ໂດຍປົກກະຕິ ບຸນວັດພູຈຳປາສັກ ຈະຈັດຂຶ້ນໃນມື້ອອກໃໝ່ 12 ຄໍ່າ ຫາມື້ເພັງ 15 ຄໍ່າ ເດືອນ 3 ຂອງທຸກໆ ປີ ເຊິ່ງປີນີ້ ກໍຈະກົງກັບວັນທີ 19-22 ມັງກອນ (2016) ໃນງານບຸນຈະມີຫຼາຍກິດຈະກຳ ເພື່ອກະຕຸ້ນການທ່ອງທ່ຽວ, ສ້າງຄວາມສາມັກຄີ, ສ້າງບຸນກຸສົນ ແລະສ້າງລາຍຮັບໃຫ້ແກ່ປະຊາຊົນ ເຊັ່ນ ມີການວາງສະແດງສິນຄ້າ, ການສະແດງສິລະປະວັນນະຄະດີ, ການຮັກສາສິນໃຫ້ທານ ແລະພິເສດປີນີ້ ເພິ່ນຈະມີການປະກວດນາງສາວຈຳປາສັກ ເພື່ອສ້າງສີສັນແລະບັນຍາກາດ ໃຫ້ແກ່ງານບຸນ ໃຫ້ມີຄວາມເບີກບານມ່ວນຊື່ນ ແລະໜ້າທ່ຽວໜ້າຈົດຈຳຫຼາຍຂຶ້ນ.