spot_img
Homeຂ່າວການພັດທະນາສົນທະນາພາຍໃຕ້ຫົວຂໍ້ “ ການມີສ່ວນຮ່ວມຂອງໄວໜຸ່ມໃນການພັດທະນາ ”

ສົນທະນາພາຍໃຕ້ຫົວຂໍ້ “ ການມີສ່ວນຮ່ວມຂອງໄວໜຸ່ມໃນການພັດທະນາ ”

Published on

conversation

ວັນ​ທີ 18 ທັນວາ​ນີ້, ສູນ​ກາງຊາວ​ໜຸ່ມ​ລາວ​ຮ່ວມ​ກັບ​ອົງການ​ສະຫະ​ປະຊາ​ຊາດ​ກອງ​ທືນສຳລັບ​ປະຊາກອນ (UNFPA) ຈັດ​ເວທີ​ສົນທະນາ​ພາຍ​ໃຕ້​ຫົວ​ຂໍ້ : “ ການ​ມີ​ສ່ວນ​ຮ່ວມ​ຂອງ​ໄວ​ໜຸ່​ມ​ໃນ​ການ​ພັດທະນາ​” ຂຶ້ນທີ່​ໂຮມ​ແຮມ​ວຽງ​ຈັນ​ພາ​ຊາ,​ ​ນະຄອນຫຼວງ​ວຽງ​ຈັນ,​ ໂດຍ​ມີ​ຜູ້​ຕ່າ​ງໜ້າ​ຈາກ​ສູນ​ການ​ຊາວ​ໜຸ່ມ, ສະພາ​ແຫ່ງ​ຊາດ, ສະຫະພັນ​ແມ່ຍິງລາວ ​ແລະ ຜູ້​ຕ່າງ​ໜ້າ​ຈາກ​ອົງການ​ຈັດ​ຕັ້ງ​ສາກົນ​ເຂົ້າ​ຮ່ວມ​​ເພື່ອ​ແລກປ່ຽນບັນຫາ​ຕ່າງໆ​ດ້ວຍ​ກັນ​, ​ໂດຍ​ສ່ວນ​ຫຼາຍ​ແມ່ນ​​ເນັ້ນ​​ໃສ່​ຍຸດ​ທະ​ສາດ​ການ​ພັດທະນາ​ໄວ​ໜຸ່ມ ​ແລະ ຜົນ​ການ​ວິ​ໄຈ​ສະພາບ​ຊາວ​ໜຸ່ມ-​ເຍົາວະ​ຊົນ​ຢູ່​ສປປລາວ, ​ໂດຍ​ສະ​ເພາະ​ແມ່ນ​ການ​ມີສ່ວນ​ຮ່ວມ​ຂອງ​ໄວ​ໜຸ່ມ​ເຂົ້າ​ໃນ​ວຽກ​ງານ​ຕ່າງໆ​ເຊັ່ນ: ການ

