spot_img
Homeຂ່າວທ້ອງຖິ່ນເມືອງນາຊາຍທອງ ສ້າງຄອບຄົວຕົວແບບໄດ້ 254 ຄອບຄົວ ລື່ນແຜນການເຖິງ 20 ຄອບຄົວ!

ເມືອງນາຊາຍທອງ ສ້າງຄອບຄົວຕົວແບບໄດ້ 254 ຄອບຄົວ ລື່ນແຜນການເຖິງ 20 ຄອບຄົວ!

Published on

ເມືອງ​ນາ​ຊາຍ​ທອງ ນະຄອນຫຼວງ​ວຽງ​ຈັນ ໄດ້​ສຸມ​ການ​ເອົາໃຈໃສ່​ດ້ານ​ກະສິກຳ ປູກຝັງ ລ້ຽງສັດ ສົ່ງເສີມ​ການ​ຜະລິດ​ເປັນ​ສິນຄ້າ ເປັນ​ການ​ສ້າງ​ພື້ນຖານ​ເສດ​ຖະກິດ​ຄອບຄົວ​ ທີ່​ມີ​ການ​ປະຕິບັດ​ກັນມາ​ແລ້ວ​ຫຼາຍ​ປີ​ ຕາມ​ທິດ​ຊີ້​ນຳ ເຮັດ​ໃຫ້​ເມືອງ​ດັ່ງກ່າວ​ສະເພາະ​ປີນີ້ ​ມີ​ຄອບຄົວ​ຕົວ​ແບບທັງ​ໝົດ 254 ຄອບຄົວ ລື່ນ​ແຜນການ​ປະມານ 20 ຄອບຄົວ ໃນ​ນີ້ມີ​ຈຳນວນ 13 ຄອບຄົວ ໄດ້​ຂຶ້ນ​ບັນຊີຕົວ​ແບບ​ຂອງ​ນະຄອນຫຼວງ.

ກອງ​ປະຊຸມ​ຄອບຄົວ​ຕົວ​ແບບດ້ານ​ການ​ຜະລິດ-ການ​ຄ້າ ແລະ ການ​ບໍລິການ​ຂອງ​ເມືອງ​ນາ​ຊາຍທອງ ຄັ້ງ​ທີ IV ໄດ້​ຈັດ​ຂຶ້ນ​ໃນ​ວັນ​ທີ 29 ມັງກອນ 2016 ທີ່​ສະ​ໂມສອນ​ເມືອງ​ດັ່ງກ່າວ ໂດຍ​ການເປັນ​ປະທານ​ຂອງ​ທ່ານ ວິລະ​ສັກ ນາມ​ມຸນຕີ ເຈົ້າເມືອງ​ນາ​ຊາຍທອງ ທ່ານ ດູລາ ວົງ​ເລີດ​ມະນີ ຫົວໜ້າ​ຫ້ອງການ​ອຸດສາຫະກຳ ແລະ ການ​ຄ້າເມືອງ ພ້ອມດ້ວຍ​ຜູ້ຕາງໜ້າ​ຈາກ​ພະ​ແນກ​ອຸດສາ​ຫະ​ກຳ ແລະ ການ​ຄ້າ ແລະ ຄອບຄົວ​ຕົວ​ແບບ​ທັງ​ໝົດ​ເຂົ້າຮ່ວມ.

