spot_img
Homeຂ່າວພາຍ​ໃນສະພາບລວມດ້ານເສດຖະກິດ ແລະການຄ້ານະຄອນຫຼວງ ໃນສົກປີຜ່ານມາ

ສະພາບລວມດ້ານເສດຖະກິດ ແລະການຄ້ານະຄອນຫຼວງ ໃນສົກປີຜ່ານມາ

Published on

ສະ­ພາບ​ໂດຍ​ລວມ​ຢູ່​ພາຍໃນ​ປະ­ເທດ​ເຮົາ​ເຫັນ​ວ່າ: ສະ­ພາບເສດ­ຖະ­ກິດ​ມະ­ຫາ​ພາກ​ມີ​ສະ­ຖຽນລະ​ພາບ​ໂດຍ​ພື້ນ­ຖານ, ອັດ­ຕາ​ແລກປ່ຽນ​ມີ​ຄວາມ​ໝັ້ນ​ທ່ຽງ​ພໍ​ສົມຄວນ, ເສດ­ຖະ­ກິດ​ຂອງ​ປະ­ເທດ​ຍັງສືບ­ຕໍ່​ຂະ­ຫຍາຍ­ຕົວ​ດີ​ຂຶ້ນ, ສະ­ພາບສັງ­ຄົມ​ມີ​ຄວາມ​ສະ­ຫງົບ​ປອດ​ໄພ ແລະ​ຊິ­ວິດ​ການ​ເປັນ​ຢູ່​ຂອງ​ປະ­ຊາຊົນ​ໄດ້​ຮັບ​ການ​ປັບ­ປຸງ​ໃຫ້​ດີ​ຂຶ້ນ​ເທື່ອລະ​ກ້າວ ແລະ​ທັງ​ໝົດ​ນີ້ ໄດ້​ສົ່ງ​ຜົນກະ­ທົບ​ຕໍ່​ການ­ຈັດ­ຕັ້ງ​ປະ­ຕິ­ບັດ​ແຜນ ພັດ­ທະ­ນາ​ເສດ­ຖະ­ກິດ-ສັງ­ຄົມຂອງ​ປະ­ເທດ​ເຮົາ ກໍ​ຄື​ນະ­ຄອນ­ຫຼວງ​ວຽງຈັນ, ມີ​ການ​ຂະ­ຫຍາຍ­ຕົວ​ໃນ​ລະ­ດັບ 12,8% ຕາມ​ແຜນ­ການ​ທີ່​ວາງໄວ້, ສ້າງ​ມູນ​ຄ່າ​ເພີ່ມ​ລວມ​ຍອດ​ຜະລິດ​ຕະ​ພັນ​ພາຍ​ໃນ (GDP) ໄດ​ປະ­ມານ 35 ພັນ​ຕື້​ກວ່າ​ກີບ, ສະ­ເລ່ຍ​ໃສ່​ຫົວ​ຄົນ​ບັນ­ລຸ​ໄດ້ 4,390 ໂດ​ລາ.

