Windows 10 Mobile ຕອນນີ້ກຳລັງໄດ້ຮັບຄວາມສົນໃຈຫຼາຍຈາກຜູ້ຜະລິດຮາດແວຣໃນປະເທດຍີ່ປຸ່ນ ເຊິ່ງກ່ອນໜ້ານີ້ກໍເປັນສະມາດໂຟນຈາກບໍລິສັດ NuAns ທີ່ໄດ້ເປີດໂຕສະມາດໂຟນ Neo ໄປກ່ອນແລ້ວເຊິ່ງມີຈຸດເດັ່ນໃນເລື່ອງຂອງການອອກແບບແລະສາມາດປັບປ່ຽນຝາຫຼັງຂອງໂຕເຄື່ອງໄດ້ ແລະກໍເປີດໃຫ້ສັ່ງຈອງໄປແລ້ວ NuAns Neo ສະມາດໂຟນ Windows 10 ຕອນນີ້ເປີດໃຫ້ສັ່ງຈອງແລ້ວຢູ່ຍີ່ປຸ່ນ
ໃນມື້ນີ້ເອງກໍເຖິງຄິວຂອງບໍລິສັັດ VAIO ກັນແລ້ວທີ່ໄດ້ເປີດໂຕສະມາດໂຟນລຸ້ນໃໝ່ແລະເປັນລຸ້ນທຳອິດຂອງບໍລິສັດທີ່ໃຊ້ລະບົບປະຕິບັດການ Windows 10 Mobile ເຊິ່ງໂທລະສັບລຸ້ນດັ່ງກ່າວມີຊື່ວ່າ Phone Biz. Phone Biz ນີ້ຈະເນັ້ນໄປທີ່ກຸ່ມລູກຄ້າລະດັບທຸລະກິດເປັນສ່ວນໃຫຍ່, ໃນດ້ານຂອງໂຕເຄື່ອງແມ່ນເຮັດດ້ວຍອະລູມິນ້ຽມ, ໜ້າຈໍຂະໜາດ 5.5 ນິ້ວ ໜ້າຈໍຄວາມລະອຽດ Full HD, ໃຊ້ຊິບປະມວນຜົນ Snapdragon 617, RAM 3GB, ໜ່ວຍຄວາມຈຳພາຍໃນ 16GB ແລະສາມາດເພີ່ມ microSD ໄດ້ (ສູງສຸດ 64GB), ກ້ອງ 13MP ແລະແບັດເຕີຣີ 2800mAh
Phone Biz ຈະເລີ່ມວາງຂາຍໃນຊ່ວງເດືອນເມສານີ້ໃນລາຄາ ¥50,000 (3.465.000 ກີບ)
ທີ່ມາ:windowscentral