ສຳລັບຂ່າວຫຼ້າສຸດຂອງສະມາດຊີຣີ P ຈາກຫົວເຫວ່ຍ ທີ່ກຳລັງເປັນຂ່າວມາແຮງໃນຕອນນີ້ ເຊິ່ງທາງເວັບໄຊ Oppomart ໄດ້ເຜີຍແຜ່ຂໍ້ມູນກ່ຽວກັບລາຍລະອຽດສະເປັກ ແລະລາຄາຂອງ P9, P9Max ແລະ P9 Lite ມາດັ່ງນີ້:
Huawei P9
ສຳລັບລຸ້ນເຮືອທຸງ Huawei P9 ນັ້ນມີໜ້າຈໍຂະໜາດ 5.2 ນິ້ວ, ຄວາມລະອຽດ 1920 x 1080 ພິກເຊວ (Full HD). ໃຊ້ງານຊິບປະມວນຜົນ Hisilicon Kirin 950 octa core, ROM 32GB, RAM 3GB (LPDDR4 1866MHz). ໃຊ້ງານລະບົບປະຕິບັດການ Android 6.0 Marshmallow ແລະຄອບດ້ວຍ EMUI
ໃນດ້ານຂອງກ້ອງນັ້ນເປັນກ້ອງຄູ່ຄວາມລະອຽດ 12 ລ້ານພິກເຊວ ມາພ້ອມກັບເທັກໂນໂລຢີ Optical Image Stabilization ແລະເລເຊີໂຟກັດ. ກ້ອງໜ້າມີຄວາມລະອຽດ 5 ລ້ານພິກເຊວ
ສຳລັບໂຕເຄື່ອງນັ້ນຂ່ອນຂ້າງບາງເພາະບາງພຽງ 6.4 ມມ ຖ້າທຽບກັບຂະໜາດແບັດເຕີຣີທີ່ໃຫ້ມາ 3,000mAh. ຮອງຮັບ 2 ຊິມ ແລະຮອງຮັບ 4G FDD LTE ທົ່ວໂລກ. ລາຄາຂອງ P9 ແມ່ນ $499 (4.502.000 ກີບ)
Huawei P9 Max
ໃນສ່ວນຂອງເຮືອທຸງແບບ Huawei P9 Max ນັ້ນມາພ້ອມກັບໜ້າຈໍຂະໜາດ 6.2 ນິ້ວ , ຄວາມລະອຽດ 1440 x 2560 ພິກເຊວ (QHD). ໃຊ້ງານຊິບປະມວນຜົນ Hisilicon Kirin 955 octa core, ROM 64GB, RAM 4GB. ໃຊ້ງານລະບົບປະຕິບັດການ Android 6.0 Marshmallow ແລະຄອບດ້ວຍ EMUI
ໃນດ້ານຂອງກ້ອງນັ້ນເປັນກ້ອງຄູ່ຄວາມລະອຽດ 12 ລ້ານພິກເຊວ ມາພ້ອມກັບເທັກໂນໂລຢີ Optical Image Stabilization ແລະເລເຊີໂຟກັດ. ກ້ອງໜ້າມີຄວາມລະອຽດ 8 ລ້ານພິກເຊວ.
ແບັດເຕີຣີ 3,000 mAh, ໂຕເຄື່ອງໜາ 6.4 ມມ, ຮອງຮັບ 2 ຊິມ ແລະ 4G FDD LTE .P9 Max ມີລາຄາຢູ່ທີ່ $699 (5.675.000 ກີບ)
Huawei P9 Lite
ໃນດ້ານຂອງສະມາດໂຟນລຸ້ນນ້ອຍສຸດຂອງຊີຣີ Huawei P9 Lite ແມ່ນມີໜ້າຈໍຂະໜາດ 5 ນິ້ວ, ຄວາມລະອຽດ 1920 x 1080 ພິກເຊວ (Full HD). ໃຊ້ງານຊິບປະມວນຜົນ Snapdragon 650 ມີ 6 ຄໍ (ແອບເສຍດາຍຖ້າຫາກໃຊ້ 652 ໂຕ 8 ຄໍຄົງຈະດີກວ່ານີ້ ຂໍໃຫ້ບໍ່ເປັນຈິງ!!! ^^)
ໃນສ່ວນຂອງກ້ອງຫຼັງແມ່ນມີຄວາມລະອຽດ 12 ລ້ານພິກເຊວເປັນກ້ອງຄູ່ ແລະກ້ອງໜ້າຄວາມລະອຽດ 5 ລ້ານພິກເຊວ. ROM 16 GB ແລະ RAM 2GB. ແບັດເຕີຣີ 2,500mAh. ຮອງຮັບ 2 ຊິມ ແລະຮອງຮັບ 4G FDD LTE ທົ່ວໂລກ
ຄາດວ່າໃຊ້ງານລະບົບປະຕິບັດການ Android 6.0 Marshmallow ແລະຄອບດ້ວຍ EMUI. ໃນດ້ານລາຄາຂອງ P9 Lite ແມ່ນຢູ່ທີ່ $299 (2.430.000 ກີບ)
ທີ່ມາ:gsmarena