ການສົມມາບິດາ-ມາດາ ຫຼື ຜູ້ບັງເກີດເກົ້າ ເປັນປະເພນີຂອງຄົນລາວທີ່ປະຕິບັດສືບທອດກັນມາແຕ່ບູຮານນະການເນື່ອງຈາກວ່າການສົມມາບິດາ-ມາດາເປັນສິ່ງປະເສີດທີ່ລູກ
ທຸກຄົນຄວນມີ ການປະພຶດປະຕິບັດ, ນອກຈາກ ຈະເປັນຂະນົບທຳນຽມ, ຮີດຄອງ ປະເພນີອັນດີງາມທີ່ປະຕິບັດສືບທອດກັນມາແຕ່ສະໄໝບູຮານນະ ການແລ້ວ ຍັງເປັນການສະແດງ ເຖິງຄວາມກະຕັນຍູຮູ້ບຸນຄຸນຕໍ່ພໍ່ ແມ່ນຳອີກ.
ການສົມມາບິດາ-ມານດາ ເມື່ອກະກຽມອຸປະກອນຄົບຖ້ວນ ເຊັ່ນ: ນ້ຳຫອມ, ພວງມາໄລດອກໄມ້ ຫຼື ອາດຈະເປັນວັດຖຸຂອງຂວັນພິ ເສດກໍໄດ້, ຕັ່ງສອງໜ່ວຍຈາກນັ້ນ ກໍເລີ່ມມາທີ່ຂັ້ນຕອນຂອງການ ສົມມາໂດຍເລືອກສະຖານທີ່ເໜາະ ສົມອາດຈະເປັນພາຍໃນເຮືອນ, ແຕ່ກໍຈູດທູບກ່ອນຈະເອົາຜ້າແພສີ ຂາວໃໝ່ມາປູຢູ່ບ່ອນທີ່ຈະສົມມາ ແລ້ວເອົາຕັ່ງສອງໜ່ວຍມາຕັ້ງ ພ້ອມນ້ຳຫອມທີ່ກຽມໃສ່ຊາມ ທັງສອງໃບ ພ້ອມເຊີນພໍ່ ແລະແມ່ ມານັ່ງທີ່ຕັ່ງອີ້, ເລີ່ມການລ້າງຕີນ ໃຫ້ຜູ້ເປັນບິດາກ່ອນຈິ່ງລ້າງໃຫ້ ຜູ້ເປັນມາດາກ່ອນຈະລ້າງຕີນໃຫ້ພໍ່ແມ່ກໍຕ້ອງຂາບລົງສາມບາດ ແລະການລ້າງນັ້ນຕ້ອງລ້າງເທື່ອ ລະຂ້າງ, ເທື່ອລະນິ້ວທັງໃຊ້ມືຮຸກ ຖູຄ່ອຍໆໃນຂະນະທີ່ກຳລັງລ້າງ ຕີນດ້ວຍນ້ຳຫອມໃຫ້ບິດາມາດາ ຢູ່ນັ້ນໃຫ້ຂໍຄະມາເຖິງສິ່ງທີ່ເຮົາ ເຄີຍກະທຳໄວ້ບໍ່ດີ, ດ້ວຍກາຍ ວາ ຈາ, ໃຈກໍດີ ຫຼື ບໍ່ຖືກຕ້ອງຕັ້ງແຕ່ຕອນເປັນເດັກນ້ອຍຈົນຮອດປະ ຈຸບັນ, ເມື່ອລ້າງຕີນແລ້ວກໍໃຊ້ຜ້າ ແພເຊັດຕີນໃຫ້ແຫ້ງພ້ອມກົ້ມຂາບ ລົງ ແລະກ່າວຄຳວ່າ: ລູກຂໍຂະມາ ຂໍອະໄພ, ຂໍອະໂຫສີກຳຈາກພໍ່ແມ່ ຖ້າລ້າງຕີນໃຫ້ພໍ່ກໍກ່າວນຳພໍ່, ຖ້າລ້າງຕີນໃຫ້ແມ່ ກໍກ່າວກັບແມ່ຈາກ ນັ້ນກໍນຳພວງມາໄລ ແລະເຄື່ອງ ສົມມາທີ່ກຽມໄວ້ມອບໃຫ້ພໍ່ແມ່ ການສົມມາພໍ່ ຫຼື ແມ່ ຕ້ອງປະຕິບັດທີລະຄົນໂດຍເລີ່ມຈາກຜູ້ເປັນບິດາ ກ່ອນ ເມື່ອສຳເລັດການລ້າງຕີນ ແລະອະໂຫສິກຳ ຈາກພໍ່ແລ້ວກໍ ເລີ່ມປະຕິບັດຕໍ່ແມ່ໂດຍເຮັດຄືກັບ ປະຕິບັດຕໍ່ບິດາ, ກໍລະນີບໍ່ມີພໍ່ແມ່ ກໍສາມາດສົມມາປູ່ຍ່າ, ພໍ່ເຖົ້າແມ່ ເຖົ້າກໍໄດ້.
ການສົມມາບິດາ-ມາດາ ຜູ້ມີບຸນຄຸນອັນລົ້ນເຫຼືອນີ້ ກໍເພື່ອເປັນ ການຊ່ວຍໃຫ້ຕົວເຮົາເອງ ແລະ ຄອບຄົວໂດຍທາງກົງ ທັງເປັນແບບ ຢ່າງອັນດີໃຫ້ແກ່ຜູ້ເປັນລູກໃຫ້ປະ ຕິບັດກັບຕົວເຮົາດັ່ງດຽວກັບທີ່ເຮົາເຄີຍປະຕິບັດກັບພໍ່ແມ່, ທັງເປັນ ການຊ່ວຍສ້າງກຳລັງໃຈໃຫ້ແກ່ ພໍ່ແມ່ທີ່ເຫັນແຈ້ງໃຈຄວາມກະຕັນ ຍູຮູ້ຄຸນຂອງຜູ້ເປັນລູກພວກຕົນ.
ການສົມມາບິດາ-ມາດາ ນອກຈາກຈະເປັນການສະແດງຄວາມ ກະຕັນຍູຮູ້ຄຸນຕໍ່ພໍ່ແມ່ຜູ້ບັງເກີດເກົ້າແລ້ວ ຍັງເປັນການສ້າງກຳລັງໃຈ ໃຫ້ແກ່ທັງສອງຝ່າຍ ໂດຍສະເພາະ ກໍແມ່ນຜູ້ເປັນລູກໃນການປະພຶດປະຕິບັດຕົນໃນທາງທີ່ຖືກຕ້ອງ ນຳອີກ.
ຂໍ້ມູນຈາກ: 