1. ຖ້າທ່ານເປັນຄົນຕຸ້ຍຄວນຫຼຸດນ້ຳໜັກ ເປັນອັນດັບທຳອິດ ເພື່ອຫຼຸດແຮງກົດນ້ຳໜັກລົງທີ່ຕີນແລະຂາ
2. ຫລີກລ້ຽງການຍືນ ຫລື ການນັ່ງລ້າໆ ຫລື ນັ່ງໄຂວ້ຂາເປັນເວລາດົນ ເພາະຈະເຮັດໃຫ້ກ້າມເນື້ອບໍ່ບີບໂຕໄລ່ເລືອດ ແລະ ພະຍາຍາມອອກກຳລັງກາຍຜ່ອນຄາຍກ້າມເນື້ອນ່ອງແລະຂາ ໂດຍການຍົກປາຍຕີນຂຶ້ນແລະລົງ ຫລືການບີບແລະຄາຍນິ້ວຕີນທຸກເຄິ່ງຊົ່ວໂມງ ແລະພໍເຖິງຊ່ວງທີ່ໄດ້ນັ່ງພັກ ໃຫ້ຖອດເກີບສົ້ນສູງອອກ ນັ່ງລົງເທິງຕັ່ງ ຫລັງກົງ ແລະ ຍົກຂາຂຶ້ນໜຶ່ງຂ້າງໃຫ້ສູງລະດັບສະໂພກແລະໝຸນຂໍ້ຕີນເປັນວົງມົນໄປມາ ຈາກນັ້ນໃຫ້ເຫນັງຕີນຊີ້ຂຶ້ນແລະລົງ ຈາກນັ້ນເຮັດສະຫລັບອີກຂ້າງ
3. ຫລີກລ້ຽງການໃສ່ຖົງຕີນຍາວ ຫລື ຖົງນ່ອງ ທີ່ຮັດສູງກວ່າເຂົ່າ ຊຶ່ງເຮັດໃຫ້ລະບົບໝຸນວຽນເລືອດ ບໍ່ສະດວກ ໃນກໍລະນີທີ່ຈຳເປັນຕ້ອງສວມຖົງຕີນຫລືຖົງນ່ອງ ຄວນເລືອກເນື້ອຜ້າທີ່ມີຄວາມຍືດຫຍຸ່ນ ແລະເລືອກແບບທີ່ຂອບຖົງຕີນຫລືຖົງນ່ອງ ຮັດຫ່າງກ້ອງເຂົ່າປະມານ 2 ນິ້ວ
4. ຮັບປະທານຫມາກໄມ້ທີ່ມີວິຕາມິນຊີສູງ ແລະໃຫ້ສານຕ້ານອະນຸມູນອິດສະຫລະແອນໂທໄຊຢານິນ ເຊັ່ນ ໝາກກ້ຽງ ໝາກສີດາ ແຄນເບີລີ່ ເພາະຊ່ວຍເຮັດໃຫ້ຝາຫລອດເລືອດຝອຍແຂງແຮງ ແລະເຮັດໃຫ້ລະບົບໄຫລວຽນເລືອດເຮັດວຽກໄດ້ດີຂຶ້ນ
ໃນກໍລະນີທີ່ເສັ້ນເລືອດຂອດເຫັນແຈ້ງຫລາຍ ອາດຕ້ອງໄດ້ຮັບການປິ່ນປົວດ້ວຍການສີດຢາຫລືຜ່າຕັດ ທັງນີ້ການປິ່ນປົວເສັ້ນເລືອດຂອດບໍ່ວ່າຈະວິທີໃດກໍຕາມ ບໍ່ສາມາດຮັບປະກັນວ່າຈະບໍ່ເກີດເສັ້ນເລືອດຂອດໃໝ່ 100% ແລະແພດອາດໃຫ້ການປິ່ນປົວຫລາຍກວ່າ 1 ວິທີຮ່ວມກັນ ເພື່ອປະສິດທິພາບໃນການປິ່ນປົວໃຫ້ໄດ້ຜົນດີີຫລາຍທີ່ສຸດ ແລະທີ່ສຳຄັນບໍລິເວນທີ່ເປັນເສັ້ນເລືອດຂອດມີອາການປວດຫລືບວມ ທ່ານຄວນໄປປຶກສາແພດທັນທີ
