ບຣູໄນປະເທດນ້ອຍໆໃນອາຊຽນທີ່ມີຄວາມມັ່ງຄັ່ງທາງເສດຖະກິດສູງ ອຸດົມສົມບູນດ້ວຍນ້ຳມັນດິບ ແລະ ແກ໊ສທຳມະຊາດ ພ້ອມທັງປະຊາຊົນຍັງມີລາຍໄດ້ຕໍ່ຫົວຄົນສູງ ແລະ ມີຄວາມເປັນຢູ່ທີ່ດີໃນອັນດັບຕົ້ນໆຂອງໂລກ.
ນັກວິເຄາະຄາດວ່າ ປະລິມານ້ຳມັນສຳຮອງບຣູໄນຈະໝົດໄປພາຍໃນປີ 2018 ຖ້າຫາບຣູໄນຍັງເດີນໜ້າສຳຫຼວດ ແລະ ສູບນ້ຳມັນດິບດ້ວຍອັດຕາສະເລ່ຍ 2 ແສນບາເຣລຕໍ່ມື້ໃນປະຈຸບັນ ໂດຍລາຍໄດ້ຈາກການສົ່ງອອກພະລັງງານຄິດເປັນອັດຕາສ່ວນ 40% ຂອງຈີດີພີ ຊຶ່ງລາຍຮັບຂອງພາກລັດ 80% ມາຈາກອຸດສາຫະກຳນ້ຳມັນ ແລະ ແກ໊ສທຳມະຊາດການວາງແຜນຍຸດທະສາດຂອງປະເທດໃຫ້ສາມາດກ້າວຂ້າມຮອຍຕໍ່ຂອງຄວາມຮັ່ງມີເດີມ ຈິ່ງເປັນສິ່ງທ້າທາຍລັດຖະບານບຣູໄນ.
ຫຼ້າສຸດລັດຖະບານກຳລັງເລັ່ງໄປທີ່ການທ່ອງທ່ຽວນິເວດສ້າງລາຍໄດ້ແທນນ້ຳມັນ ໂດຍລັດຖະບານໄດ້ຈັດສັນງົບປະມານ 250 ພັນໂດລາສະຫະລັດ ສຳລັບສົ່ງເສີມການທ່ອງທ່ຽວໃນປີງົບປະມານທີ່ຈະມາເຖິງນີ້ ເຊື່ອວ່າຈະພຽງພໍເນື່ອງຈາກທາງກະຊວງມີແຜນຈະໃຊ້ເຄື່ອງມືດ້ານໄອທີເປັນຫຼັກເຊັ່ນ ເວັບໄຊ ແລະ ແອັບພລິເຄຊັນໃນສະມາດໂຟ ທັງນີ້ບັນຫາທີ່ບຣູໄນຍັງປະສົບບັນຫາມາໂດຍຕະຫຼອດຄືການຫຼ້າຊ້າຂອງການເຕີບໂຕໃນດ້ານການທ່ອງທ່ຽວ ເນື່ອງຈາກຂາດການສົ່ງເສີມທີ່ມີປະສິດທິພາບຊຶ່ງບຣູໄນຢູ່ອັນດັບທີ່ 148 ຈາກ 180 ປະເທດທີ່ມີຜູ້ເດີນທາງມາທ່ຽວໜ້ອຍທີ່ສຸດບຣູໄນມີລາຍໄດ້ຈາກການທ່ອງທ່ຽວພຽງ 3,2% ຈາກລາຍໄດ້ທັງໝົດຂອງປະເທດ.
ບຣູໄນກຳລັງປະເຊີນກັບຄວາມທ້າທາຍຈາກການປ່ຽນຜ່ານໂຄງສ້າງເສດຖະກິດທີ່ອາໄສນໍ້າມັນເປັນຫຼັກ ສູ່ລະບົບເສດຖະກິດແບບໃໝ່ທີ່ມີຄວາມຫຼາກຫຼາຍຂຶ້ນ ວິໄສທັດຂອງລັດຖະບານທີ່ໄດ້ວາງຮາກຖານສຳລັບການພັດທະນາປະເທດໃນອະນາຄົດບໍ່ແມ່ນສິ່ງທີ່ຕ້ອງກັງວົນ ຫາກເປັນການປັບປ່ຽນທັດສະນະຄະຕິຂອງປະຊາຊົນໃຫ້ຍອມຮັບ ແລະ ກຽມພ້ອມກັບການປ່ຽນແປງທີ່ຈະເກີດຂຶ້ນໄດ້.