spot_img
HomeມູມໄອທີລາວSony ເປີດໂຕສະມາດໂຟນຕະກູນ Xperia X ພ້ອມສະເປັກທີ່ລົງໂຕ

Sony ເປີດໂຕສະມາດໂຟນຕະກູນ Xperia X ພ້ອມສະເປັກທີ່ລົງໂຕ

Published on

ຫຼ້າສຸດນີ້ເອງທາງບໍລິສັດ Sony ກໍອອກມາຮ່ວມວົງນຳກັນແລ້ວໂດຍການເປີດໂຕສະມາດໂຟນຕະກູນ Xperia X, X Performance ແລະ XA ໃໝ່ ຈະເປັນແນວໃດກໍມາຕິດຕາມນຳກັນເລີຍ

Sony Xperia X

image

ສຳລັບ Xperia X ນັ້ນມີໜ້າຈໍຂະໜາດ 5 ນິ້ວ ຄວາມລະອຽດ Full HD (1080×1920), ໃຊ້ງານຊິບປະມວນຜົນ Snapdragon 650, RAM 3GB, ພື້ນທີ່ຈັດເກັບ 32 GB (1 ຊິມ) / 64 GB (2 ຊິມ) ສາມາດເພີ່ມ microSD ໄດ້.ມີ 4 ສີໃຫ້ເລືອກຄື: Graphite black, White, Lime Gold ແລະ Rose Gold.

image

ກ້ອງຫຼັງຄວາມລະອຽດ 23 ລ້ານພິກເຊວ ສາມາດຖ່າຍຮູບໄດ້ພຽງແຕ່ 0.6 ວິນາທີເທົ່ານັ້ນ, ມາພ້ອມກັບຄຸນສົມບັດໃໝ່ Sony Predictive Hybrid Autofocus ເຊິ່ງຈະເຮັດໃຫ້ເຮົາສາມາດເລືອກເປົ້າໝາຍແລະຕິດຕາມໄດ້. ສ່ວນກ້ອງໜ້າຄວາມລະອຽດ 13 ລ້ານພິກເຊວ.

ໃນດ້ານຂອງແບັດເຕີຣີແມ່ນໃຫ້ມາ 2,620mAh (ເຊິ່ງ Sony ບອກວ່າສາມາດໃຊ້ໄດ້ຮອດ 2 ມື້). ໃຊ້ງານລະບົບປະຕິບັດການ Android 6.0 Marshmallow. ໃນດ້ານຂອງສຽງເປັນແບບສະເຕີຣິໂອດ້ານນອກເຮັດໃຫ້ມີສຽງທີ່ດີ, ລະບົບສຽງ Hi-Res Audio ແລະ DNC ດ້ານໃນ. ມີລະບົບອ່ານລາຍນິ້ວມືທີ່ປຸ່ມ Power ດ້ານຂ້າງເຄື່ອງ

ຂະໜາດຂອງໂຕເຄື່ອງ 69.4 x 142.7 x 7.9 ມມ ແລະ ໜັກ 153 ກຣາມ
________________________________________

Sony Xperia X Performance

image

ສຳລັບ Xperia X Performance ມີໜ້າຈໍຂະໜາດ 5 ນິ້ວ ຄວາມລະອຽດ Full HD (1080 x 1920). ໃຊ້ງານຊິບປະມວນຜົນ Snapdragon 820, RAM 3GB, ພື້ນທີ່ຈັດເກັັບ 32GB ສາມາດເພີ່ມ microSD. ໂຕເຄື່ອງຖືກອອກແບບມາເປັນໂລຫະໄຮ້ຮອຍຕໍ່, ຮອງຮັບມາດຕະຖານ IP68 ແລະມີສີໃຫ້ເລືອກ 2 ສີຄື: Graphite Black and White

ກ້ອງຫຼັງຄວາມລະອຽດ 23 ລ້ານພິກເຊວ ພ້ອມກັບຄຸນສົມບັດ Sony Predictive Hybrid Autofocus ແລະ ກ້ອງໜ້າ 13 ລ້ານພິກເຊວ. ໃນດ້ານຂອງກ້ອງຫຼັງສາມາດບັນທຶກວີດີໂອ 4K ແລະສາມາດເພີ່ມຄ່າ ISO ຂຶ້ນໄດ້ເຖິງ 12,800.

   
Xperia X Performance ມີລະບົບອ່ານລາຍນິ້ວມືທີ່ປຸ່ມ Power ດ້ານຂ້າງເຄື່ອງຄືກັນກັບ Xperia X. ແບັດເຕີຣີໃຫ້ມາ 2700 mAh ແລະໃຊ້ງານລະບົບປະຕິບັດການ Android 6.0 Marshmallow

ຂະໜາດຂອງໂຕເຄື່ອງ 144.8 x 71.1 x 7.6 ມມ ແລະ ໜັກ 164.4 ກຣາມ
________________________________________

Sony Xperia XA

image

Sony Xperia XA ມີໜ້າຈໍຂະໜາດ 5 ນິ້ວຄວາມລະອຽດ HD (720 x 1280), ໃຊ້ງານຊິບປະມວນຜົນ MediaTek MT6755, RAM 2GB, ພື້ນທີ່ຈັດເກັບ 16GB ສາມາດເພີ່ມ microSD ໄດ້.

ກ້ອງຫຼັງຄວາມລະອຽດ 13 ລ້ານພິກເຊວ ພ້ອມກັບຄຸນສົມບັດ Exmor RS, 1/3 ແລະ ກ້ອງໜ້າຄວາມລະອຽດ 8 ລ້ານພິກເຊວ. ແບັດເຕີຣີໃຫ້ມາ 2,300mAh ແລະໃຊ້ງານລະບົບປະຕິບັດການ Android 6.0 Marshmallow

ເປັນລຸ້ນດຽວທີ່ບໍ່ມີລະບົບອ່ານລາຍນິ້ວມື ແລະລຳໂພງສຽງສະເຕີຣີໂອ

ຂະໜາດຂອງໂຕເຄື່ອງ 143.6 x 66.8 x 7.9 ມມ ແລະໜັກ 137.4 ກຣາມ

ທີ່ມາ:1,2

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...