ຫຼັງຈາກທີ່ຍັກໃຫຍ່ທັງສອງບໍລິສັດ Nokia ແລະ Microsoft ສາມາດປິດດີວຂໍ້ສະເໜີເຂົ້າຊື້ກິດຈະການຜະລິດໂທລະສັບມືຖືໄດ້ດ້ວຍມູນຄ່າ 7.5 ພັນລ້ານຫຼຽນສະຫະລັດ ເຊິ່ງຫຼັງຈາກໄດ້ດຳເນີນການສົ່ງມອບທຸກຢ່າງໃນຊ່ວງອາທິດທີ່ຜ່ານມາ ກໍໄດ້ເຮັດໃຫ້ຂໍ້ຕົກລົງໃນການຮັບເງິນເດືອນໂບນັດຂອງອະດີດເຈົ້າໜ້າທີ່ປະທານບໍລິຫານ (CEO) Stephen Elop ນັ້ນເກີດຂື້ນຕາມຂໍ້ຕົກລົງ Golden Parachute
ເຮັດໃຫ້ເຂົາມີລາຍຮັບເພີ່ມຂື້ນເຖິງ 26 ລ້ານຫຼຽນສະຫະລັດ ໂດຍທາງ Microsoft ຈະເປັນຝ່າຍຮັບຜິດຊອບ 70% ຂອງວົງເງິນທັງໝົດ ແລະອີກ 30% ແມ່ນ Nokia ແລະເນື່ອງຈາກມູນຄ່າຂອງຮຸ້ນີ່ເພີ່ມຂື້ນເຮັດໃຫ້ເຂົາຈະໄດ້ເງິນເພີ່ມຂື້ນເປັນ 33 ລ້ານຫຼຽນສະຫະລັດ ເຊິ່ງຈະແບ່ງເປັນເງິນສົດຈຳນວນ 5.5 ລ້ານຫຼຽນສະຫະລັດແລະສິດໃນການຄອງຮຸ້ນຕ່າງໆ ໂດຍຫຼັງຈາກນີ້ນັ້ນ Elop ຈະເຂົ້າໄປຢູ່ໃນຕຳແໜ່ງຮອງປະທານຂອງຝ່າຍ Microsoft’s Devices and Services
ຖືໄດ້ວ່າ Stephen Elop ຖ້າຫາກບໍ່ເວົ້າຄຳວ່າລວຍຈັກຊິໃຫ້ເວົ້າຄຳໃດລະ (ຄົນຂຽນແອບຄິດໜ້ອຍໜຶ່ງຖ້າຫາກວ່າໄດ້ເງິນຈຳນວນນີ້ມາຈະເອົາມາເຮັດຫຍັງດີນໍ້ ^^ ຊາດນີ້ຄົງຈະເປັນໄປບໍ່ໄດ້ຕິເບາະ)
ສະຫຼຸບຂ່າວ
– Nokia ແລະ Microsoft ຕ້ອງຈ່າຍເງິນໃຫ້ກັບ Stephen Elop ຕາມຂໍ້ຕົກລົງ Golden Parachute
– Stephen Elop ໄດ້ຮັບເງິນທັງໝົດ 33 ລ້ານຫຼຽນສະຫະລັດ (ເງິນສົດ 5.5 ລ້ານ)
– Stephen Elop ເຂົ້າໄປເປັນຮອງປະທານຝ່າຍ Microsoft’s Devices and Services
ທີ່ມາ: phonearena