spot_img
Homeຂ່າວພາຍ​ໃນສສຊ ຮັບຮອງເອົາລັດຖະທໍາມະນູນປີ 2003 ສະບັບ ປັບປຸງ

ສສຊ ຮັບຮອງເອົາລັດຖະທໍາມະນູນປີ 2003 ສະບັບ ປັບປຸງ

Published on

Untitled-1.12.09 .1 sapha

ຂປລ. ການ​ດໍາ​ເນີນກອງ​ປະຊຸມ​ສະ​ໄໝ​ສາມັນ​ເທື່ອ​ທີ 10 ຂອງ​ສະພາ​ແຫ່ງ​ຊາດ​ຊຸດ​ທີ VII ​ໃນ​ວັນ​ທີ 8 ທັນວາ 2015 ພາຍ​ໃຕ້​ການ​ເປັນ​ປະທານ​ຂອງ​ ທ່ານນາງ ປານີ ຢາ​ທໍ່​ຕູ້​ ປະທານ​ສະພາ​ແຫ່ງ​ຊາດ, ບັນດາ​ສະມາຊິກ​ສະພາ​ແຫ່ງ​ຊາດ ​ເຂດ​ເລືອກ​ຕັ້ງ​ໄດ້​ພິຈາລະນາ ​ແລະ ຮັບຮອງ​ເອົາ​ລັດຖະທໍ​າມະນູນ ປີ 2003 ສະບັບ​ປັບປຸງ​ໃໝ່​ດ້ວຍ​ຄະ​ແນນ​ເຫັນ​ດີ​ເປັນ​ສ່ວນ​ຫລາຍ. ລັດຖະທໍາ​ມະນູນ​ສະບັບ​ໃໝ່​ນີ້ ​ປະກອບ​ມີ 14 ໝວດ 119 ມາດຕາ ​ເພີ່ມ​ເຂົ້າ​ໃໝ່ມີ 3 ໝວດ 21 ມາດຕາ​, ໝວດ​ທີ່​ເພີ່ມ​ເຂົ້າ​ໃໝ່​ຄື: ໝວດ​ສະພາ​ປະຊາຊົນ​ທ້ອງ​ຖິ່ນ, ອົງການ​ກວດ​ສອບ​ແຫ່ງ​ລັດ ​ແລະ ຄະນະ​ກໍາມະການ​ເລືອກ​ຕັ້ງ​ລະດັບ​ຊາດ ​ໃນ​ນັ້ນ​​ໄດ້​ປັບປຸງ​ຄໍາ​ນໍາ ​ແລະ 5 ໝວດ​ຄື: ໝວດສະພາ​ແຫ່ງ​ຊາດ, ໝວດປະທານ​ປະ​ເທດ-ລັດຖະບານ, ການ​ປົກຄອງ​ທ້ອງ​ຖິ່ນ, ສານ​ປະຊາຊົນ ​ແລະ ອົງການ​ໄອ​ຍະ​ການ​ປະຊາຊົນ.

