spot_img
Homeຂ່າວຕ່າງປະເທດອາຊີ​ໃຕ້​ສ່ຽງ​ພົບ​ກັບ​ໄພ ​ທຳ​ມະ​ຊາດ​ຫຼາຍ​ທີ່​ສຸດ

ອາຊີ​ໃຕ້​ສ່ຽງ​ພົບ​ກັບ​ໄພ ​ທຳ​ມະ​ຊາດ​ຫຼາຍ​ທີ່​ສຸດ

Published on

ດັດຊະນີ​ຄວາມ​ສ່ຽງ​ເປີດ​ເຜີຍ, ອິນ​ເດຍ, ບັງ​ກາ​ລາ​ເທດ ​ແລະ ປາ​ກິດ​ສະຖານ ຈັດ​ຢູ່​ໃນ 10 ປະ​ເທດ​ທີ່​ປະຊາກອນ​ສ່ຽງ​ຕໍ່​ການ​ປະສົບ​ໄພພິບັດ​ທາງ​ທຳ​ມະ​ຊາດ​ຫຼາຍ​ທີ່​ສຸດ.

   ຕາມ​ຂ່າວຕ່າງປະ​ເທດ​ລາຍ​ງານ​ວ່າ ​ເວຣິສ ​ເມ​ເປິ​ລຄອຟ ບໍລິສັດ​ວິ​ເຄາະ​ຄວາມ​ສ່ຽງ​ຈາກ​ອງັກິດ​ເປີດ​ເຜີຍ​ລາຍ​ງານກ່ຽວ​ກັບ​ຄວາມ​ສ່ຽງ​ຕໍ່​ຫາ​ຍະ​ນະ​ໄພ​ໃນ​ແຕ່ລະ​ປະ​ເທດ ​ແລະ ພາກ​ພື້ນ, 10 ປະ​ເທດ​ທີ່​ມີ​ຈຳ​ນວນ​ປະຊາກອນ​ສ່ຽງ​ຕໍ່​ການ​ປະ​ເຊີນ​ກັບ​ໄພພິບັດ​ທາງ​ທຳ​ມະ​ຊາດ​ຫຼາຍ​ທີ່​ສຸດ​ຄື: ອິນ​ເດຍ, ສປ ຈີນ, ອິນ​ໂດ​ເນ​ເຊຍ, ອາ​ເມ​ລິ​ກາ, ບັງ​ກາ​ລາ​ເທດ, ບຣາຊິນ, ປາ​ກິດ​ສະຖານ, ຍີ່ປຸ່ນ, ​​​ເມັກ​ຊິກ ​ແລະ ຟິລິບ​ປິນ ຊຶ່ງ​ຖ້າ​ຫາກ​ປຽບທຽບ​ເປັນ​ອັດຕາ​ສ່ວນ​ຂອງ​ປະຊາກອນ​ໃນ​ບັງ​ກາ​ລາ​ເທດ​ທົ່ວ​ປະ​ເທດ​ຈັດ​ຢູ່​ໃນ​ກຸ່ມ​ສ່ຽງ ຂະນະ​ທີ່​ປະຊາກອນ​ກຸ່ມ​ສ່ຽງ​ຂອງ​ອິນ​ເດຍຄິດ​ເປັນ 82% ​ແລະ ປາ​ກິດ​ສະຖານ 70%, ສ່ວນ​ການ​ປະ​ເມີນ​ລະດັບ​ຄວາມ​ເສຍ​ຫາຍ​ຕໍ່​ປະຊາກອນ​ກຸ່ມ​ປະ​ເທດ​ຊັບ-​ອາ​ຟຣິກາ​ຈັດ​ໃນ​ປະ​ເທດ​ທີ່​ບອບ​ບາງ​ທີ່​ສຸດ​ທັງ​ຊູ​ດັງ​ໃຕ້, ບຸຣຸນດີ, ຊາດ, ມາລີ ​ແລະ ກົງ​ໂກ ​ໂດຍ​ປັດ​ໄຈ​ໜຶ່ງ​ມາ​ຈາກ​ໄພ​ແຫ້ງ​ແລ້ງ ​ແລະ ສົງຄາມ. ດ້ານ​ຄວາມ​ສ່ຽງ​ໃນ​ພື້ນ​ທີ່​ຊຸມ​ຊົນ​ໃນ​ເມືອງ​ຟິລິ​ບປິນ​ເປັນອັນ​ດັບ 1 ຮອງ​ລົງ​ມານະ​ຄອນ​ຫຼວງ​ໂຕ​ກຽວ​ຂອງ​ຍີ່ປຸ່ນ, ນະຄອນຫຼວງ​ຈາ​ກາ​ຕາ​ຂອງ​ອິນ​ໂດ​ເນ​ເຊຍ, ​ເມືອງ​ຕົງ​ກວນ​ຂອງ​ສປ ຈີນ, ນະຄອນຫຼວງ​ທາ​ກາ​ຂອງ​ບັງ​ກາ​ລາ​ເທດ, ​ເມືອງ​ໂກລກາ​ຕາ​ຂອງ​ອິນ​ເດຍ, ລວມທັງ ນະຄອນຫຼວງ​ເມັກ​ຊິກ​, ນະຄອນຫຼວງ​ນິວ​ເດລີ​ຂອງ​ອິນ​ເດຍ ​ແລະ ​ເມືອງ​ເຊົາ​ເປົາ​ລູຂອງ​ບຣາຊິນ.

ລາຍ​ງານ​ລະບຸ​ວ່າ ລະດັບ​ຄວາມ​ຖີ່ ​ແລະ ຄວາມ​ຮຸນ​ແຮງ​ຂອງ​ການ​ເກີດ​ໄພພິບັດ​ທາງ​ທຳ​ມະ​ຊາດ​ເປັນ​ເລື່ອງ​ທີ່​ຄວບ​ຄຸມ​ບໍ່​ໄດ້ ​ແຕ່​ການ​ພັດທະນາ ​ແລະ ຍຸດ​ທະ​ສາດ​ໃນ​ການ​ກຽມພ້ອມ​ຮັບ​ມື​ໄພພິບັດ ສາ​ມາດຊ່ວຍ​ຫຼຸດ​ຜົນ​ກະທົບ​ທີ່​ອາດ​ເກີດ​ຂຶ້ນ​ໄດ້ ທັງ​ໃນ​ດ້ານ​ເສດຖະກິດ ​ແລະ ມະນຸດ ການ​ທີ່​ຄວາ​ມສ່ຽງ ​ແລະ ຄວາມ​ເສຍ​ຫາຍ​ຢູ່​ໃນ​ລະດັບ​ສູງ ສ່ວນ​ໜຶ່ງ​ເປັນ​ຜົນ​ມ​າຈາກ​ຄວາມ​ບໍ່​ພ້ອມ​ໃນ​ລະບົບ​ບໍລິຫານ​ຈັດການ ​ແລະ ການ​ກຽມ​ການ ຊຶ່ງ​ນັບ​ວ່າ​ພາກ​ລັດ​ມີ​ສ່ວນ​ສຳຄັນ​ຫຼາຍ.

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...