ໃນທຸກໆ ເທື່ອທີ່ມີການຮ້ອງເພງສຸກສັນວັນເກີດເປັນກຸ່ມໃຫຍ່ໆ ທຸກເທື່ອຈະມີໃຜບາງຄົົນທີ່ຮ້ອງອອກມາຜິດຄີ ຖ້າເຈົ້າໂຊກບໍ່ດີ ຄົນໆນັ້ນອາດຈະເປັນເຈົ້າ ຄົົນທີ່ມີຄວາມຜິດປົກກະຕິທາງດ້ານສຽງດົນຕຣີຕັ້ງແຕ່ເກີດຈະບໍ່ສາມາດແຍກໂນດອອກຈາກຕົວອື່ນໄດ້ ການສຶກສາໃໝ່ຄົ້ນພົບວ່າ ບັນຫານີ້ເກີດມາຈາກຂະບວນການທາງສະໝອງທີ່ປະມວນສຽງພິດ (pitch) ຜິດອອກໄປ
ຄົນຫລາຍໆຄົນມັກເວົ້າວ່າ ພວກເຂົາເປັນຄົນແຍກໂທນສຽງບໍ່ໄດ້ເມື່ອພວກເຂົາຮ້ອງຜິດຄີອອກໄປ ສຳລັບຄົນສ່ວນໃຫຍ່ ສິ່ງນີ້ບໍ່ແມ່ນເລື່ອງຈິງ ພວກເຂົາຍັງຝຶກບໍ່ພຽງພໍ ແຕ່ສຳລັບໃນກຸ່ມນ້ອຍໆ ບໍ່ວ່າຈະຝຶກຊ່ຳໃດກໍຕາມກໍບໍ່ໄດ້ຊ່ວຍໃຫ້ດີຂຶ້ນ ຄົນເຫລົ່ານີ້ຄືກຸ່ມຄົົນທີ່ມີບັນຫາທາງດ້ານສຽງດົນຕຣີຊຶ່ງຫາໄດ້ຍາກຫລາຍ ຈະພົບໄດ້ໃນໜຶ່ງຄົນຈາກທຸກໆ 25 ຄົນ
Samuel Norman-Haignere ເຮັດວຽກທີ່ Massachusetts Institute of Technology ໃນແຄມບຣິດ ຊຶ່ງພວກເຂົາເຮັດການສຶກສາວ່າ ສະໝອງນັ້ນດຳເນີນການກັບສຽງຢ່າງໃດ ນັກວິທະຍາສາດບໍ່ເຄີຍແນ່ໃຈໄດ້ເລີຍວ່າ ເປັນຫຍັງຄົົນທີ່ມີຄວາມຜິດປົກກະຕິທາງດ້ານສຽງເຖິງບໍ່ສາມາດທີ່ຈະຕິດຕາມຫລືແຍກໂທນສຽງໄດ້ ຄົນສ່ວນໃຫຍ່ທີ່ມີລັກສະນະເຊັ່ນນີ້ຈະໄດ້ຍິນສຽງອື່ນໆ ໄດ້ເປັນຢ່າງດີ ດັ່ງນັ້ນຖ້າຫູຂອງພວກເຂົາບໍ່ໄດ້ມີບັນຫາ ບັນຫາທີ່ເກີດຂື້ນນີ້ຈະຕ້ອງເກີດມາຈາກວ່າສະໝອງນັ້ນທຳການແປຜົນຂອງສຽງຢ່າງໃດ
ໃນການທີ່ຈະສຶກສາສິ່ງນີ້ ພວກເຂົາແລະທີມວິໄຈຂອງພວກເຂົາທຳການສຶກສາຄົົນທີ່ມີບັນຫາທາງດ້ານການຮັບຮູ້ສຽງດົນຕຣີຈຳນວນ 11 ຄົນ ແລະອີກ 11 ຄົົນທີ່ສາມາດແຍກຄວາມແຕກຕ່າງຂອງສຽງດົນຕຣີໄດ້ຢ່າງງ່າຍດາຍ ພວກເຂົາໃຊ້ເທກນິກທີ່ເອີ້ນວ່າ functional magnetic resonance imaging ຫລື fMRI ການສະແກນດ້ວຍເທກນິກນີ້ສາມາດທີ່ຈະວັດການໄຫລຂອງເລືອດໃນສະໝອງໄດ້ ບໍລິເວນທີ່ຈະເຮັດການສຶກສານັ້ນເປັນພື້ນທີ່ທີ່ມີການຕື່ນຕົວໃນລະຫວ່າງທີ່ມີການເຮັດວຽກງານຫລາຍໆຢ່າງ ເຊັ່ນ ການຟັງເພງທີ່ລຳດັບຂອງເພງແບບສຸ່ມ ນັກວິທະຍາສາດນັ້ນສົນໃຈສະໝອງສ່ວນບ່ອນເຮັດວຽກຮັບຮູ້ທາງດ້ານສຽງດົນຕຣີ (auditory cortex)
ຜົນການສຶກສາທີ່ໄດ້ຈາກ fMRI ສະແດງໃຫ້ເຫັນວ່າ ສະໝອງສ່ວນຮັບຮູ້ສຽງດົນຕຣີຂອງກຸ່ມຄົົນທີ່ມີຄວາມຜິດປົກກະຕິທາງດ້ານໂທນສຽງສາມາດທຳການກວດຈັບຜິດ (pitch) ຂອງດົນຕຣີໄດ້ ບໍລິເວນຂອງສະໝອງສ່ວນນີ້ຕອບສະໜອງໄດ້ດີໃນກຸ່ມຄົົນທີ່ມີຄວາມຜິດປົກກະຕິເຊັ່ນດຽວກັນກັບກຸ່ມຄົົນທີ່ສາມາດແຍກສຽງໄດ້ເປັນຢ່າງດີ
Norman-Haignere ອະທິບາຍວ່າ “ພວກເຮົາພະຍາຍາມທຸກຢ່າງທີ່ຈະຫາຄວາມແຕກຕ່າງຂອງສະໝອງສ່ວນທີ່ຮັບຮູ້ສຽງດົນຕຣີ ເຖິງແມ່ນວ່າສະໝອງສ່ວນນີ້ເບິ່ງຄືຈະຮັບຮູ້ສຽງໄດ້ເປັນຢ່າງດີໃນກຸ່ມຜູ້ຟັງທີ່ມີຄວາມຜິດປົກກະຕິໃນການແຍກໂທນສຽງ ແຕ່ກຸ່ມຄົນກຸ່ມນີ້ກໍຍັງບໍ່ສາມາດທີ່ແຍກໂນດອອກຈາກຕົວອື່ນໄດ້”
ຜົນການທົດລອງແນະໃຫ້ເຫັນວ່າ ໜ້າຈະມີໂຄງສ້າງຂອງສະໝອງຫລາຍກວ່າໜຶ່ງສ່ວນທີ່ເຮັດຫນ້າທີ່ຮັບຮູ້ສຽງໂດຍທົ່ວໄປແລະທຳການແປຜົນອອກມາ ແຕ່ສະໝອງສ່ວນນັ້ນຢູ່ບ່ອນໃດ ສິ່ງນີ້ຍັງເປັນປິດສະໜາຢູ່
Norman-Haignere ໄດ້ລາຍງານການຄົ້ນພົບຂອງພວກເຂົາໄວ້ເມື່ອວັນທີ່ 19 ຕຸລາທີ່ງານປະຊຸມປະຈຳປີຂອງສະມາຄົມປະສາດວິທະຍາ