ວາງ​ແຜນ​ພັດທະນາ​ປະ​ເທດ​, ວຽກ​ງານ​ບົດບາດ​ຍິງ-ຊາຍ ​ແລະ ສິດທິ​ຂອງ​ໄວ​ໜຸ່ມ​ຍິງ​​ໃນ​ການ​ມີ​ສ່ວນ​ຮ່ວມ​ບໍລິຫານ​ແຕ່ລະ​ຂັ້ນ ​ແລະ ການສະ​ໜອງ​ຂໍ້​ມູນ​ຂ່າວສານ, ຊຶ່ງ​ຕາມ​ຜົນ​ການ​ວິ​ໄຈ​ສະພາບ​ໄວ​ໜຸ່ມ-​ເຍົາວະ​ຊົນ​ຢູ່​ ສປປ ລາວ ( AYSA ) ​ໄດ້​ຊີ້​ໃຫ້​ເຫັນ​ວ່າ: ​ໃນ​ຜ່ານ​ມາ​ນີ້​​ໄວ​ໜຸ່ມບໍ່​ຄ່ອຍ​​ມີ​ໂອກາດ​​ໄດ້ປະກອບສ່ວນ​ໃນ​ການ​ຕັດສິນບັນຫາ​ທີ່​ກ່ຽວຂ້ອງ​ກັບ​ຊີວິດ​ຂອງ​ເຂົາ​ເຈົ້າ​ໃນ​ທຸກ​ລະດັບ, ​ໂດຍ​ສະ​ເພາະ​ແມ່ນ​ຢູ່​ເຂດ​ຊົນນະບົດ, ອາດ​ບໍ່​ມີ​ຜູ້ຕ່າງ​ໜ້າ​ຂອງ​ຊາວ​ໜຸ່ມ​ຢູ່​ໃນ​ບ້ານຫຼື ​ໂອ​ກາ​ດ ຂອງ​​ການ​ມີ​ສ່ວນ​ຮ່ວມ​ອາດ​ບໍ່​ມີ​ຫຼາຍ, ສຳລັບ​ໄວ​ໜຸ່​ມ​ໃນ​ຕົວ​ເມືອງ​ປາກົດ​ວ່າຄວາມ​ຕ້ອງການ​ທີ່​ຈະ​ປະກອບສ່ວນ​ມີ​ຫຼາຍ​ແຕ່​ມີ​ເວທີ​ຈຳກັດ,​ ໂດຍ​ສະ​ເພາະ​ຜູ້​ທີ່​ມີ​ລະດັບ​ການ​ສຶກສາ​ຕ່ຳ, ນອກຈາກ​ນັ້ນ​ໄວ​ໜຸ່ມ​ຍັງ​ມີ​ຂໍ້​ຈຳກັດ​ໃນ​ການ​ມີ​ສ່ວນ​ຮ່ວມ​, ​ເນື່ອງມາ​ຈາກ​ແນວ​ຄວາມ​ຄິດ​ຂອງ​ຕົນ​ເອົງ​​,​ ຍັງ​ຖືກ​ຈຳກັດ​ຍ້ອນ​ແນວ​ຄວາມ​ຄິດ​ຂອງ​ພໍ່​ແມ່ ​ແລະ ຜູ້ນຳ​ໃນ​ທ້ອງ​ຖິ່ນ, ປາສະຈາກ​ການ​​ເປັນ​ຕົວ​ແທນ​ຈາກ​ອົງການ​ຈັດຕັ້ງ​ເຊັ່ນ: ສູນ​ກາງ​ຊາວ​ໜຸ່ມ, ຊຶ່ງ​ໝາຍ​ຄວາມ​ວ່າ​ບໍ່​ມີ​ເວທີ​ສຳລັບ​ການ​ອອກສຽງ​ຂອງ​ໄວ​ໜຸ່ມ ​ແລະ ​ເຍົາວະ​ຊົນ​ໃນ ສປປ ລາວ. ດັ່ງ​ນັ້ນ​ອຸປະສັກ​​ໃນການ​ມີ​ສ່ວນ​ຮ່ວມ​ຂອງ​​ໄວ​ໜຸ່ມ​​ໃນ​ຂະ​ບວນການ​ຕັດສິນ​ບັນ​ຫາ​ໃນ​ທຸກ​ລະດັບ​ແມ່ນ​ມີ​ຫຼາຍ​ເຊັ່ນ: ການ​ສຶກສາ, ທັດ​ສະ​ຂອງ​ໄວ​ໜຸ່ມ​​ເອງ, ຂາດ​ຂໍ້​ມູນ​ຂ່າວສານ, ຄວາມ​ສະ​ເໝີ​ພາບ​ລະຫວ່າງ​ຍິງ-ຊາຍ, ພາສາ, ຖານະ​ທາງດ້ານ​ການ​ເງິນ, ທັດສະນະ​ຄະຕິ​ຂອງ​ຜູ້​ໃຫຍ່,ວັດທະນະທຳ ​ແລະ ​ອື່ນໆ ​ເພື່ອ​ທັບ​ມ້າງ​ອຸ​ປະ​ສັກ​ດັ່ງກ່າວ​ມັນ​ມີຄວາ​ມຈຳ​ເປັນ​ຕ້ອງ​ໄດ້​ເຮັດ​ວຽກ​ຮ່ວມ​ກັບ​ໄວ​ໜຸ່ມ​ເພື່ອເປັນ​ຄູ່​ຮ່ວມ​ງານ, ສ້າງ​ຄວາ​ມອາດ​ສາມາດ, ທັດສະ ​ແລະ ຄວາມ​ໝັ້ນ​ໃຈ, ລວມທັງ​ສ້າງ​ສະພາບ​​ແວດ​ລ້ອມ​ທີ່​ເອື້ອ​ອຳ​ນວຍ​ເພື່ອ​ຊຸກຍູ້​ໃຫ້​ໄວ​ໜຸ່ມ​ປະກອບ​ສ່ວນ​​ເຂົ້າ​ໃນ​ການ​ພັດທະນາ​ປະ​ເທດ​ຊາດ​ໃນ​ທຸກ​ລະດັບ ​ແລະ ​ເພື່ອຮັບປະກັນ​ການ​ມີ​ສ່ວນ​ຮ່ວມ​ຂອງ​ໄວ​ໜຸ່ມ,​ ພວກ​ເຮົາ​ຕ້ອງ​ໄດ້​ຮັບປະ​ກັນ​ວ່າ​: ​​ໄວ​ໜຸ່ມ​ເປັນ​ບຸລິມະສິດ ​ແລະ ​ເປັນ​ໃຈກາງ​ຂອງ​ການ​ພັດທະນາ, ຮັບ​ຮູ້ ​ແລະ​ ​ເຂົ້າ​ໃຈຄວາມ​ຫຼາກ​ຫຼາຍ​ໃນ​ກຸ່ມ​ໄວ​ໜຸ່ມ ​ແລະ ສ້າງ​ໂອກາດ​ໃຫ້​ເຂົາ​ເຈົ້າ,​ ໂດຍ​ສະ​​ເພາະ​ແມ່ນ​ຜູ້​ທີ່​ມີ​ຄວາມ​ສ່ຽງ ​​ແລະ ດ້ອຍ​ໂອກາດ​ເພື່ອ​​ໃຫ້​ເຂົາ​ເຈົ້າ​ກ້າ​ສະ​ແດງ​ອອກ ​ແລະ ສ້າງ​ຄວາມ​ຮ່ວມ​ມື​ລະຫວ່າງ​ໄວ​ໜຸ່ມ ​ແລະ ຜູ້​ໃຫຍ່ ​ເພື່ອ​ສ້າງ​ຄວາມ​ເຂົ້າ​ໃຈ​ກ່ຽວ​ກັບ​ໄວ​ໜຸ່ມ.

