ໃນພາກໃຕ້ຂອງໄທ ຊຶ່ງເປັນສາຍເກາະດອນທີ່ຢູ່ສອກຫຼີກຫ່າງໄກ ໄດ້ກາຍເປັນບ່ອນປິດບັງບັນຫານຶ່ງທີ່ກຳລັງເພີ່ມຂຶ້ນເລື້ອຍໆສຳລັບບັນດາເຈົ້າໜ້າທີ່ໄທ.
ພວກມຸສລິມໂຣຮິງຢາຫຼາຍພັນຄົນ ທີ່ພາກັນຫລົບໜີ ຈາກການກໍ່ກວນໃນມຽນມາມັກພາກັນເດີນທາງໂດຍສະມັກໃຈ ໄປຍັງມາເລເຊຍ ແຕ່ກັບໄດ້ຕົກຢູ່ພາຍໃຕ້ການຄວບຄຸມຢ່າງໂຫດຫ້ຽມຂອງພວກແກ໊ງອາຊະຍາກຳໃນໄທ.
ຜູ້ຊອກຫາບ່ອນລີ້ໄພຄົນນຶ່ງທີ່ພາຕຳຫຼວດໄປຫາຄ້າຍລັກລອບຄ້າຂາຍ ມະນຸດເກົ່າແຫ່ງນຶ່ງກ່າວວ່າ ມີເຂົ້າປາອາຫານ ແລະນ້ຳກິນພຽງໜ້ອຍດຽວແລະພວກເຂົາເຈົ້າມັກຖືກທຸບຕີເລື້ອຍໆຖ້າພວກເຂົາເຈົ້າບໍ່ສາມາດ ຈ່າຍເງິນໄດ້ຫຼາຍຂຶ້ນ ສຳລັບເປັນ
ຄ່າປ່ອຍໂຕພວກເຂົາເຈົ້າ.
ໃນພາກໃຕ້ຂອງໄທ ຊຶ່ງເປັນສາຍເກາະດອນທີ່ຢູ່ສອກຫຼີກຫ່າງໄກ ໄດ້ກາຍເປັນບ່ອນປິດບັງບັນຫານຶ່ງທີ່ກຳລັງເພີ່ມຂຶ້ນເລື້ອຍໆສຳລັບບັນດາເຈົ້າໜ້າທີ່ໄທ.
ພວກມຸສລິມໂຣຮິງຢາຫຼາຍພັນຄົນ ທີ່ພາກັນຫລົບໜີຈາກການກໍ່ກວນໃນມຽນມາມັກພາກັນເດີນທາງໂດຍສະມັກໃຈໄປຍັງມາເລເຊຍ ແຕ່ກັບໄດ້ຕົກຢູ່ພາຍໃຕ້ການຄວບຄຸມຢ່າງໂຫດຫ້ຽມຂອງພວກແກ໊ງອາຊະຍາກຳໃນໄທ.
ຜູ້ຊອກຫາບ່ອນລີ້ໄພຄົນນຶ່ງທີ່ພາຕຳຫຼວດໄປຫາຄ້າຍລັກລອບຄ້າຂາຍ ມະນຸດເກົ່າແຫ່ງນຶ່ງກ່າວວ່າ ມີເຂົ້າປາອາຫານ ແລະນ້ຳກິນພຽງໜ້ອຍດຽວແລະພວກເຂົາເຈົ້າມັກຖືກທຸບຕີເລື້ອຍໆຖ້າພວກເຂົາເຈົ້າບໍ່ສາມາດ ຈ່າຍເງິນໄດ້ຫຼາຍຂຶ້ນ ສຳລັບເປັນ
ຄ່າປ່ອຍໂຕພວກເຂົາເຈົ້າ.
ຜູ້ຊາຍໂຣຮິງຢາຄົນນີ້ກ່າວວ່າ “ຫຼັງຈາກພວກເຂົາເຈົ້າ ບັງຄັບຂ້ອຍໃຫ້ ໂທລະສັບຫາອ້າຍຂ້ອຍ ແລະບອກລາວວ່າ ລາວຕ້ອງໄດ້ຈ່າຍເງິນຄ່ານາຍໜ້າຫຼາຍຂຶ້ນອີກ ກ່ອນເຂົາເຈົ້າຈະປ່ອຍຂ້ອຍໄປ. ແຕ່ອ້າຍຂ້ອຍບໍ່ມີເງິນ ດັ່ງ
ນັ້ນ ພວກນາຍໜ້າຈຶ່ງພາກັນເຕະແລະຕີຂ້ອຍຈົນກວ່າຄອບ ຄົວຂ້ອຍສາມາດຫາເງິນມາຈ່າຍ ໄດ້ຕື່ມອີກໃຫ້ພໍ.”
