜນການ ແລະການລົງທຶນໄດ້ໃຫ້ການຍອມຮັບວ່າ ການພັດທະນາດ້ານສີມືແຮງ ງານໃນລາວທີ່ບໍ່ມີປະສິດທິພາບ ກໍຄືສາເຫດສຳຄັນທີ່ເຮັດໃຫ້ເກີດ ບັນຫາຂາດແຄນແຮງງານມີສີມື ໃນລາວດັ່ງທີ່ທ່ານນາງຢືນຢັນ ວ່າ: ຄືດັ່ງພວກເຮົາໄດ້ຮູ້ນຳກັນ ແລ້ວວ່າໃນຊຸມປີຜ່ານມາໂຄງ ການລົງທຶນເພື່ອການພັດທະນາ ເສດຖະກິດສັງຄົມຂອງປະເທດ ຊາດຂອງພວກເຮົານີ້ ໃນທຸກລະ ດັບ ແມ່ນນັບມື້ນັບເພີ່ມຂຶ້ນເລື້ອຍໆ ແຕ່ຄວາມສາມາດໃນການສ້າງ ພັດທະນາສີມືແຮງງານ ແລະ ຄວາມສາມາດຕອບສະໜອງກຳ ລັງແຮງງານ ໂດຍສະເພາະແມ່ນ ແຮງງານທີ່ມີສີມືໃຫ້ແກ່ຕະຫຼາດ ແຮງງານ ຍັງບໍ່ທັນພຽງພໍກັບ ຄວາມຕ້ອງການ ຈິ່ງເຮັດໃຫ້ເກີດ ມີສະພາບຂາດແຄນແຮງງານ, ໂດຍໃນໄລຍະທີ່ຜ່ານມາບັນດາ ບໍລິສັດຕ່າງຊາດ ທີ່ລົງທຶນໃນລາວ ໄດ້ນຳເຂົ້າແຮງງານທີ່ມີສີມືຈາກ ຕ່າງປະເທດແລ້ວ 50 ພັນກວ່າຄົນ ຈິ່ງຈະພຽງພໍກັບຄວາມຕ້ອງການ ທີ່ເປັນຈິງໃນປະຈຸບັນ.
ນອກຈາກນີ້ ແຮງງານລາວ ສ່ວນຫຼາຍເປັນແຮງງານທີ່ບໍ່ມີສີ ມື ແລະກໍຍັງເປັນເງື່ອນໄຂທີ່ເຮັດ ໃຫ້ມີການເອົາລັດເອົາປຽບແຮງ ງານ ໂດຍບັນດານາຍຈ້າງທັງທີ່ ເປັນຄົນລາວ ແລະຕ່າງຊາດ ໂດຍ ເຖິງແມ່ນວ່າລັດຖະບານລາວຈະ ໄດ້ອະນຸມັດໃຫ້ປັບຂຶ້ນອັດຕາຄ່າ ຈ້າງຂັ້ນຕ່ຳສຳລັບຜູ້ອອກແຮງ ງານໃນລາວ ແລະມີຜົນບັງຄັບນັບ ແຕ່ວັນທີ 1 ເມສາ 2015 ເປັນຕົ້ນ ມາ ຊຶ່ງກໍເຮັດໃຫ້ອັດຕາຄ່າຈ້າງ ຂັ້ນຕ່ຳປັບຂຶ້ນຈາກ 6,26 ແສນ ກີບ ເປັນ 9 ແສນກີບຕໍ່ເດືອນແຕ່ວ່າ ອັດຕາລາຄາຈ້າງຂັ້ນຕ່ຳດັ່ງກ່າວ ນີ້ກໍບໍ່ມີຜົນບັງຄັບໃຊ້ກັບລູກຈ້າງ ຂອງພາກສ່ວນທີ່ເປັນຄູ່ສັນຍາກັບ ລັດຖະບານລາວແຕ່ຢ່າງໃດ.
ແຫລ່ງຂ່າວຈາກ: ເສດຖະກິດສັງຄົມ