ອົງການ​ສະຫະ​ປະຊາ​ຊາດ​ກອງ​ທືນສຳລັບ​ປະຊາກອນ​​ໃຫ້​ຮູ້​ອີກ​ວ່າ: ສປປ ລາວ​ ເປັນ​ໜຶ່ງ​ໃນບັນດາ​ປະ​ເທດ​ທີ່​ມີ​ປະຊາກອນ​ໜຸ່ມ​ຫຼາຍ​ທີ່​ສຸດ​ໃນ​ຂົງ​ເຂດ​ອາຊີ​ຕາ​ເວັນ​ອອກ​ສ່ຽງ​ໃຕ້ 60% ຂອງ​ປະຊາ​ກ່ອນ​ທັງ​ໝົດ​ແມ່ນ​ມີ​ອາຍຸ​ຕ່ຳ​ກ່ວາ25 ປີ ​ແລະ ປະ​ເທດ​ລາວ​ຈະ​ໄດ້​ຮັບ​ຜົນ​ປະ​ໂຫຍ​ດຢ່າງ​ຫຼວງ​ຫຼາຍດ້ານ​ປະຊາກອນ​ຖ້າ​ຫາກ​ວ່າ​ມີ​ການ​ລົງ​ທຶນທີ່​ເໝາະ​ສົມແລະ ພຽງພໍ, ສະ​ນັ້ນ ​ການ​ລົງ​ທຶນ​ໃສ່​ໄວ​ໜຸ່ມ, ເພື່ອ​ໃຫ້​ເຂົ້າ​ເຈົ້າ​ມີ​ສ່ວນ​ຮ່ວມ​ໃນ​ຂະ​ບວນຕັດສິນ​ບັນຫາ​ຈຶ່ງ​ເປັນ​ສິງ​ສຳຄັນ​ໃນ​ການ​ພັດທະນາ.

ແຫ່ລງຂ່າວ

ລພນ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...