ມຸກດາວັນ ສັນຕິພອນ ນັກນ້ອງບ້ານນາສຽງໃສ ມະຫາສະເໜ່ລູກຫຼານພະທາດອີງຮັງ ຜູ້ມີຊື່ສຽງໂດ່ງດັງຂ້າມຟ້າມະຫາສະໝຸດ ກັບສຽງຊຸດ ມົນຮັກບ່າວເມືອງວັງ.
ມຸກດາວັນ ບອກວ່າ ເຖິງແມ່ນເຮົາຈະເປັນທີ່ຮູ້ຈັກ ຂອງສັງຄົມຫຼວງຫຼາຍປານໃດກໍຕາມ ຖ້າເຮົາຢຸດພັດທະນາຕົນເອງມື້ໃດ ເຮົາກໍຈະຢຸດຢູ່ບ່ອນເກົ່າທັນທີ ແລະນັກບມື້ກໍຈະຖອຍຫຼັງ ແລະອີກສິ່ງໜຶ່ງທີ່ເຮົາຄວນຄຳນຶງ ນັ້ນກໍຄືເຮົາເຕີບໃຫຍ່ມາກັບສັງຄົມ ຍ້ອນສັງຄົມໃຫ້ການສະໜັບສະໜຸນ ດັ່ງນັ້ນ, ບຸນຄຸນຂອງສັງຄົມ ຂອງປະເທດຊາດ ຈຶ່ງເປັນບຸນຄຸນທີ່ຍິ່ງໃຫຍ່, ການຕອບບຸນແທນຄຸນສັງຄົມ ແມ່ນເປັນສິ່ງທີ່ຄວນມີເປັນປະຈຳ.
ມຸກດາວັນ ບອກຕື່ມວ່າ ການຕອບບຸນແທນຄຸນສັງຄົມ ຂອງມຸກດາວັນແມ່ນ ການຮັບໃຊ້ສັງຄົມ ຮັບໃຊ້ປະເທດຊາດ ດ້ວຍການສືບທອດສິລະປະ-ວັດທະນະທຳ ພັດທະນາຕົນເອງໃຫ້ດີຂຶ້ນເລື້ອຍໆ ເພື່ອກຽມພ້ອມຮັບໃຊ້ຊາດຢູ່ທຸກເວລາ. ຫຼ້າສຸດ ມຸກດາວັນ ສັນຕິພອນ ໄດ້ເຝິກຊ້ອມການລຳຄອນສະຫວັນ ເພື່ອຮັບໃຊ້ວຽກງານ ຂອງພະແນກຖະແຫຼງຂ່າວ ວັດທະນະທຳແລະທ່ອງທ່ຽວ ແຂວງສະຫວັນນະເຂດ.
