ບໍລິສັດປີໂຕຣລ້ຽມເທຣດດິ້ງລາວມະຫາຊົນ ໄດ້ຕັດສິນໃຈເປັນຜູ້ສະໜັບສະໜູນ ແລະ ອຸປະຖໍາຫຼັກໃຫ້ແກ່ສະໂມສອນລ້ານຊ້າງຢູໄນເຕັດ ໃນການກ້າວເຂົ້າສູ່ການແຂ່ງຂັນບານເຕະພຣີເມຍລີກ ຕະຫຼອດ 2 ລະດູການຄືໃນປີ 2016 ທີ່ຈະມີຂຶ້ນໃນທ້າຍເດືອນກຸມພານີ້ ແລະ ລະດູການປີ 2017 ເພື່ອເປັນການພັດທະນາວົງການກີລາບານເຕະກໍຄືສະໂມສອນລ້ານຊ້າງຢູໄນເຕັດ ໃຫ້ກ້າວເປັນສະໂມສອນອາຊີບລະດັບແຖວໜ້າຂອງປະເທດລາວ ແລະ ສ້າງໃຫ້ນັກເຕະມີວິໄນ ມີຈັນຍາບັນ ແລະ ຫ້າວຫັນໃນການພັດທະນາຕົນເອງໃຫ້ກ້າວສູ່ການແຂ່ງຂັນລະດັບພາກພື້ນ ແລະ ສາກົນ.
…….ພິທີເຊັນສັນຍາເປັນຜູ້ສະໜັບສະໜູນຫຼັກດັ່ງກ່າວ ໄດ້ຈັດຂຶ້ນໃນຕອນແລງວັນທີ 11 ມັງກອນ 2016 ທີ່ສະໜາມກີລາລ້ານຊ້າງຢູໄນເຕັດ ບ້ານສົມຫວັງ ເມືອງຫາດຊາຍຟອງ ນະຄອນຫຼວງວຽງຈັນ ລະຫວ່າງ ທ່ານຈັນທອນ ສິດທິໄຊ ຜູ້ອໍານວຍການໃຫຽ່ບໍລິສັດປີໂຕຣລ້ຽມເທຣດດິ້ງລາວມະຫາຊົນ ແລະ ທ່ານ ທະຈິດ ອິນທິລາດ ປະທານບໍລິສັດອິນທາຄອບໂປເຣຊັນ ທັງເປັນປະທານສະໂມສອນລ້ານຊ້າງຢູໄນເຕັດ ມີບັນດາພະນັກງານວິຊາການທີ່ກ່ຽວຂ້ອງທັງສອງຝ່າຍເຂົ້າຮ່ວມເປັນສັກຂີພິຍານ.
ຂ່າວ/ພາບ: ເທບພະວົງ
ແຫ່ລງຂ່າວ
