ໃນໄລຍະທີ່ຜ່ານມາຈະເຫັນໄດ້ວ່າບໍລິສັດ Microsoft ນັ້ນໄດ້ສ້າງຄວາມສຳພັນກັບຜູ້ຜະລິດສະມາດໂຟນຍອດນິຍົມຈາກປະເທດຈີນນັ້ນກໍຄື Xiaomi. ເຊິ່ງກ່ອນໜ້ານີ້ກໍຄືການຮ່ວມມືກັນລະຫວ່າງ Microsoft ແລະ Xiaomi ທີ່ໄດ້ປ່ອຍ Windows 10 Mobile ROM ໃຫ້ກັບສະມາດໂຟນເຮືອທຸງ Mi 4 ໃຫ້ໄດ້ໃຊ້ກັນ ທົ່ວໂລກໄປແລ້ວ. ອີງຕາມຂ່າວກ່ອນໜ້ານີ້ Windows 10 Mobile ສຳລັບ Xiaomi Mi 4 ອອກແລ້ວ
ເຊິ່ງມື້ນີ້ເອງກໍມີຂ່າວລືວ່າຜູ້ຜະລິດສະມາດໂຟນ Xiaomi ຈະເປີດໂຕສະມາດໂຟນເຮືອທຸງ Xiaomi Mi 5 ທີ່ໃຊ້ລະບົບປະຕິບັດການ Windows 10 Mobile ຢ່າງເປັນທາງການ ໃນ MWC 2016 ທີ່ຈະຈັດຂຶ້ນໃນວັນທີ 24 ເດືອນກຸມພາທີ່ຈະມາຮອດນີ້. ເຊິ່ງລາຍລະອຽດຫຍໍ້ໆຂອງໂຕເຄື່ອງນັ້ນກໍຄື ຈະໃຊ້ຊິບປະມວນຜົນ Snapdragon 820 ໂຕໃໝ່ຫຼ້າສຸດ ແລະມີ RAM 4GB , ພື້ນທີ່ຈັດເກັບພາຍໃນມີຕັ້ງແຕ່ 16, 64 ແລະ 128GB, ຮອງຮັບ NFC ແລະ dual-SIM.
ທີ່ມາ:wmpoweruser