ຕຳຫຼວດກວດຄົນເຂົ້າເມືອງໃຫ້ຄຳໝັ້ນສັນຍາທີ່ຈະປາບປາມພວກເຄືອຂ່າຍຕ່າງໆ ທີ່ດຳເນີນງານຢູ່ພາຍໃນປະເທດ ຊຶ່ງການເຄື່ອນໄຫວດັ່ງ ກ່າວມີຂຶ້ນໃນຂະນະທີ່ໄທປະເຊີນກັບການລົດລະດັບທີ່ອາດເປັນໄປໄດ້ໃນລາຍງານປະຈຳປີວ່າດ້ວຍການລັກລອບຄ້າຂາຍມະນຸດ ຊຶ່ງກຳນົດຈະເປີດເຜີຍ ໃຫ້ຮູ້ໃນເດືອນມິຖຸນາປີນີ້.
ແລະເຖິງແມ່ນລັດຖະບານໄດ້ຢືນຢັນວ່າ ພວກຄະດີຂອງຊາວໂຣຮິງຢາທັງໝົດ ແມ່ນພົວພັນນຳການ ລັກລອບຈັດສົ່ງຜູ້ຄົນຂ້າມແດນແທນທີ່ຈະ ແມ່ນການລັກລອບຄ້າຂາຍມະນຸດ ພົນຕີ Thatchai Pitaneelabout ຕຳຫຼວດກວດຄົນເຂົ້າເມືອງໄທມອງເຫັນເລື່ອງນີ້ໄປໃນອີກທາງນຶ່ງອີກ.
ພົນຕີ Thatchai Pitaneelaboot ກ່າວວ່າ: “ສຳລັບພວກອົບພະຍົບເອງ ຂ້າພະເຈົ້າມອງເບິ່ງເຂົາເຈົ້າວ່າ ເປັນມະນຸດເພື່ອຊອກຫາທາງໃຫ້ຊີວິດຂອງຕົນໃຫ້ດີຂຶ້ນ. ແຕ່ຂ້າພະເຈົ້າມີຄວາມເປັນຫ່ວງຫຼາຍຂຶ້ນກ່ຽວກັບການດຳ
ເນີນຂັ້ນຕອນຂອງພວກລັກລອບຄ້າຂາຍມະນຸດ ທີ່ຖືກຈັດໃຫ້ຢູ່ໃນຈຸດຽວກັນກັບພວກອາຊະຍາກອນນັ້ນ. ພວກເຂົາພາກັນຄົນສົ່ງຜູ້ຄົນເຫຼົ່ານີ້ໄປຍັງປະເທດອື່ນໆແລະມັນຕິດພັນກັນກັບລະ ບົບລັກລອບຄ້າຂາຍມະນຸດ.”
ການຈັບກຸມຫົວໜ້າແກ໊ງສາມາດພິສູດໃຫ້ເຫັນວ່າເປັນເລື່ອງທີ່ຫຍຸ້ງຍາກ ໃນຂະນະທີ່ການຄວບຄຸມຢ່າງແຜ່ຫຼາຍຂອງເຄືອຂ່າຍ ໂດຍຜ່ານຄວາມຢ້ານກົວແລະການນາບຂູ່ທີ່ຝັງເລິກພາຍໃນລະບົບຂອງໄທນັ້ນ.
ທ່ານ Matthew Smith ຫົວໜ້າກຸ່ມ Fortify Rights ໄດ້ສຳພາດກັບພວກທີ່ໄດ້ຮັບເຄາະຮ້າຍ ເພື່ອຢາກຮູ້ຈັກວ່າ ພວກແກ໊ງເຫຼົ່ານີ້ດຳເນີນກັນໄປແບບໃດນັ້ນ.
ທ່ານ Matthew ກ່າວວ່າ ສິ່ງທີ່ພວກເຮົາໄດ້ບັນທຶກໄວ້ ແມ່ນພົວພັນກັບຊາວໂຣຮິງຢາ ທີ່ບັນດາເຈົ້າໜ້າທີ່ໄທໄດ້ພົບເຫັນ ແລ້ວຫລັງຈາກ ນັ້ນພວກເຈົ້າໜ້າທີ່ໄທກໍຂາຍພວກໂຣຮິງຢາເຫຼົ່ານີ້ ຄືພວກຊາວໂຣຮິງຢາທີ່ຫາບ່ອນລີ້ໄພນັ້ນ ໃຫ້ພວກເຄືອຂ່າຍ
ລັກລອບຄ້າຂາຍ ຫຼືລັກລອບສົ່ງຄ່ຽນມະນຸດນັ້ນ.
ໃນຂະນະທີ່ວິກິດການດ້ານມະນຸດສະທຳຊຸດໂຊມລົງນັບມື້ໃນມຽນມາຊຶ່ງ ເປັນປະເທດເພື່ອນນັ້ນ ກໍຄາດວ່າ ຈະມີພວກຫາບ່ອນລີ້ໄພຕື່ມອີກເຂົ້າ ໄປອາໄສຢູ່ໃນດິນແດນຂອງໄທ ໂດຍຈະປະເຊີນໜ້າກັບການປະຕິບັດຕໍ່ທີ່ບໍ່ແນ່ນອນ.