ອີງ­ໃສ່​ຂໍ້​ມູນຂອງ​ພະ​ແນກ​ແຜນການ, ນະ­ຄອນ­ຫຼວງ​ວຽງ​ຈັນ​ລາຍງານ​ຕໍ່​ນັກ​ຂ່າວ​ເສດ­ຖະ­ກິດ-ສັງຄົມ​ໃຫ້​ຮູ້​ວ່າ: ເສດ­ຖະ­ກິດ​ຂອງ​ນະຄອນ​ຫຼວງ​ວຽງ​ຈັນ ແມ່ນ​ຍັງ​ຢູ່​ໃນທ່າ​ອ່ຽງ​ຂະ­ຫຍາຍ­ຕົວ ເນື່ອງ​ຈາກວ່າ​ຍັງ​ມີ​ຫຼາຍ​ປັດ​ໄຈ​ທີ່​ເປັນ​ດ້ານບວກ​ກະ­ທົບ​ໃສ່​ເປັນ­ຕົ້ນ: ທ່າ​ອ່ຽງການ​ລົງ­ທຶນ​ຍັງ​ດີ, ສະ­ພາບ​ການ​ບໍລິ​ໂພກ ແລະ​ການ​ຊົມ­ໃຊ້​ຂອງ​ປະຊາ​ຊົນ​ໃນ​ໄລ­ຍະ​ຜ່ານ​ມາ​ມີ​ບັນ​ຍາກາດ​ຟົດ­ຟື້ນ​ດີ, ສະ­ແດງ​ອອກ​ໃນສົກ​ປີ 2014-2015 ນະ­ຄອນຫຼວງ​ວຽງ​ຈັນ ໄດ້​ຮັບ​ຕົວ​ເລກ​ຄາດໝາຍ​ສູ້​ຊົນ​ຂຸດ​ຄົ້ນ​ລາຍ​ຮັບ​ໄດ້​ທັງໝົດ 988 ຕື້​ກວ່າ​ກີບ, ເທົ່າ​ກັບ71,84%, ໃນ​ນັ້ນ ສູນ​ກາງ​ຈັດເກັບ​ໄດ້ 240,50 ຕື້​ກີບ ແລະ​ນະຄອນ​ຫຼວງ​ຈັດ​ເກັບ​ໄດ້ 747,82 ຕື້​ກີບ, ທຽບ­ໃສ່​ແຜນ­ການ​ປະ­ຕິ­ບັດໄດ້ 70,73%, ແຍກ​ລະ­ອຽດ​ໄດ້​ຄື: ຮັບ​ຈາກ​ສ່ວຍ​ສາ​ອາ­ກອນ 711,44  ຕື້​ກີບ ທຽບ­ໃສ່​ແຜນ­ການ​ປີ​ປະ­ຕິ­ບັດ​ໄດ້ 72,92%, ຮັບ​ຈາກ​ຊັບ​ສິນ ຂອງ​ລັດ 34,92 ຕື້​ກີບ, ທຽບ­ໃສ່ແຜນ­ການ​ປີ​ປະ­ຕິ­ບັດ​ໄດ້ 43,06%,ຮັບ​ຈາກ​ພາ­ສີ​ອາ­ກອນ (ນັບ​ທັງສູນ​ກາງ) 240,50 ຕື້​ກີບ​ທຽບ­ໃສ່ ແຜນ­ການ​ປີ​ປະ­ຕິ­ບັດ​ໄດ້ 75,54%, ຮັບ​ຈາກ​ການ​ຄຸ້ມ​ຄອງ​ວິ​ສາ​ຫະ​ກິດ 1,48 ຕື້​ກີບ, ທຽບ­ໃສ່​ແຜນ­ການ​ປີ ປະ­ຕິ­ບັດ​ໄດ້ 223,33% ແລະ ໂດຍ ໃນ​ນັ້ນ ຕາມ​ການ​ຄາດ​ຄະ­ເນ​ໃນ ເບື້ອງ​ຕົ້ນ​ຂອງ​ວິ­ຊາ​ການ​ຄາດ ວ່າ​ໃນ​ສົກ​ປີ 2014-2015, ຜ່ານມາ​ການ​ເຕີບ​ໂຕ​ເສດ­ຖະ­ກິດ​ຂອງນະ­ຄອນ­ຫຼວງ​ວຽງ​ຈັນ ແມ່ນ​ມີການ​ຂະ­ຫຍາຍ­ຕົວ​ຢູ່​ໃນ​ລະ­ດັບ 12,8%  (ຕາມ​ແຜນ­ການ​ທີ່​ວາງໄວ້), ສ້າງ​ມູນ​ຄ່າ​ເພີ່ມ​ລວມ​ຍອດ​ຜະ­ລິດ​ຕະ​ພັນ​ພາຍ​ໃນ (GDP) ໄດ້​ປະ­ມານ 35,400 ຕື້​ກີບ, ສະ­ເລ່ຍ​ໃສ່​ຫົວ​ຄົນ​ບັນ­ລຸ​ໄດ້ 4,390 ໂດລາ, ໃນ​ນັ້ນ ກະ​ສີ​ກຳ-ປ່າ­ໄມ້ ເພີ່ມ ຂຶ້ນ 8% ກວມ​ເອົາ 16% ຂອງ GD-P, ອຸດ­ສາ­ຫະ­ກຳ ເພີ່ມ​ຂຶ້ນ 15%,  ກວມ​ເອົາ 47% GDP, ການ​ບໍ­ລິ­ການ​ເພີ່ມ​ຂຶ້ນ 13% ກວມ​ເອົາ 37%  ຂອງ GDP.

