ໃນຊ່ວງໄລຍະທີ່ຜ່ານມານີ້ມີຂ່າວຫຼຸດກ່ຽວກັບ ສະມາດໂຟນລຸ້ນໃໝ່ຈາກ Oppo ອອກມາເລື້ອຍໆ ບໍ່ວ່າຈະເປັນ ລະບົບສະແກນລາຍນິ້ວມືທີ່ມີຄວາມໄວສູງ 0.2 ວິນາທີ ແລະຫຼ້າສຸດກໍມີເຈ້ຍກ່ຽວກັບສະເປັກແລະລາຄາຂອງ R9 ແລະ R9 Plus. ມາຕອນນີ້ເອງສະມາດໂຟນທັງ 2 ລຸ້ນນັ້ນກໍໄດ້ເປີດໂຕຢ່າງເປັນທາງການແລ້ວທີ່ປະເທດຈີນ.
Oppo R9
ສຳລັບ R9 ນັ້ນໃຊ້ໜ້າຈໍ AMOLED ຂະໜາດ 5.5 ນິ້ວ, ຄວາມລະອຽດ 1080 x 1920 ພິກເຊວ (FullHD), ມາພ້ອມກັບຊິບປະມວນຜົນ Mediatek Helio P10 (4 ຄໍ Cortex-A53 ຄວາມໄວ 2.0GHz ແລະອີກ 4 ຄໍຄວາມໄວ 1.0GHz). RAM 4GB, ROM 64GB (ຮອງຮັບ MicroSD ສູງສຸດ 128GB). ຂະໜາດຂອງໂຕເຄື່ອງແມ່ນ 151.8 x 74.3 x 6.6 ມມ ແລະນ້ຳໜັກ 145 ກຣາມ
ກ້ອງຫຼັງຄວາມລະອຽດ 16 ລ້ານພິກເຊວ ພ້ອມກັບຮູຮັບແສງ f/2.0 ແລະຄວາມກວ້າງໃນການເບິ່ງເຫັັນແມ່ນ 78.1 ອົງສາ, ກ້ອງໜ້າຄວາມລະອຽດ 13 ລ້ານພິກເຊວ ຮູຮັບແສງ f/2.2 ແລະຄວາມກວ້າງໃນການເບິ່ງເຫັນແມ່ນ 80.6 ອົງສາ
ໃຊ້ງານລະບົບ Android 5.1.1 Lollipop ແລະ ຄອບທັບດ້ວຍ Color OS 3.0, ແບັດເຕີຣີໃຫ້ມາ 2,850 mAh ຮອງຮັບເທັກໂນໂລຢີ VOOC Flash Charge
Oppo R9 Plus
R9 Plus ມາພ້ອມກັບຈໍ AMOLED ຂະໜາດ 6 ນິ້ວ, ຄວາມລະອຽດ 1080 x 1920 ພິກເຊວ (FullHD). ໃຊ້ງານຊິບປະມວນຜົນຄອດຄໍ Snapdragon 652 (4 ຄໍຄວາມໄວທີ່ 1.8GHz Cortex-A72 ແລະ 4 ຄໍຄວາມໄວທີ່ 1.2GHz Cortex-A53), RAM 4GB, ROM 64/128GB (ຮອງຮັບ MicroSD ສູງສຸດ 128GB).
ກ້ອງຫຼັງຄວາມລະອຽດ 16 ລ້ານພິກເຊວ ໃຊ້ເຊັນເຊີຂອງ Sony IMX 298 ຮູຮັບແສງ f/2.0 ແລະ ກ້ອງໜ້າຄວາມລະອຽດ 16 ລ້ານພິກເຊວ. ຂະໜາດຂອງໂຕເຄື່ອງ 163.1 x 80.8 x 7.4 ມມ ແລະ 185 ກຣາມ
ໃຊ້ງານລະບົບ Android 5.1.1 Lollipop ແລະ ຄອບທັບດ້ວຍ Color OS 3.0, ແບັດເຕີຣີໃຫ້ມາ 4,120 mAh ຮອງຮັບເທັກໂນໂລຢີ VOOC Flash Charge
Oppo R9 ແລະ R9 Plus
Oppo R9 ແລະ R9 Plus ທັງສອງມາພ້ອມກັບລະບົບສະແກນລາຍນິ້ວມືທີ່ດ້ານໜ້າໂຕເຄື່ອງ. ຮອງຮັບ 4G LTE, ສ່ວນ AC Wi-Fi 802.11 ນັ້ນມີພຽງແຕ່ R9 Plus ທີ່ຮອງຮັບ. ໃນສ່ວນຂອງການເຊື່ອມຕໍ່ອື່ນໆເຊັ່ນ: R9 ມາພ້ອມກັບ Bluetooth v4.0 ແລະ R9 Plus ມາພ້ອມກັບ v4.1 (v4.1 ຈະດີກວ່າເພາະມັນສາມາດຫຼຸດຜ່ອນສັນຍານລົບກວນໄດ້ດີ).
ໃນດ້ານຂອງລາຄາແລ້ວ Oppo R9 ມີລາຄາຢູ່ທີ່ 2,799 ຢວນ (3.515.000 ກີບ) ແລະຕອນນີ້ແມ່ນເປີດໃຫ້ສັ່ງຈອງແລ້ວ, ໂຕເຄື່ອງຈະເລີ່ມຈັດສົ່ງໃນວັັນທີ 24 ເດືອນມີນານີ້.
R9 Plus ມີລາຄາຢູ່ທີ່ 3,299 ຢວນ (4.140.000 ກີບ) ສຳລັັບລຸ້ນ 64GB ແລະຈະວາງຂາຍທີ່ປະເທດຈີນໃນວັນທີ 4 ເມສານີ້. ສ່ວນລຸ້ນສຳລັບຂາຍທົົ່ວໂລກນັ້ນຍັງບໍ່ມີລາຍລະອຽດໃດໆ
ທີ່ມາ:gsmarena