ນັກບູຮານຄະດີຈີນໄດ້ຂຸດພົບຊາກເປ່ເພຂອງບູຮານສະຖານທີ່ມີອາຍຸກວ່າ 2.000 ປີ ຫຼັງຈາກພະຍາຍາມຄົ້ນຫາດົນນານແບບຕໍ່ເນື່ອງກວ່າ 2 ຮຸ່ນ ເມື່ອບໍ່ດົນມານີ້.
ນັກບູຮານຄະດີຈີນໄດ້ຂຸດຄົ້ນພົບເຄື່ອງປັ້ນດິນເຜົາ ຊຶ່ງມີລາຍອັກສອນບູຮານລະບຸວ່າ ເຢ່ຢາງ ທີ່ສະຖານທີ່ແຫ່ງນີ້ ໃນພາກຕາເວັນອອກສຽງເໜືອຂອງເມືອງຊີອານມົນທົນສ່ານຊີ.
ການຄົ້ນພົບນີ້ໄດ້ຢືນຢັນວ່າສະຖານທີ່ນີ້ຄືທີ່ຕັ້ງຂອງເມືອງເຢ່ຢາງ ຊຶ່ງເຄີຍເປັນເມືອງຫຼວງຂອງລັດສິນ ໃນຍຸກລັດສົງຄາມ (475-221 ກ່ອນ ຄສ) ອັນເປັນສະຖານທີ່ດຳເນີນການປະຕິຮູບຊາງຢາງ ແລະການຄົ້ນພົບນີ້ຖືເປັນຫຼັກຖານສຳຄັນການສຶກສາປະຫວັດສາດແລະວັດທະນະທຳຂອງລັດສິນ.
ຜູ້ລິເລີ່ມແລະວາງການປະຕິຮູບຊາງຢາງຄື ຊາງຢາງນັກປາດຜູ້ຊຳນິຊຳນານຊຶ່ງຮັບລາຊະການຢູ່ໃນແຄວ້ນສິນ ມີຊີວິດຢູ່ປະມານ 390-338 ປີກ່ອນ ຄສ, ຊາງຢາງເປັນຜູ້ປະຕິຮູບລະບົບກອງທັບ ລະບົບນິຕິລັດ ປັດຊະຍານິຕິທຳການບໍລິຫານບ້ານເມືອງ ຕະຫຼອດຮອດລະບົບບໍລິຫານທີ່ດິນ ກະສິກຳ ຕະຫຼອດຮອດພາສີ ທຸກສິ່ງທຸກຢ່າງຂອງແຄວ້ນສິນ ຈົນສ້າງສົມອຳນາດຫຼາຍພໍທີ່ຈະກຽມທາງຂຶ້ນໄປສູ່ການເປັນແຄວ້ນຜູ້ມີໄຊຊະນະ ລວມແຄວ້ນທັງປວງເປັນນໜຶ່ງດຽວເປັນແຜ່ນດິນຈີນ.