ທ່ານ ດູລາ ວົງ​ເລີດ​ມະນີ ກ່າວ​ວ່າ: ເມືອງ​ນາ​ຊາຍ​ທອງ ມີທ່າແຮງ​ທາງ​ດ້ານ​ເສດຖະກິດ ກໍ່ຄືດ້ານ​ການ​ຜະລິດ​ກະສິກຳ ເປັນຕົ້ນ ປູກຝັງ ລ້ຽງສັດ​ເປັນສ່ວນ​ໃຫຍ່​ ກວມ​ເອົາ 75% ໄດ້ເອົາໃຈໃສ່​ຊຸກຍູ້​ດ້ານ​ກະສິກຳ ຫັດຖະກຳ ອຸດສາຫະກຳ ​ຕາມ​ທິດຫັນ​ເປັນ​ອຸດສາຫະກຳ ແລະ ທັນສະໄໝ ໂດຍ​ໄດ້​ສົ່ງເສີມ​ການ​ຜະລິດ​ເປັນ​ສິນຄ້າ​ ເລີ່ມ​ຈາກ​ຄອບຄົວຂອງ​ປະຊາຊົນ ການ​ຜະລິດ​ສະບຽງ​ອາຫານ​ພຽງພໍ​ກັບ​ຄວາມຕ້ອງການ​ຂອງ​ຜູ້​ບໍລິໂພກ ໃນ​ແຕ່ລະ​ປີ​ສາມາດ​ຜະລິດ​ເຂົ້າ​ໄດ້​ທັງສອງ​ລະດູ​ບັນລຸ 47.761 ໂຕນ​ຕໍ່​ປີ ສະເລ່ຍ​ຕໍ່​ຫົວ​ຄົນ​ໄດ້ 566 ກິ​ໂລ ເຂົ້າເປືອກ​ຕໍ່​ຄົນ​ຕໍ່​ປີສະໜອງ​ໃຫ້ກັບ​ຕະຫຼາດນະຄອນຫຼວງ 23.252 ໂຕນ​ຕໍ່​ປີ ແລະ ໄດ້​ມີການຈັດຕັ້ງ​ກຸ່ມ​ການ​ຜະລິດ​ຕາມນະໂຍບາຍ 1 ເມືອງ 5 ຜະລິດ​ຕະພັນ 1 ບ້ານ 1 ຜະລິດ​ຕະ​ພັນ ປັດຈຸ​ບັນ ເມືອງ​ສຳເລັດ​ແລ້ວ 1 ຜະລິດ​ຕະ​ພັນ​ທີ່​ໄດ້​ຮັບ​ກາ​ໝາຍ ODOP ແລະ ກຳລັງ​ສະເໜີ​ເພີ່ມອີກ 2 ຜະລິດ​ຕະ​ພັນ ຕາມ​ການຈັດຕັ້ງ​ກຸ່ມ​ການຜະລິດ​ມີ​ທັງ​ໝົດ 4 ກຸ່ມ ປະກອບມີ: ກຸ່ມ​ປູກ​ຜັກ​ທີ່​ດີ ກຸ່ມ​ສາລີ​ຫົວອາຫານ​ສັດ ກຸ່ມ​ປູກ​ພືດ​ຜັກ​ອິນ​ຊີ ແລະ ກຸ່ມ​ລ້ຽງ​ໄກ່​ພັນ​ໄຂ່ ນອກຈາກ​ການ​ສ້າງຕັ້ງ​ເປັນ​ກຸ່ມ​ແລ້ວ ຍັງ​ມີ​ຄອບຄົວ​ຕົວ​ແບບ​ທີ່​ເຫັນວ່າ​ມີ​ຄວາມ​ດີເດັ່ນ ​ສ້າງ​ເສດ​ຖະກິດ​ຄອບຄົວ​ໃຫ້​ມີ​ຄວາມ​ເຂັ້ມແຂງ ຈຳນວນ 254 ຄອບຄົວ ດ້ານ​ອຸດສາຫະກຳການ​ຄ້າ ແລະ ການ​ບໍລິການ ມີ​ຫົວໜ່ວຍທຸລະ​ກິດ​ທັງ​ໝົດ 2.502 ຫົວໜ່ວຍ ແລະ ບັນດາ​ໂຮງງານໂຮງ​ຊ່າງ​ຫັດຖະກຳ 200 ກວ່າແຫ່ງ.

ປັດຈຸບັນ ທົ່ວ​ເມືອງ​ນາ​ຊາຍທອງ​ມີ​ບ່ອນຊື້-ຂາຍ ແລກປ່ຽນສິນຄ້າ​ຮູ້ຈັກ​ຄ້າຂາຍ ​ເຮັດ​ໃຫ້​ຮູບແບບ​ການ​ຜະລິດ​ແບບ​ທຳ​ມະຊາດ​ໃນ​ເມື່ອ​ກ່ອນ​ ຫັນ​ໄປ​ສູ່​ການຜະລິດ​ເປັນ​ສິນຄ້າ​ກ້າວ​ເປັນ​ອຸດສາ​ຫະ​ກຳ​ນັບ​ມື້​ຫຼາຍ​ຂຶ້ນ ຄອບຄົວ​ປະຊາຊົນ​ຈຳນວນ​ໜຶ່ງ​ມີ​ລາຍຮັບ​ສູງ ສາມາດ​ປັບປຸງ​ຄຸນະພາບຊີວິດ​ການ​ເປັນ​ຢູ່​ດີ​ຂຶ້ນ ສາມາດຫຼຸດ​ພົ້ນ​ອອກ​ຈາກ​ຄວາມທຸກຍາກ ຫຼາຍ​ບ້ານ​ກໍ່​ມີ​ການ​ພັດ​ທະນາ​ປ່ຽນແປງ​ໃໝ່​ໃນ​ທ່າ​ອ່ຽງ​ດີກວ່າ​ເກົ່າ ສາມາດ​ສ້າງ​ເສດ​ຖະກິດ ແລະ ຊີວິດ​ການ​ເປັນ​ຢູ່​ທີ່​ດີຂຶ້ນ​ເປັນ​ກ້າວໆ.

 

ແຫລ່ງຂ່າວ:

ວຈໝ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...