ການແຂ່ງຂັນບານເຕະ ພຣີເມຍລີກ ອັງກິດ ເລສເຕີ ຊິຕີ ເປີດສະໜາມ ຄິງ ພາວເວີລ໌ ສະເຕດ້ຽມ ຮັບການມາເຢືອນຂອງ ເຊນວຊີ ແຊມປ໌ເກົ່າ ໂດຍໃນເກມນີ້ ເຄລາດິໂອ ຣານິເອລີ່ ຄູເຝິກເຈົ້າຖິ່ນ ມີພຽງແຕ່ ຣິດຊີ່ ເດ ເລດທ໌ ກັບ ແມດທິວ ເຈມສ໌ ທີ່ບາດເຈັບ ເຊີ່ງບໍ່ໄດ້ສົ່ງຜົນກະທົບຫຍັງຕໍ່ທີມເທົ່າໃດເມື່ອເຈມີ່ ວາລ໌ດີ້, ລິຢາດ ມາຫ໌ເລຊ ແລະ ມາລ໌ຄ ອັນໄບຣຕັນ ພ້ອມລົງສະໜາມທັງໝົດ

ດ້ານທີມເຢືອນຂອງ ໂຊເຊ່ ມູລິນໂຢ ສະພາບທີມອາດຈະບອກໄດ້ວ່າ 100 ເປີເຊັນເຕັມມີພຽງແຕ່ ລາດາເມລ ຟັນເກົາ ສູນໜ້າທີ່ຍັງເຈັບຢູ່ເທົ່ານັ້ນ ສ່ວນ ເອດອງ ອາຊາລ໌, ດີເອໂກ້ ຄອສຕ້າ ແລະ ວິນລ່ຽນພ້ອມລົງສະໜາມທັງໝົດໃນເກມນີ້

ຜົນການແຂ່ງຂັນປະກົດວ່າ ເກມໃນເຄີ່ງເວລາທຳອິດເຈົ້າຖິ່ນຂຶ້ນນຳໄປກ່ອນ 2-0 ຈາກ ເຈມີ່ ວາລ໌ດີ ໃນນາທີ 34 ແລະລິຢາດ ມາຫ໌ເລຊ ໃນນາທີ 48, ໃນຂະນະເຄີ່ງເວລາທີ 2 ເຊວຊີ ບຸກໜັກ ຈົນໃນນາທີ 77 ເຊວຊີ ໄລ່ຂຶ້ນມາເປັນ 1-2 ໄດ້ສຳເລັດຈາກ ໂລອິກ ເລມີ ແຕ່ກໍເຮັດໄດ້ພຽງເທົ່ານັ້ນ ຈົບເກມ ເລສເຕີ ເປີດບ້ານເກັບ 3 ຄະແນນໄດ້ສຳເລັດ 2-1 ປະຕູ ເຮັດໃຫ້ເລສເຕີ ມີ 35 ຄະແນນຈາກ 16 ນັດນຳໜ້າ ອາເຊນອນ ກັບຂຶ້ນມານຳເປັນຈ່າຝູງອີກເທື່ອຄັ້ງ ເຊວຊີ ມີ 15 ຄະແນນຈາກການລົງຫຼີ້ນ 16 ນັດເທົ່າກັນຢູ່ອັນດັບທີ 16