ສຸດທ້າຍແລ້ວທາງບໍລິສັດ Microsoft ຍັກໃຫຍ່ແຫ່ງວົງການໄອທີກໍໄດ້ປ່ອຍໃຫ້ ເຄື່ອງລຸ້ນເກົ່າໆຂອງຕົນເອງອັບເກຣດເປັນຊ໋ອບແວຣ ລຸ້ນຫຼ້າສຸດແບບ Windows 10 Mobile ແລ້ວ!!! ຫຼັງຈາກທີ່ປ່ອຍໃຫ້ຜູ້ໃຊ້ຖ້າມາດົນແສນດົນ ແລະມີຂ່າວລືຕ່າງໆອອກມາເລື້ອຍໆວ່າຈະປ່ອຍມື້ໃດ. ຕອນນີ້ເຄື່ອງ Lumia 930 Windows Phone 8.1 ຂອງແອດມິນພ້ອມໃຫ້ອັບເດດແລ້ວ (ແຕ່ອິນເຕີເນັັດບໍ່ເປັນໃຈ TT)
ໂດຍລຸ້ນທີ່ຈະໄດ້ຮັບການອັບເກຣດມີດັ່ງນີ້: Lumia 1520, 930, 640, 640XL, 730, 735, 830, 532, 535, 540, 635 1GB, 636 1GB, 638 1GB, 430, 435, BLU Win HD w510u, BLU Win HD LTE x150q, MCJ Madosma Q501.
ວິທີການອັບເກຣດນັ້ນເຮົາຈຳເປັນຈະຕ້ອງໂຫຼດແອັບພລິເຄຊັ່ນ Microsoft UpdateAdvisor (ກົດທີ່ລິ້ງເພື່ອໂຫຼດ) ຈາກຮ້ານຄ້າມາກ່ອນ ແລະປະຕິິບັດຕາມດັ່ງນີ້:
1. ເປີດແອັບ Microsoft UpdateAdvisor ຂຶ້ນມາ
2. ກົດ Next ຖ້າໃຫ້ລະບົບກວດສອບໂຕເຄື່ອງ
3. ໃຫ້ກົດຕິກທີ່ຄຳວ່າ “Enable Windows 10 upgrade” ຈາກນັ້ນໃຫ້ກົດ Next
4. ເມື່ອມັນແຈ້ງວ່າເຄື່ອງຂອງເຮົາພ້ອມແລ້ວທີ່ຈະອັບເດດ ໃຫ້ກົດ Done ຖືວ່າສຳເລັດແລ້ວ
5. ເລີ່ມຕົ້ນການອັບເກຣດໂດຍການເຂົ້າໄປທີ່ Settings > Phone Update ແລະກວດສອບການອັບເດດ, ເມື່ອຂຶ້ນມາແລ້ວກໍກົດອັບເດດຕາມປົກກະຕິເລີຍ
ໝາຍເຫດ: ກ່ອນອັບເດດເຮົົາ ຄວນກວດສອບເບິ່ງກ່ອນວ່າເຄື່ອງເຮົານັ້ນແບັດເຕີຣີກາຍ 50% ຫຼືບໍ່ (ແນະນຳໃຫ້ສາກໄປພ້ອມອັບເດດໄປພ້ອມ) ແລະ ຂໍ້ມູນຕ່າງໆທີ່ສຳຄັນຂອງເຮົາໄດ້ສຳຮອງໄວ້ໝົດແລ້ວ ຖ້າບໍ່ມີຫຍັງຄ້າງຄາກໍອັບເດດໂລດ