ເຊົ້າມື້ນີ້ ວັນທີ 6 ກຸມພາ 2016 ເວລາ 3:57 ນາທີ ຕາມເວລາທ້ອງຖິ່ນ ເກີດແຜ່ນດິນໄຫວຂະໜາດ 6.4 ແມັກນິຈູດ ບໍລິເວນເມືອງໄຖໜານ ທາງໃຕ້ຂອງໄຕ້ຫວັນ ສົ່ງຜົນໃຫ້ອາຄານຫຼາຍແຫ່ງຖະຫຼົ່ມ ເບື້ອງຕົ້ນມີລາຍງານຜູ້ເສຍຊີວິດແລ້ວ 1 ຄົນ ແລະມີຜູ້ບາດເຈັບ 23 ຄົນ ແລະຄາດວ່າຈຳນວນຜູ້ເສຍຊີວິດແລະບາດເຈັບຈະເພິ່ມຂຶ້ນ.
ດ້ານສຳນັກຂ່າວ ບີບີຊີ ລາຍງານວ່າ ພົບຜູ້ເສຍຊີວິດຢ່າງໜ້ອຍ 2 ຄົນ ໂດຍແຜ່ນດິນໄຫວເກີດຂຶ້ນໃນລະຫວ່າງຜູ້ຄົນສ່ວນຫຼາຍກຳລັງນອນຫຼັບຢູ່ ໃນຂະນະທີ່ເຈົ້າໜ້າທີ່ກູ້ໄພໄດ້ຊ່ວຍເຫຼືອຜູ້ຄົນອອກຈາກອາຄານນັບຮ້ອຍຄົນ.
ລາຍງານລະບຸວ່າ ຈຸດສູນກາງຂອງແຜ່ນດິນໄຫວຢູ່ໃນລະດັບຂ້ອນຂ້າງຕື້ນ ເຊິ່ງເຮັດໃຫ້ຜົນກະທົບຂ້ອນຂ້າງສູງ. ແຮງສັ່ນສະເທືອນຮັບຮູ້ໄດ້ເຖິງນະຄອນຫຼວງໄທເປ ເມືອງຫຼວງທີ່ຢູ່ໄກຈາກຈຸດເກີດເຫດໄປ 300 ກິໂລແມັດ ຫຼັງເກີດແຜ່ນດິນໄຫວ ຍັງມີອັຟເຕີຊັອກຕິດຕາມມາອີກຫຼາຍຄັ້ງ.