ບັນດາ​ສະມາຊິກ​ສະພາແຫ່ງ​ຊາດ ​ໄດ້​ປະກອບ​ຄໍາ​ເຫັນເປັນ​ເອກະ​ພາບຢ່າງ​ກົງ​ໄປ​ກົງ​ມາ​ໃສ່​ລັດຖະທໍາ​ມະນູນ​ສະບັບ​ປັບປຸງ​ດັ່ງກ່າວ. ​ໂດຍ​ທ່ານ ສົມ​ພັນ ​ແພງ​ຄໍາ​ມີ ຮອງ​ປະທານ​ສະພາ​ແຫ່ງ​ຊາດ ​ໄດ້​ສະ​ເໜີ​ຜ່ານ​ມາ​​ເຖິງ​ເຫດຜົນ, ຄວາມ​ຈໍາ​ເປັນ, ຂັ້ນ​ຕອນ ​ໃຫ້​ສອດຄ່ອງກັບ​ການ​ປະຕິບັດ​ພາລະກິດ​ປ່ຽນ​ແປງ​ໃໝ່​ດ້ວຍ​ການ​ຫັນ​ແນວທາງ​ນະ​ໂຍບາຍ​ຂອງ​ພັກ​ເປັນ​ກົດໝາຍ ​ແລະ ລະບຽບ​ການ​ເຮັດ​ໃຫ້ການ​ຄຸ້ມ​ຄອງ​ລັດ, ຄຸ້ມ​ຄອງ​ເສດຖະກິດ-ສັງຄົມ ​ດ້ວຍ​ກົດໝາຍ​ມີ​ປະສິດທິ​ຜົນ ​ແລະ ມີ​ຄວາມ​ສັກສິດ​ເທື່ອ​ລະ​ກ້າວ ເປັນຕົ້ນ​ ບັນດາ​ມາດຕາ​ທີ່​ໄດ້​ປັບປຸງ​ຢູ່​ໃນ   ​ໝວດທີ II ຫາ ໝວດ​ທີ XII ​ພ້ອມ​ທັງ​ລົງ​ເລິກປະກອບ​ຄໍາ​ເຫັນ​ໃສ່​ເນື້ອ​ໃນ​ບາງ​ມາດຕາ​ເຊັ່ນ: ມາດຕາ 13 ຂອງ​ໝວດ​ທີ II ​ເຊິ່ງ​ໄດ້​ກໍານົດ​ເສດຖະກິດ​ແຫ່ງ​ຊາດ​ຂອງ ສປປ ລາວ ​ແມ່ນ​ເສດຖະກິດ​ຕະຫລາດ​ຕາມ​ທິດ​ສັງຄົມ​ນິຍົມ ​ເຊິ່ງປະກອບ​ດ້ວຍ​ຫລາຍ​ພາກສ່ວນ​ເສດ ຖະກິດ​ທີ່​ຄົງ​ຕົວຢ່າງ​ຍາວ​ນານ, ມີ​ຄວາມ​ສະ​ເໝີ​ພາບ, ທັງ​ແຂ່ງຂັນ ​ແລະ ຮ່ວມ​ມື​ກັນ​ພາຍ​ໃຕ້​ກົດໝາຍ; ມາດຕາ 52 ວ່າ​ດ້ວຍ​ສະພາ​ແຫ່ງ​ຊາດ​ເປັນ​ອົງການ​ສູງ​ສຸດ​ແຫ່ງ​ອໍານາດ​ລັດ, ນອກຈາກ​ນັ້ນ​ການ​ກໍານົດ​ສິດ​ຂອງ​ສະພາ​ແຫ່ງ​ຊາດ; ຄະ ນະ​ປະ​ຈໍາ​ສະພາ​ແຫ່ງ​ຊາດ ​ແລະ ປະທານ​ປະ​ເທດ​ຕາມ​ທີ່​ໄດ້​ກໍານົດ​ໄວ້​ໃນ​ບັນດາ​ມາດຕາ​ຂອງ​ໝວດ​ທີ V, VI, VII ​ແລະ VIII ​ໃນ​ນັ້ນບັນດາ ສສຊ ຍັງ​ໄດ້​ລົງ​ເລິກ​ປະກອບ​ຄໍາ​ເຫັນ​ໃສ່​ບາງ​ເນື້ອ​ໃນ​ທີ່​ພົວພັນ​ເຖິງສິດ​ຕົກລົງ​ຂອງ​ລັດຖະບານ​ໃນ​ການ​ໃຫ້​ສັນຊາດ, ຖອນ​ສັນຊາດ, ປະ​ສັນຊາດ ​ແລະ ການ​ໃຫ້​ສັນຊາດ​ລາວ​ຄືນ, ສິດ​ຕົກລົງ​ການ​ໃຫ້​ນາມມະຍົດ​ພົນລະ​ເມືອງ​ກິດ​ຕິ​ມະ​ສັກ​ ທີ່​ໄດ້​ກໍານົດ​ໄວ້​ໃນ​ຂໍ້​ທີ 11, 12 ຂອງ​ມາດຕາ 70; ການ​ກໍານົດ​ສິດ​ຕົກລົງ​ຂອງ​ປະທານ​ປະ​ເທດ​ ຕໍ່​ກັບ​ການອະ​ໄພ​ຍະ​ໂທດ​ຕາມ​ການສະ​ເໜີ​ ຂອງ​ລັດຖະບານ​ທີ່​ກໍານົດ​ໄວ້​ໃນ​ຂໍ້​ທີ 12 ມາດຕາ 67; ສິດ​ຕົກລົງ​​ແຕ່​ງຕັ້ງ, ຍົກ ຍ້າຍ ​ແລະ ປົດ​ຕໍາ​ແໜ່​ງຜູ້​ພິພາກສາ​ຂອງ​ສານ​ປະຊາຊົນ​ສູງ​ສຸດ, ຮອງ​ປະທານ​ສານ​ທະຫານ​ຂັ້ນ​ສູງ ​ແລະ ຜູ້​ພິພາກສາ​ຂອງ​ສານ​ປະຊາຊົນ​ທ້ອງ​ຖິ່ນ ​ພາຍຫລັງ​ທີ່​ຄະນະ​ປະ​ຈໍາ​ສະພາ​ປະ ຊາຊົນ​ຂັ້ນ​ແຂວງ​ຮັບຮອງ​ເອົາ​ຕາມ​ການສະ​ເໜີ​ຂອງ ​ປະທານ​ສານ​ປະຊາຊົນ​ສູງ​ສຸດ ​ເພື່ອ​ໃຫ້​ຄະນະ​ປະ​ຈໍາ​ສະພາ​ແຫ່ງ​ຊາດ​ຕົກລົງ​ດັ່ງ​ທີ່​ໄດ້​ກໍາ​ນົດ​ໄວ້​ໃນ​ມາດຕາ 93 ​ແລະ ການ​ກໍານົດ​ສິດ​ຕົກລົງ​ແຕ່ງ​ຕັ້ງ, ຍົກຍ້າຍ ຫລື ປົດ​ຕໍາ​ແໜ່​ງສະພາ​ຜູ້​ພິພາກສາ​ສານ​ປະຊາຊົນ​ສູງ​ສຸດ ​ທີ່​ໄດ້​ມີ​ການສະ​ເໜີ​ໃຫ້​ເປັນ​ສິດ​ພິຈາລະນາ​ຕົກລົງ​ ຈາກ​ກອງ​ປະຊຸມ​ສະພາ​ແຫ່ງ​ຊາດ ​ເຊິ່ງ​​ປັດຈຸບັນ ​ແມ່ນ​ສິດ​ຕົກລົງ​ຂອງ​ຄະນະ​ປະ​ຈໍາ​ສະພາ​ແຫ່ງ​ຊາດ ກ່ຽວ​ກັບ​ບັນຫາ​ດັ່ງກ່າວ​ນີ້​ຍັງ​ບໍ່​ທັນ​ໄດ້​ກໍານົດ​ຢູ່​ໃນ​ມາດຕາ 53 ວ່າ​ດ້ວຍ​ສິດ ​ແລະ ໜ້າ​ທີ່​ຂອງ​ສະພາ​ແຫ່ງ​ຊາດ.

ແຫ່ລງຂ່າວ

ຂປລ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...