ນອກ​ນັ້ນ ຂະ­ແໜງ​ອຸດ​ສາ​ຫະ ກຳ ແລະ​ການ​ຄ້າ ນະ­ຄອນ­ຫຼວງ ວຽງ​ຈັນ, ຍັງ​ສາ­ມາດ​ຂຶ້ນ​ທະ­ບຽນ ທາດ​ເຄ​ມີ ໄດ້​ຈຳ­ນວນ 19 ໂຮງ ງານ ແລະ​ໄດ້​ເອົາ­ໃຈ­ໃສ່​ລົງ​ກວດ­ກາ​ສະ­ຖານ­ທີ່​ສ້າງ­ຕັ້ງ​ໂຮງ­ງານ, ກ່ອນ​ຈະ​ມີ​ການ​ປຸກ​ສ້າງ​ໂຮງ­ງານ ຈຳ­ນວນ 11 ໂຮງ­ງານ ແລະ​ໄດ້​ຂໍນຳ​ເຄື່ອງ​ຈັກ​ມາ​ຮັບ​ໃຊ້​ການ​ຜະ­ລິດພາຍ​ໃນ ໂຮງ­ງານ, ຂໍ​ນຳ​ເຂົ້າ​ວັດ­ຖຸດິບ​ແຜ່ນ­ແພ ແລະ​ສົ່ງ​ວັດ­ຖຸ​ອອກ​ຄືນ ມີ​ທັງ​ໝົດ​ຈຳ­ນວນ 10 ໂຮງ­ງານແລະ​ພ້ອມ​ດຽວ​ກັນ​ນີ້​ກໍ​ໄດ້​ອອກອະ­ນຸ­ຍາດ​ດຳ­ເນີນ​ກິດ­ຈະ­ການ 18  ແຫ່ງ,  ມີ​ທຶນ​ທັງ​ໝົດ  75,16  ຕື້​ກີບ,  ທຽບ­ໃສ່​ສົກ​ປີ 2013-2014 ມີ 32 ຫົວ­ໜ່ວຍ, ເຫັນ​ວ່າ​ຫຼຸດ​ລົງ 14 ຫົວ­ໜ່ວຍ​ເທົ່າ​ກັບ 43,75% ແລະ​ໄດ້​ຕໍ່​ອະ­ນຸ­ຍາດ​ດຳ­ເນີນ​ໂຮງງານ, ກິດ­ຈະ­ການ​ໄດ້ 61 ແຫ່ງ,ມີ​ທຶນ​ທັງ​ໝົດ 230 ຕື້​ກີບ, ທຽບ­ໃສ່ ສົກ​ປີ 2013-2014 ມີ 38 ຫົວ ໜ່ວຍ ແລະ​ເຫັນ​ວ່າ​ເພີ່ມ​ຂຶ້ນ 23 ຫົວ­ໜ່ວຍເທົ່າ​ກັບ 60,52%.

ທີ່ມາ:logo

ບົດຄວາມຫຼ້າສຸດ

ຄົ້ນຄວ້າ-ປຶກສາຫາລື 8 ບັນດາຫົວຂໍ້ທີ່ສໍາຄັນ ໃນກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025

ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ໄດ້ໄຂຂຶ້ນໃນຕອນເຊົ້າ ວັນທີ 25 ສິງຫາ2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ,...

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...