spot_img
Homeຂ່າວການພັດທະນາສປປ ລາວ ຫັນຈາກປະເທດ ບໍ່ມີຊາຍແດນຕິດທະເລ ເປັນປະເທດບໍລິການທາງຜ່ານ ໃນພາກພື້ນ!

ສປປ ລາວ ຫັນຈາກປະເທດ ບໍ່ມີຊາຍແດນຕິດທະເລ ເປັນປະເທດບໍລິການທາງຜ່ານ ໃນພາກພື້ນ!

Published on

ຂປລ. ສປປ ລາວ ຫັນຈາກການເປັນປະເທດ ບໍ່ມີຊາຍແດນຕິດກັບທະເລ ໃຫ້ກາຍເປັນປະເທດ ບໍລິການທາງຜ່ານໃນພາກພື້ນ ໂດຍການເຊື່ອມຕໍ່ ການຄົມມະນາຄົມ-ຂົນສົ່ງຂອງລາວ ກັບບັນດາ ປະເທດເພື່ອນບ້ານ ເຊິ່ງປະຈຸບັນ ສປປ ລາວ ໄດ້ລົງນາມ ໃນສັນຍາຂົນສົ່ງ ສອງຝ່າຍ ແລະ ຫລາຍຝ່າຍ ກັບເກືອບໝົດທຸກປະເທດໃກ້ຄຽງແລ້ວ. ພ້ອມ​ໄດ້​ກຳ­ນົດ​ເອົາ 9 ຈຸດທົ່ວ​ປະ­ເທດ ເປັນ​ເຂດ​ໂລ​ຈິສຕິກສາ­ກົນ ເພື່ອເປັນ​ບ່ອນ​ເຕົ້າ­ໂຮມ ແລະ ​ ແຈກ​ຢາຍສິນ­ຄ້າ ​​ເຮັດໃຫ້​ເກີດ​ມີ​ການ​ຂົນ­ສົ່ງທີ່ມີລາ­ຄາ​ຖືກ​ລົງ, ຜູ້ຊື້ໄດ້​ຮັບ​ສິນ­ຄ້າຖືກຕ້ອງ ຕາມກຳນົດເວລາ, ສ້າງ​ຄວາມ​ເຂັ້ມແຂງ​ ໃຫ້​ກຳລັງການ​ຂົນ­ສົ່ງ​ຂອງ​ລາວ​ ສາ­ມາດ​ແຂ່ງ­ຂັນກັບ​ສາ­ກົນ​ໄດ້​ໃນ­ຕໍ່­ໜ້າ.

​ຂໍ້​ມູນ​ຈາກ​ ກະຊວງ​ໂຍທາ​ທິການ ​ແລະ ຂົນ​ສົ່ງ ​ໃຫ້​ຮູ້​ວ່າ: ກະຊວງ ຍທຂ ​ໄດ້​ຮ່າງ​ຍຸດ​ທະ​ສາດ​ການ​ພັດ­ທະນາ​ ໂລ​ຈິ​ສ​ຕິກ​ ການ​ຂົນ­ສົ່ງ​ສິນ­ຄ້າ ແລະ ​ໄດ້ຖືກ​ຮັບ­ຮອງ​ຈາກ​ລັດ­ຖະ­ບານ ໃນ​ປີ 2015 ພ້ອມ​ທັງ​ ໄດ້​ເຂົ້າ​ເປັນ​ພາ­ຄີ​ສົນທິສັນ­ຍາ​ ສະ­ຫະ​ປະ­ຊາ​ຊາດ ວ່າ​ດ້ວຍ​ທ່າ​ບົກ (Dry Port) ​ເຊິ່ງ ສປປ ລາວ ໄດ້​ກຳນົດ​ເອົາ 9 ຈຸດ ​ທີ່​ເປັນ​ເຂດ​ໂລ​ຈິ​ສ​ຕິກ​ສາກົນ​ ຄື: ​ຫ້ວຍ​ຊາຍ ແຂວງບໍ່ແກ້ວ, ນາ​ເຕີຍ ແຂວງຫລວງນໍ້າທາ, ເມືອງ​ໄຊ ແຂວງອຸດົມໄຊ, ແຂວງຫລວງ​ພະ​ບາງ,  ທ່າ​ນາ​ແລ້ງ ນະຄອນຫລວງວຽງຈັນ, ຫລັກ​ຊາວ ແຂວງບໍລິຄຳໄຊ, ທ່າ​ແຂກ ແຂວງຄຳມ່ວນ, ເຊໂນ ແຂວງສະ­ຫວັນ​ນະ​ເຂດ ແລະ ວັງເຕົ່າ ແຂວງຈຳ­ປາ​ສັກ. ໃນ​ນັ້ນມີ​ 2 ຈຸດ ​ທີ່​ພວມ​ຈັດ​ຕັ້ງ​ປະ­ຕິ­ບັດຄື ທ່າ​ນາ​ແລ້ງກຳ­ລັງ​ເຈລະ­ຈາ​ຮ່ວມ​ທຶນກັບ​ຍີ່­ປຸ່ນ​ ແລະ​ ສະຫວັນ​ນະ​ເຂດ​ ທີ່​ເປີດ​ບໍ­ລິ­ການ​ແລ້ວ ​ເມື່ອ​ບໍ່​ດົນ​ມາ​ນີ້.

ໂດຍ​ເຫັນ​ໄດ້​ຄວາມ​ສຳ­ຄັນ ທາງ​ດ້ານ​ທີ່​ຕັ້ງ​ຍຸດ​ທະ​ສາດຂອງ​ປະເທດ, ພັກ ແລະ ​ລັດ​ ໄດ້​ວາງ​ຍຸດ​ທະ​ສາດ​ຫັນ​ເອົາ ສປປ ລາວ ທີ່​ບໍ່​ມີ​ຊາຍ​ແດນ​ຕິດ​ກັບ​ທະ­ເລ ໃຫ້​ກາຍ­ເປັນ​ປະ­ເທດ​ບໍ­ລິ­ການ​ທາງ​ຜ່ານ​ ດ້ານ​ຄົມ­ມະ­ນາ­ຄົມຂົນ­ສົ່ງ (Transit Services) ຫລື ກາຍ­ເປັນ ​ສູນ​ກາງ ​ການບໍ­ລິ­ການ​ ພະ­ລາ­ທິ­ການ​ຂົນ­ສົ່ງ (Logistics Hub) ຂອງ​ພາກ​ພື້ນ. ສະ­ນັ້ນ, ລັດຖະ​ບານຈຶ່ງ​ໄດ້​ໃຊ້​ງົບ­ປະ­ມານຈຳ­ນວນມະ­ຫາ­ສານ​ ເຂົ້າ​ໃນ​ການ​ພັດ­ທະ­ນາ ແລະ ປັບ­ປຸງ​ ໂຄງ​ລ່າງ​ຄົມ­ມະນາ­ຄົມ-ຂົນ­ສົ່ງ ເພື່ອ​ເຊື່ອມ​ຈອດ​ກັບ​ບັນ­ດາ​ປະ­ເທດ​ອ້ອມ​ຂ້າງ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...