ການແຂ່ງຂັນບານເຕະພຣີເມຍລີກ ອັງກິດ ເກມນັດຄືນວັນຈັນ ທີ່ສະໜາມເອມິເລດສ໌ ສະເຕດ້ຽມ ເກມທີ່ ປືນໃຫຍ່ ອາເຊນອນ ເປີດຮັງຕ້ອນຮັບການມາເຢືອນ ຂອງ ເຮືອໃບສີຟ້າ ແມນເຊສເຕີລ໌ ຊິຕີ້
ໂດຍເກມນີ້ ເຈົ້າຖິ່ນຂອງ ອາລ໌ແຊນ ເວນເກີລ໌ ຕົວເຈັບຍັງຄົງລົງບໍ່ໄດ້ບໍ່ວ່າຈະເປັນ ແຈັກ ວິນຊຽນລ໌, ໂທມັດ ໂລຊິກກີ້, ແດນນີ້ ເວນເບກ, ຟຣານຊິດ ໂກເກີແລງ, ຊານຕິ ກາຊໍລ່າ ແລະ ອາເລັກຊິດ ຊານເຊຊ ແລະ ເກມນີ້ໃຊ້ຊຸດເກົ່າ ອາລ່ອນ ແລມຊີຍ໌, ໂອລິວິເຍລ໌ ຊິລູດ໌ ແລະ ເມຊຸດ ໂອຊີລ ລົງສະໜາມ
ດ້ານທີມເຢືອນຂອງ ມານູເອລ ເປເຍກິນີ້ ມີຂ່າວດີຄື ເຊລ໌ຄິໂອ ‘ກຸນ’ ອະເກວໂລ່ ຟິດລົງໃນເກມນີ້ ສ່ວນຕົວເກັ່ງຄົນອື່ນໆ ຢາຢ່າ ຕູເລ່, ເຄວີນ ເດີ ບຣອຍນ໌ ແລະ ດາບິດ ຊິລບາ ເກມນີ້ລົງສະໜາມຄົບໝົດ
ຜົນການແຂ່ງຂັນປະກົດວ່າ ອາເຊນອນ ຊະນະ ແມນເຊສເຕີລ໌ ຊິຕີ້ 2-1 ໂດຍເຈົ້າຖີ່ນອອກນຳກ່ອນ 2 – 0 ປະຕູ ຈາກ ທີໂອ ວັນຄັອດຕ໌ ໃນນາທີ 33 ແລະ ໂອລິວິເຍລ໌ ຊິລູດ໌ ໃນໄລຍະທົດເວລາບາດເຈັບເຄີ່ງເວລາທຳອິດ ຂະນະທີ່ທີມເຍືອນ ໄດ້ປະຕູຕີໄຂ່ແຕກ ຈາກ ຢາຢ່າ ຕູເລ່ ໃນນາທີທີ່ 82 ໄຊຊະນະເກມນີ້ ເຮັດໃຫ້ ອາເຊນອນ ນຳຫຼັງ ເລສເຕີລ໌ 2 ຄະແນນເທົ່າເດີມ ໂດຍມີ 36 ຄະແນນ ຢູ່ອັນດັບ 2 ຂອງຕາຕະລາງ ແລະໜີຈາກ ເເມນຊິຕີ້ ໄປແລ້ວ 4 ຄະແນນ ເມື່ອຜ່ານໄປ 17 ນັດ ທາງດ້ານ ເເມນຊິຕີ້ ມີ 32 ຄະແນນ ເເຂ່ງ 17 ນັດ ຍັງຢູ່ອັນດັບທີ່ 3 ຂອງຕາຕະລາງ